Jɔ̀ɔ̌n 10:4 - Nyesoaa Kuo Win Jajle

⁴ Bɛ̌ nu bɔ̌ ke ɔɔ blableǎǒ kpɛ ɔ kɛnʼě i nya ǐ nɛ ɔ de. Mɛ̌oǒ joo nɛ̀ moo i ji ɔɔ win ni.

Jɔ̀ɔ̌n 10:4 ပူးပေါင်းရင်းမြစ်များ

Matiɔ̌n 16:24

È kě Jùsu dɛ̌a Ɔɔ mɔ̀ cheěn nyo je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Jɔ̀ɔ̌n 10:16

Ě kɔn blableǎ tìi ï seɔɔ blǎgbòɔ slè neě jè, Ě kɔn Bo ja lě i ke i mǐ Ně win wɔ̌n i mǐ blǎgbòo do nu i mǐ Jǐ Mɔ̀ Tùɔ̌ɔ do kɔn.

Jɔ̀ɔ̌n 10:27

Ně nyopò wɛ̌n Ně win ni, Ě ji lu, plě ǔ nɛɛ̌ de.

Jɔ̀ɔ̌n 10:3

Wànwu jǐ mɔ̀ tùɔ̌ sɛ̀ ɔ chnu je, è ɔɔ blableǎ pe ɔɔ win nɔkǔ jebo. Bɔ̌ poě i plomǒ bɔ̌ ke i wan le diba kpɛ, ɔ dɛ ii nyneǎ do do.

Jɔ̀ɔ̌n 10:5

Iǐ na nyu wùɛ i jěe de. Bǐ jě dɔ̌ nyu, i plìi ɔ je. Mɛ̌oǒ joo nɛ̀ moo i se nyu wùɛɛ win ji.”

Jɔ̀ɔ̌n 10:8

Nyu wùɛ ɔ̈ miě Mǒo nya le sìnma ɔ moo jliɔ̌ klee flǎkpà nyu, kɛɛ blableǎǒ iǐ po uu win nɔkǔ jebo.

Jɔ̀ɔ̌n 12:26

Bɛ̌ nu nyu wùɛ bɔ̌ keě konkwa mɔ̀ nii ni, ɔ kɔn bɔ naǎ de ɛ̈ di ɛɛ numa tà Ě neěe ɔ miǎ lě ne. Ně Gbeǐ miǎǒ nyuǒ ɔ̈ nii Mǒo konkwa mɔ̀ tùtuɛ nyema.”

Jɔ̀ɔ̌n 13:15

Dɛǒ nɛ̀ moo ɛɛ tee dɛ Ě nye amo ɛ̈ di ɛɛ numa a mǐ dɛɛ doǒ ɛ̈à Ě nu amoo mǒ aa bǐì tùu mǒ nu ke.

Jɔ̀ɔ̌n 18:37

È Pàlɛ̌te gbàla Ɔ wan ɔ je, “Ii tè deě Mòo Klɔ̀ba?” È Ɔ tùa lɔ kɛ̀ɛn Ɔ je, “Nìǒ neěè wan ɛ̈ moo Ě moo Klɔ̀ba. Tèà nì kɔn tè Ě kɔɔn no Ě diɔ kmɔ̌ɔ mɔ̀ ɛ̈ di ɛɛ numa Ě mǐ kmɔ̌ɔ nyopò wlòmo sèsae le keǒ Nyesoaa kàan tè mɔ̀. Nyopò wùɛà kɔnʼǒo kàan dɛǒ wakǎ jleě mǒ, u pe Ně win nɔkǔ jebo.”

Jɔ̀ɔ̌n 3:29

Nynejajloǒ ɔ kɔnʼǒ ɔɔ jbe mɔ̀, è jbeǒ ɔɔ nenawai nynaǒ u gbàa bo ɔ̌ pe ɔɔ win nɔkǔ jebo, è ɔɔ plɔ ble le bɔ̌ ke ɔɔ win wɛ̌n. Dɛɛ doǒ nɛ̀ ɛ mono, mǒà ně plɔ blo lo klě tǐà wlòmo. Mɛ̌oǒ joo nɛ̀ moo Ě ji ɛle Nɔ̀ moo Nyesoaa Tentǎn Jǔ.

1 Kwnɛtiɛ̌ 11:1

Dɛɛ doà Ě nii Ě sɛ̀ lěe Tentǎn Jǔu fì le nɛ̀ ba nu a sàě ně fì le.

Ifisiɛ̌n 5:1

Nyesoa noɛ a mǒ no keà Ɔɔ jlǔ, nɛ̀ kɔn tè a kɔn ba tɛ̀n ɛ mǒ ba nu dɛ bɛ wǒ Ɔ je.

Hiblǔ 12:2

A nɛ bä mǎǒ Jùsu jleě mǒ bo Ɔ̈ nɛɛ ämoo klě äa tè wlò popoɛ mǒ plě Ɔ̈ nu ɛɛ ɛ̌ wɛ̀ lee jele. Tǐǒ jleě Ɔ jěaa sònwɛ keǒ pète bɛ̌ tu jleě, Ɔ kɔna wlò dbadbǎ Ɔ̌ sàla tònwe dɛǒ jleě mɔ̀ keǒ plɔɔ bloblɛ Ɔ miaa kɔnma klě kmɔ̌ɔ nya ɛɛ tè mɔ̀. Sɔɔnʼaě tǐǒ wlòmo Ɔ neě Ɔɔ Gbeǐ Nyesoaa klɔ̀ba gbèsɛɛ dilǎ son mɔ̀ bo ɛ̈ moo tùɔn ɛ̈ kɔnʼǒo tùtuɛ fòɛ.

Hiblǔ 6:20

Jùsu kɛnʼě ä nya Ɔ̌ muě Nyesoa jemǒ keǒ ä pènmo, Nɔ̀ moo äa Bodiɔ ke ɛ mii jleě mǒ bo tonma wòje keǒ Mɛchesèdaa ka nee je ɔ̈ moo Nyesoaa bodiɔ.

1 Pitɛ̌ 2:21

Dɛǒ nɛ̀ kɔn tè sɛje Nyesoa dala amo ba nu. Tentǎn Jǔ jě sònwɛ keǒ a mɔ̀ Ɔ̌ tee ɛ amo bɛ moo jboo dɛ keǒ a mɔ̀ ɛ̈ di ɛɛ numa a miě Ɔɔ fì le sà

1 Pitɛ̌ 4:1

Ke ɛ toon jleě mǒ bo Tentǎn Jǔu fǒ jěe sònwɛ keǒ aa tè mɔ̀, kě ba nu ke a wɛ̀ mɔ̀le keǒ ba jě sònwɛ. Mɛ̌oǒ joo nɛ̀ moo plě nyu miě kpni kukwǐ kwete mǒ sɔn, ɔɔ fǒ kɔn bɛ jě sònwɛ.

1 Pitɛ̌ 5:3

Nyopòǒ Nyesoa poě amoo kwete mǒ aǎ ne u dlǒ bo, kɛɛ a moo ɛɛ jboo dɛ keǒ u mɔ̀ u mǐi de na.