Jɔ̀ɔ̌n 10:18 - Nyesoaa Kuo Win Jajle

¹⁸ Nyu wùɛ nɔ̀ se Ně fònfnoà Mǒ kwa sà, kɛɛ Mǒà Mǒ chlà lɛ keǒ Bo poǒ ɛ blǒ mɔ̀ bo, Ě kɔn kpě keǒ Boǒ tɛ ɛ bo plě Ě kɔn kpě keǒ Boǒ dǔ ɛ mǒ de. Dɛǒ nɛ̀ Ně Gbeǐ tmɔɔ̌ Mǒ Bo nu.”

Jɔ̀ɔ̌n 10:18 ပူးပေါင်းရင်းမြစ်များ

Jɔ̀ɔ̌n 10:11

Mǒà Mǒ moo Kàan Blableǎ Jǐ Mɔ̀ Tùɔ̌ Ɔ̈ wɔɔn ɛɛ kɛn Bɔ̈ kǒo keǒ blableǎa tè mɔ̀.

Jɔ̀ɔ̌n 10:15

wòje keǒ ɛ nuu Ě ji Něe Gbeǐ plě Ně Gbeǐ ji Mǒo. Ě wɔɔn ɛ kɛn keǒ Bo kǒ keǒ blableǎǒ ii tè mɔ̀.

Jɔ̀ɔ̌n 10:17

Ě wɔɔn ɛ kɛn keǒ Bo poǒ Ně fònfno blǒ mɔ̀ bo keǒ blableǎ mɔ̀ plě Bo dǔ ɛ mǒ de. Ii tè Ně Gbeǐ noɛɛ neě mǒ no.

Jɔ̀ɔ̌n 14:31

kɛɛ kmɔ̌ɔ nyopò kɔn bu ji ɛ ɛ̈ moo Ě noɛɛ Gbeǐ mǒ no, tèǒ nì kɔn tè dɛɛ teěnʼǒ Ně Gbeǐ tmɔɔ̌ Mǒo nɛ̀ Ě mi numa. A sɔn mǒ, bä mu!”

Jɔ̀ɔ̌n 15:10

Bɛ̌ nu bǎ keǒ Ně teteǎà bo tùi, Ě mi a mǒ noɛɛma kaǒ, dɛɛ doǒ nɛ̀ ɛ mono, Ě tùiǒ Ně Gbeǐi teteǎ bo, ii tè Ɔ noɛɛ neě mǒ kaǒ.

Jɔ̀ɔ̌n 19:11

È Jùsu tùa ɔ kɛ̀ɛn Ɔ je, “Sè kpě tìi kɔn kěàǎ jleě mǒ, ɛ̀ sìnʼǒ kpě bǐ sɔnʼě jɔkɛn mǒ plě. Tèǒ ni kɔn tè nyuà ɔ̈ dǔ Mǒo mǒ ɔ̈ poɔ Mǒ mòo kwete mǒ nɔ̀ kɔn kpni kukwǐ tè jɛɛa fòɛ sìnʼǒò mǒ.”

Jɔ̀ɔ̌n 5:26

Ke Ɔmo Gbeǐǒ Ɔ nuu Ɔ̌ moo kmɔ̌ sie fònfnoo Mǎ, kě Bɔ nu Ɔɔ Jǔà Bɔ moo fònfnoo Mǎ.

Jɔ̀ɔ̌n 5:30

Ně nu dɛ keǒ Ně chɛ̀ mɔ̀. Ě tùi blilǐ sosǒ dɛ Ě wɔ̌nʼɔ Ně Gbeǐ tmɔɔ̌ Mǒo Boǒ tùu. È Ně tɛ̀n ɛ mǒ keǒ Boǒ nu dɛ ɛ̈à Ě jlɛ̌ɛ, kɛɛ dɛà Nyuà dbo Mǒo Ɔ jlɛ̌ɛ, tèǒ nì kɔn tè Ně tè tùtuɛ slɛɛ̌ mǒ no.”

Jɔ̀ɔ̌n 6:38

Mɛ̌oǒ joo nɛ̀ moo Ě slě jɔkɛn mǒ sɔn keǒ Bo nu Ně chɛ̀ɛ kɛn wɔɔn dɛ, kɛɛ keǒ Bo nu Nyesoaà dbo Mǒo Ɔɔ dɛ Ɔ jlɛ̌.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:24

kɛɛ Nyesoa dǔa Ɔ jemǒ Ɔ̌ gblàlaě Ɔ kokoɛ̌ɛ chnechně noǎa slè. Ɛ slě ɛ wɔ̀ bo kokoɛ̌ bɛ di Ɔ kwa blě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:32

Nyesoa Nɔ̀ dǔa Jùsu jemǒ Ɔ̈ sàlaě Ɔ kǒla mǒ, è äa pɛpɛ wùɛ ä moo sàse keǒ ɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:15

Nyuà Ɔ̈ moo Fònfnoo Wlò Le Tùtuɛ Nɔ̀ a dbǎla, kɛɛ Nyesoa dǔa Ɔ jemǒ Ɔ̌ sàlaě Ɔ kǒla mǒ, äa wùɛà nɛ̀ kɔn sàse dɛ ä ni.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Hiblǔ 2:9

Kɛɛ ä ji Jùsu Ɔ̈ Nyesoa tìeaa ja najiǒpòo tè sìnʼaǒo mǒ dɛ gbee, klě tǐà wlòmo Nyesoa nye Ɔ tè jǐ boaboǎ klee bo tùtuɛ keǒ sònwɛǒ Ɔ jěaa mɔ̀ Ɔ̌ kǒaa. Nyesoaa wlòo jlajlǎ dɛà Ɔ kɔnʼɔ ɛ̈ɛ̌ sà Lɔɔ wlò kǔ mǒ keǒ ä mɔ̀ nɛ̀ kɔn tè Jùsu koǒaǒ nyu wùɛɛ tà.