Jɔ̀ɔ̌n 11:52 - Nyesoaa Kuo Win Jajle

⁵² È ɛ sea uu do sosǒ, kɛɛ ɛ mooa Bɔ poaǒ Nyesoaa jlǔ wùɛ tàa do ke ü wlɛ̀ɛ kmɔ̌à kɛn bo.

Jɔ̀ɔ̌n 11:52 ပူးပေါင်းရင်းမြစ်များ

Lǔkù 15:8

Jùsu kpɛɛa Ɔɔ win nya Ɔ je, “Bɛ̌ nu bo nynɔ bɔ̌ kɔn kɛ sěbla wlěe pù plě bo do bɛ̌ mǎ, ɔɔ̌ bɛɛ̌ kɛ nǎpe ɔɔ̌ sà wɔ̀te wùɛǒ neě koǔǒ bo ɔɔ̌ mǎ lě sèn bo doɛɛ doɛɛ ɔɔ̌ pɔ̀n kɛ ɛ le ɛɛ̌ kpa lɛ kpa plě ɔɔ̌ jě kɛ lɛ le?

Lǔkù 2:32

Nɔ̀ moo Pepě Ɔ̈ mi Nè kɛn wɔɔn dɛ tàmo sàba keǒ kuodakwɛ̌ mɔ̀ plě Nɔ̀ miě tè jǐ boaboǎ jaba keǒ Nè nyopò Ǐsòwɛ̌ kwɛɛn mɔ̀.”

Jɔ̀ɔ̌n 1:12

Kɛɛ nyopò wùɛ ü mi Ɔɔ jebo kmema plě ü mi Ɔɔ tè kàan tè poba, Ɔ mi u kpě nyema keǒ bu moo Nyesoaa jlǔ.

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 10:16

Ě kɔn blableǎ tìi ï seɔɔ blǎgbòɔ slè neě jè, Ě kɔn Bo ja lě i ke i mǐ Ně win wɔ̌n i mǐ blǎgbòo do nu i mǐ Jǐ Mɔ̀ Tùɔ̌ɔ do kɔn.

Jɔ̀ɔ̌n 12:32

È bɛ̌ nu bǔ sàǒǒ blǒ mɔ̀ bǔ poǒ jɔ mǒ, Ě mi nyopò pɛpɛ wùɛ chlìba kělɔ Ně chɛ̀ mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:10

Ě neeǒò mɔ̀ plě Ě kɔn nyopò fòfoa kělɔ dě fòɛà wlòmo ü niiě Mǒo bobo konkwa, nyu wùɛ se ɛ mǒ tɛ̀nma mu keǒ bɔ nuù dɛ kukǔ mǒ.”

Wlǔmɔ 3:29

Deě Nyesoaà Ɔ moo kɛ Jùwɛ nyoo doo Nyesoa le? Deě Ɔ se kɛ kuodakwɛ̌ɛ Nyesoa ke le? Kě ä kɔn bä dǎ ɛ̈ moo Ɔ moo kuodakwɛ̌ɛ Nyesoa ke!

Wlǔmɔ 4:17

Kě ɛ nu chleěa klě Nyesoaa win wlòmo ɛ̈ moo, “Ě miì dakwɛ̌ fòfoaa gbeǐ mǒ numa.” (Gen 17.5) Eblɛ̌hɛ̀mo nɔ̀ moo äa gbeǐ klě Nyesoa jǐ kɛn. Eblɛ̌hɛ̀mo po Nyesoaa tè kàan tè Ɔ̈à nyu bɔ̌ kǒo Ɔ̈ jɛ lɔɔ de Ɔ̈ nye nɔɔ fònfno plě Ɔmo Nyesoaǒ Ɔ̈ boɛɛ wien noǎ wěe tàmo ǐ nee kmɔ̌ ïà se pnɔɔ kmɔ̌ ne.

Ifisiɛ̌n 1:5

tèǒ nì kɔn tè sɔɔnʼě kmɔ̌ɔ wlò tùla mǒ Ɔ chlàla lɛ Ɔ̌ poa ɛ ble klě Ɔɔ kàan dɛ mǒ, Jùsu Tentǎn Jǔ mǐa ä nu ä mǐa Ɔɔ jlǔ tù

Ifisiɛ̌n 3:11

Dɛǒ nɛ̀ Nyesoa poa ble seela plě Ɔ nu ɛ̈ kpa tùɔn klě äa Koɔn Tentǎn Jǔ Jùsu mǒ.

Jìmǐse 1:1

Mǒ Jìmǐseà chlě chněedɛ̌à ɔ̈ monoo na wien po nyebajlo keǒ Koɔn Jùsu Tentǎn Jǔ klee Nyesoa mɔ̀. Wan le gbògba nɛ̀ Ě dbe klě amo Ǐsòwɛ̌ kwɛɛn dakwɛ̌ dlěe pù tùo sɔ̌n mɔ̀ ü gbɛ̀tɛɛ blě kɛn le.

1 Pitɛ̌ 1:1

Mǒ Pitɛ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu, Ě chleě ɛ amo Nyesoaa nyopò mɔ̀ ü Ɔ sà lěe ü nee kmɔ̌ wòje dakpě ü gbɛ̀tɛɛ lee blěe wakě wùɛ kɛn le, jà Pɔntɔ̀ klee Kalesìa klee Kapodosìa klee Esìa klee Betimiǎ wakě wùɛǒ.

1 Jɔ̀ɔ̌n 2:2

Jùsuu chɛ̀ Nɔ̀ sàe äa kpni kukwǐi tùgba, ɛ̈ see äa kpni kukwǐi do, kɛɛ keǒ nyopò wùɛɛ kpni kukwǐ mɔ̀ ü neɔɔ kmɔ̌ɔ mɔ̀ ke.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.