Jɔ̀ɔ̌n 10:14 - Nyesoaa Kuo Win Jajle

¹⁴ Mǒà Mǒ moo Kàan Blableǎ Jǐ Mɔ̀ Tùɔ̌, Ě ji Ně blableǎ le plě ǐ ji Mǒ

Jɔ̀ɔ̌n 10:14 ပူးပေါင်းရင်းမြစ်များ

Jɔ̀ɔ̌n 10:11

Mǒà Mǒ moo Kàan Blableǎ Jǐ Mɔ̀ Tùɔ̌ Ɔ̈ wɔɔn ɛɛ kɛn Bɔ̈ kǒo keǒ blableǎa tè mɔ̀.

Jɔ̀ɔ̌n 10:13

Tè kɔn tè nyuǒ ɔ plìi nɛ̀ moo ɔ moo konkwa nuɔ sosǒ, ɔ slě blableǎǒ ii tè mɔ̀ kɔn.

Jɔ̀ɔ̌n 10:27

Ně nyopò wɛ̌n Ně win ni, Ě ji lu, plě ǔ nɛɛ̌ de.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 17:8

Mɛ̌oǒ joo nɛ̀ moo win pò Mǒo wan nì Ě tee u plě ǔ blě i kwa, tèǒ nì kɔn tè u ji ɛ sɛjesɛ ɛ̈ moo klě Ě sɔn lěè mɔ̀ mǒ plě ǔ po i kàan tè ɛ̈ moo Mò dbo Mǒ.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

Ifisiɛ̌n 1:17

plě Ě gbɛ̀ɛ ɛ Nyesoa wan Ɔ̈ moo Gbeǐ keǒ äa Koɔn Jùsu Tentǎn Jǔ mɔ̀ klee Ɔ̈ moo tè jǐ boǎ Gbeǐ keǒ Bɔ nye a tɔ̀n klee Bɔ po noǎ fòfoa pepě mǒ keǒ a mɔ̀ ï kwɛɛǒo Ɔɔ chɛ̀ jleě mǒ bo.

Ifisiɛ̌n 3:19

Ɛ se nyu kɔn bɔ̈ jbo ɛɛ le kpǎkpǎ. È Nyesoaa chɛ̀ miě a měne jǐba kpǎkpǎ.

Flepiɛ̌n 3:8

Bɛ̌ nu bo po imo noǎǒ kàan dɛǒ neǒo nyu bɔ ji Tentǎn Jǔ Jùsu wlòmo je Ɔ̈ moo ně Koɔn, ii wùɛ Ě jě li ɛ̈ moo i se dɛ mǒ ne. Keǒ Ɔɔ tè mɔ̀ Ě sàǒ noǎ wùɛ mɔ̀ jleě plě Ě jě li ɛ̈ moo i moo wɔ̀te ɛ̈ di ɛɛ numa Ě mǐ Tentǎn Jǔ kɔn

2 Timɛtě 1:12

Tèǒ nì kɔn tè baǎje mǒà bo ke noǎǒ ii sònwɛ jě, ɛɛ tònwe ně nu mǒ keǒ tuposàǒ mɔ̀. Ě ji Nyu tae Ě kpae lee wlò lo plě Ě ji ɛ ɛ̈ moo Ɔ wɔ̀le je Bɔ tù ɛmo tuposàǒ jleě mɔ̀ tɛɛ tɛɛ ɛ̈ Ɔ poě mǒo kwete mǒ ɛ mǐ ɛ kpa kpa ɛ mǐ blilǐ tù chnɛ̀ jlǒ waě kɛn jɛɛ le.

2 Timɛtě 2:19

Kɛɛ Nyesoaa winʼà i slě de sèsa wɔ̀ wòje keà kǎngmà jakǎa le ɛ slěe ngmàa wowoɛ̌ wɔ̀. Ɔɔ tuposà je, “Sɛjesɛ Koɔn ji nyopòǒ moo Ɔɔ nyopò no,” (Num 16.5) è “Nyu wùɛ bɔ̈ dae ɔɔ chɛ̀ Koɔnʼɔ nyu, ɔ kɔn bɔ tmɔɔ kpni kukwǐ mɔ̀.” (Num 16.26)

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

Wlɛ̀velesɔ̌n 2:13

Ě ji tà a neǒo no, tàa teěnʼǒ Setɛ̀nʼɛ klɔ̀ba gbèsɛɛ neǒo keǒ a neǒ. Kɛɛ kaǒ a kɔn wlò kpaea klěě mǒ. Ɛntèpa ɔ̈ mooa Ně sàsepoi ɔ kɔna wlò kpaea klěě mǒ. Tà ɔ nua Něe konkwa klě aa diě wlòmo, tàà Setɛ̀n tǐnʼěe, u dbǎla ɔ lo, kɛɛ aa tè wlò popoɛ a kɔnʼɔ klěě mǒ a sea ɛ mǎ.

Wlɛ̀velesɔ̌n 2:19

Ě ji dɛ a nii ni. Ě ji ɛle a noɛɛ neě mǒ no klee tùonyopo plě ǎ kɔn tè wlò popoɛ klěě mǒ klee ǎ niniǐ konkwa mɔ̀, è a kɔn wlò dbadbǎ klě tǐ jakě slè plě a ni noǎ fòfoa klě tǐà wlòmo keǒǒ mɔ̀ ɛ̌ sìnʼǒ noǎ a niaa mǒ klekle.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.

Wlɛ̀velesɔ̌n 2:9

Ě ji ɛle ɛ̈ moo a jě sònwɛ plě sònwɛ ni amo, kɛɛ a pàn ne klě wakǎ tɛ̀ɛ wlòmo. Ě ji ɛle ɛ̈ moo nyopòǒ dɛ uu chɛ̀ Jùwɛ nyo, kɛɛ ü moo Setɛ̀nʼɛ nyopò ɔ̈ moo kǔ sìsii klɔ̀ba, noǎǒ kɔn tè u wǒ amoo le i moo sen.

Wlɛ̀velesɔ̌n 3:1

Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Sɔdè wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyuà kɔnʼɔ Nyesoaa Sìsii nyiɛta klee jɔtnèe nyiɛta. Ě ji dɛ a nii ni. Nyesoa dɛɛ nynɛ̌ nɛ̀ neǒ a kɛn a nee kmɔ̌, kɛɛ a moo kokǒ nyo.

Wlɛ̀velesɔ̌n 3:15

Ě ji dɛǒ a nii ni, a se wlɔɔ lo plě a se smuu nu klě Nyesoaa konkwa nunuɛ mǒ. Ně wlò jlɛ̌ ba monoo ii sɔ̌n wùɛǒ i dɛɛ do,

Wlɛ̀velesɔ̌n 3:8

Ě ji dɛ a nii ni plě Ě ji ɛle ɛ̈ moo a se kpě fòe blě, kɛɛ a tùǒ Ně win bo klee a sěɛlǎ Ně nynɛ̌ɛ tè mǒ chnɛ̀. Tèǒ nì kɔn tè Ě nye a fɔ̌ keǒ ba nunuǔ konkwa mɔ̀ ɛ̈ nyu wùɛ slě wɔ̀ bɔ sà amoo kwa.