Jɔ̀ɔ̌n 1:9 - Nyesoaa Kuo Win Jajle

⁹ Ɛmo kàan Pepěǒ nɛ̀ moo Nyuà Ɔ̈ diɔɔ kmɔ̌ɔ mɔ̀ keǒ Bɔ̈ fɔɔnʼǒo nyopò wùɛ dlǒ.

Jɔ̀ɔ̌n 1:9 ပူးပေါင်းရင်းမြစ်များ

Matiɔ̌n 6:23

Kɛɛ bɛ̌ nu nè jleě bɛ̌ ke kmɛ, è slè wɔ̀ bò jě le tɛɛ, kwijlě sosǒ kɔn bɛ jiěè jǐ měne. Ii tè dɛɛ doǒ nɛ̀ ɛ mono, nè sùsuǒ ɛ̈ neě mòo mǒ bo kwijlě bɛ̌ jiě ɛ měne, è nè wlò wùɛǒ ɛ kɔn bɛ jǐ dɛ kukǔ kɛne.”

Lǔkù 11:36

Bɛ̌ nu nè fǒ wùɛ bɛ̌ kɔn pepě, ɛɛ wakǎ tɛ̀ɛ bɛ̌ slě kwijlě slè ne, è noǎ wùɛ ì neě pepě slè wòje keà pepě fòɛ fɛɛn mòo kɛn.”

Jɔ̀ɔ̌n 1:4

È Win Nɔ̀ moo kmɔ̌ sie fònfnoo Mǎ, è Fònfnoǒ Ɛ moo Pepě keǒ tùonyopo mɔ̀.

Jɔ̀ɔ̌n 1:7

Jɔ̀ɔ̌n dia lě ɛ̈ di ɛɛ numa ɔ mǐa Pepěǒ ɛɛ sàse dɛ nu keǒ nyopò mɔ̀, ɔ mǐa u kàan dɛ tmɔɔ̌ no ɛ̈ kwɛɛǒo Pepěǒ jleě mǒ bo ɛ̈ di ɛɛ numa nyu wùɛ mǐa Pepěǒ Ɛɛ tè kàan tè po.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 15:1

È kě Jùsu dɛ̌a Ɔ je, “Mǒà Ě wǒ je kàan Tu, è Ně Gbeǐ Nɔ̀ moo chèǒ ɛɛ Jǐ Mɔ̀ Tùɔ̌.

Jɔ̀ɔ̌n 6:32

È kě Jùsu dɛ̌a u je Ɔ je, “Kàan tèà Ě boɛ a je, Mɔ̀sě sea aa gbeǐpò kàan digbaǐ nye ï sɔna lěe jɔkɛn mǒ, kɛɛ Ně Gbeǐ Nɔ̀ nye a kàan Kouà Ɛ̈ sɔn lěe jɔkɛn mǒ.

Jɔ̀ɔ̌n 7:12

È sɔ̌noka, nyopò fòfoa neaě diblɛ̌ǒ slè ü boɛa Ɔɔ tè, kě uu tìe dɛ̌a u je, “Jùsu moo kàan Nyuò,” kɛɛ uu tìe tùu je, “Òooǒn, Ɔ moo nyopò mǒ boo Nyu.”

1 Jɔ̀ɔ̌n 1:8

Bɛ̌ nu bä nu wiěn ä se kpni kukwǐ nu, è ä gbee äa chɛ̀ mǒ no plě tèǒ ä boɛɛ i se kàan tè,

1 Jɔ̀ɔ̌n 2:8

Kɛɛ Ě chlě ɛɛ dɛ jajlo ke keǒ a mɔ̀. Ɛɛ kàan dɛ ɛ̈ neě ɛɛ mǒ nyopò jě ɛle klě Tentǎn Jǔu kmɔ̌ neneɛ mǒ klee klě aa chɛ̀ mǒ. Mɛ̌oǒ joo nɛ̀ moo kwijlěǒ a nea lěe slè ɛ sìn ni klě tǐà wlòmo, è kàan pepě diě le ɛ̌ fɛn ɛ̌ wɛ̀ mɔ̀le.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.