Jɔ̀ɔ̌n 1:51 - Nyesoaa Kuo Win Jajle

⁵¹ È kě Jùsu dɛ̌a Nataniɔ̌ je Ɔ je, “Kàan tè nìà Ě tmɛɛ̌ mò, mì jɔkɛn jěba ɛ mǐ je kna, mì Nyesoaa najiǒpò jě u mǐ jaě jɔkɛn tè nu keǒ Jbɛjuu Jǔà dlǒ mǒ.”

Jɔ̀ɔ̌n 1:51 ပူးပေါင်းရင်းမြစ်များ

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Matiɔ̌n 26:24

Jbɛjuu Jǔà Ɔ mi kǒba ke Nyesoaa win dǎa, kɛɛ chlǒ keǒ nyuà mɔ̀ ɔ̈ miǎě Ɔɔ bo demǒ sàba. Ɛ mii tɛɛ numa ɔmo nyuǒ bɔ̌ see kɔɔn no kělɔ kmɔ̌ mɔ̀.”

Matiɔ̌n 3:16

Tà Ɔɔ ně dlǒ popoɛ wɛ̀ɛ̌la bòo mɔ̀, Jùsu sonwɛaěe ně wlòmo, è keà nyu kɛpǒo jǐ jɔkɛn knana je, Jɔ̀ɔ̌n jěa Nyesoaa Sùsu Ɛ̌ tèea lě Jùsu ja, Ɛ wǒa plabae.

Matiɔ̌n 4:11

Ii tè kě kǔ nuaǒ Ɔ mɔ̀ mǒ sonsɔn, è najiǒpò nù dia lě ü sɛ̀ɛa Jùsu mǒ.

Matiɔ̌n 8:20

È Jùsu tɛ̀na ɔ mǒ kě Ɔ dɛ̌a Ɔ je, “Totǒgbea kɔn bǐtìi i tǐnʼěe wan plě noeà neěe jɔ mǒ i kɔn dlě, kɛɛ Jbɛjuu Jǔà Ɔ se pɛna kɔn.”

Matiɔ̌n 9:6

Ě jlɛ̌ ba ji ɛ ɛ̈ moo Jbɛjuu Jǔà Ɔ kɔn kpě keǒ Bɔ poo kpni kukwǐi tè wlò le kělɔ kmɔ̌ mɔ̀.” Tèǒ nì kɔn tè Ɔ chèa bo klɔ̀ɔ jbɛjuǒ ja Ɔ je, “Dǔ jemǒ, kpa nè chèenʼǒ, muě koǔ bo.”

Mǎkè 1:10

Tà Jùsu sonwɛa lěe ně wlòmo, è tǐi doo tǐ jleě Ɔ jěa jɔkɛn ɛ̌ knana je, è Ngmà Je Ne Sùsu Ɛ̈ neaěe plabaee tǔn wlòmo Nɛ̀ sɔnaě jɔkɛn mǒ Ɛ̈ tèeaě Ɔ ja.

Mǎkè 14:62

È Jùsu tùa ɔ kɛ̀ɛn Ɔ je, “Mǒà Mǒ ɛ tù. Aa wùɛ a miǎ Jbɛjuu Jǔà jěba Ɔ miǎ lě kpě kɛne Nyesoaa dilǎ son mɔ̀ bo nene, klě Ɔ miǎě mǒ sɔɔnma Ɔ miǎě di klě nukpě kɛn wòje ke Nyesoaa win dɛ̌ɛ.” (Ps 110.1, Dan 7.13)

Lǔkù 2:13

Klě jǐ kapǒa wlòmo, è najiǒpò fòfoa nù wǒa tàmo ü sɔnaě jɔkɛn mǒ keǒ najiǒpòiǒ gbàa ǔ pea Nyesoaa nynɛ̌ le klě bleble win wlòmo, kě u dɛ̌a u je,

Lǔkù 2:9

È Koɔnʼɔ najiǒpòi nɔ̀ woǒa u je, è Nyesoaa tè jǐ boaboǎ fɛɛnʼa u dlǒ, ii tè kètekee bea u wan bo.

Lǔkù 22:43

È Nyesoaa najiǒpòi nɔ̀ sɔnaě jɔkɛn mǒ ɔ̈ wǒaǒ Ɔ gbàa ɔ̈ poa Ɔ kbě ja le.

Lǔkù 22:69

Kɛɛ sɔɔnʼà tǐà jleě mǒ Jbɛjuu Jǔà Ɔ miě klě kpě kɛne Nyesoa fòɛɛ dilǎ son mɔ̀ bo neema wòje keǒ Nyesoaa win dɛ̌ɛ.” (Ps 110.1)

Lǔkù 24:4

Tà u nynanaǒo bǐtìeǒ wien bo feanfeǒ kea uu ni, è keà nyu kɛpǒo jǐ u jěa jbɛjluu sɔ̌n ü nynanaǒ uu wakǎ mǒ bo, uu daleà u peaa fǒ měne i plɛ̌a pɔpɔ wòje tɛ̀nʼɛ pepě.

Lǔkù 3:21

Tà Jɔ̀ɔ̌n keaa nyopò wùɛ ně dlǒ le pe, è ɔ poa Jùsu ně dlǒ ke. È tà dɛǒ ɛ sìnʼaa, Jùsu keaě Nyesoa mɔ̀ boɛ jɔkɛn knana je.

Jɔ̀ɔ̌n 1:50

Jùsu gbàla ɔ wan Ɔ je, “Tà Ě nu kɛ wiěn Ě jěè le keǒ bueě tu boboò nɛ̀ kɔn tè pò Ně tè kàan tè le? Mì noǎ fòe jěba i miǒ dɛà kpaa tùɔn mǒ sìn.”

Jɔ̀ɔ̌n 10:1

È kě Jùsu dɛ̌a u je Ɔ je, “Kàan tèà Ě tmɛɛ̌ amo, nyu wùɛ ɔ̈ miɔɔ blableǎa blò wan diba ɔ̈ seǒo wànwu jleě paeba mu, kɛɛ ɔ̈ miǒo wakǎ tɛ̀ɛ jleě jaěba ɔ moo jliɔ̌ klee flǎkpà nyu.

Jɔ̀ɔ̌n 10:7

Ii tè Ɔ kpɛɛa Ɔɔ win nya Ɔ je, “Kàan tèà Ě boɛ a je, Mǒà Mǒ Wànwuǒ ɛ nynaǒ pènmo bo keǒ blableǎ mɔ̀.

Jɔ̀ɔ̌n 13:16

Kàan tèà Ě tmɛɛ̌ amo, kèii tè se jǐ boǎ i seǒ ɔɔ chì kpa ämo mǒ sìn. È dbodbo nyuu tè se jǐ boǎ i seǒ nyuà dbo ɔɔ mǒ sìn.

Jɔ̀ɔ̌n 13:38

È Jùsu gbɛ̀a ɔ wan Ɔ je, “Sɛjesɛ jè wɔ̀ kɛě ɛle bò kǒ keǒ Ně tè mɔ̀ le? Kàan tèà Ě tmɛɛ̌ mò, plě seaka kokɔ̌ mǐma slò, mìǐ mɔ̀ chnɛ̀ma ɛ̈ moo sèě ji klě wěe tan wlòmo.”

Jɔ̀ɔ̌n 14:12

Kàan tèà Ě tmɛɛ̌ amo, nyu wùɛ ɔ̈ mi Něe tè kàan tè poba, noǎa doà Ě nii ɔ mi i numa. Ɔ mi noǎ fòe numaa chɛ̀ i miǒ i mǒ sìn. Mɛ̌oǒ joo nɛ̀ moo Ě miě Ně Gbeǐ mɔ̀.

Jɔ̀ɔ̌n 16:20

Kàan tèà Ě tmɛɛ̌ amo, bɛ̌ nu Boǒ kǒ, a mi fìnma a mǐ sònwɛ chìn, è kpni kukwǐ nyo mi chǒn le numa klě ɛmo tǐǒ wlòmo. Wɔle mi a je jǐba klě tǐ gbei wlòmo, kɛɛ aa wɔle le nunuɛ mi chǒn mǒ ponpnɔɔma.

Jɔ̀ɔ̌n 16:23

Klě chnɛ̀ jlǒ waěǒ wlòmo a seǎ dɛ wan gbàba muu kɛ̀. Kàan tèà Ě boɛ a je, Ně Gbeǐ mi a dɛ wùɛ nyema ɛ̈ a gbɛ̀ɛ wan klě Ně nynɛ̌ wlòmo.

Jɔ̀ɔ̌n 21:18

Kàan tèà Ě tmɛɛ̌ mò, tǐǒ jleě mòoa nyemò, pèa nè chɛ̀ wlawlě měne, è miaě tàà jlɛ̀ bò mua lěe, kɛɛ bɛ̌ nu bò wɛ̀ le, è pnɛ̀ nè sonwe mǒ, nyu tɔ̀ɔ ɔ̌ pìn i ble ɔ̌ kpɛ mò klě tàà nè jlǎ bò muě.”

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 3:5

È Jùsu tùa ɔ kɛ̀ɛn Ɔ je, “Kàan tè Ě boɛ mòo je nìà, nyu wùɛ slě wɔ̀ bɔ beě Nyesoaa win kwa konkɔn bobo, ɛ̀ sìnʼǒ bɔ̌ poo ně dlǒ klee Ngmà Je Ne Sùsu Bɛ̌ neě ɔ ja plě.

Jɔ̀ɔ̌n 5:19

È Jùsu tùia u kɛɛn Ɔ je, “Kàan tèà Ě tmɛɛ̌ amo, Nyesoaa Jǔà Ɔ slě wɔ̀ Ɔɔ do Bɔ nu dɛ keǒ Ɔɔ chɛ̀ mɔ̀, kɛɛ dɛ Ɔ jě Ɔɔ Gbeǐ nii nɛ̀ Ɔ ni sosǒ, ii tè Jǔà Ɔ ni dɛɛ teěnʼǒ ɛ̈ Ɔɔ Gbeǐ nii.

Jɔ̀ɔ̌n 5:27

Ɔ nye Ɔ kpě ke keǒ Bɔ tù tùonyopoo blilǐ. Mɛ̌oǒ joo nɛ̀ moo Nɔ̀ moo Jbɛjuu Jǔ.

Jɔ̀ɔ̌n 6:26

Jùsu tùa u kɛ̀ɛn Ɔ je, “Kàan tèà Ě boɛ a je, dɛ kɔn tè a pɛ̀n Mǒo le nɛ̀ moo a di flɔ̌ɔ fòfoa ǎ jǐ kwlě, nɛ̀ se wlòlekaen dɛà a jěe ɛɛ tè.

Jɔ̀ɔ̌n 6:32

È kě Jùsu dɛ̌a u je Ɔ je, “Kàan tèà Ě boɛ a je, Mɔ̀sě sea aa gbeǐpò kàan digbaǐ nye ï sɔna lěe jɔkɛn mǒ, kɛɛ Ně Gbeǐ Nɔ̀ nye a kàan Kouà Ɛ̈ sɔn lěe jɔkɛn mǒ.

Jɔ̀ɔ̌n 6:47

È kàan tè nìà Ě boɛ a je, nyu wùɛ ɔ̈ po Něe tè kàan tè ɔ kɔn kmɔ̌ sie fònfno.

Jɔ̀ɔ̌n 6:53

È kě Jùsu dɛ̌a u je Ɔ je, “Kàan tèà Ě boɛ a je, ɛ̀ sìnʼǒ ba di Jbɛjuu Jǔà Ɔɔ fǒ ba nǎ Ɔɔ nymɔ, nɛ̀ bɛ̌ se, a se fònfno kɔnma mu klě aa chɛ̀ mǒ.

Jɔ̀ɔ̌n 8:34

È kě Jùsu dɛ̌a u je Ɔ je, “Ě tmɛɛ̌ a kàan tè, nyu wùɛ ɔ̈ moo dɛ kukǔ nu nyu ɔ neeě kpni kukwǐi kpě bobo.

Jɔ̀ɔ̌n 8:51

Kàan tè nìà Ě boɛ a je, nyu wùɛ ɔ̈ miǒo winʼà Ě boɛɛ bo tùba ɔ seǎ kǒ kpe.”

Jɔ̀ɔ̌n 8:58

È Ɔ tùia u kɛ̀ɛn Ɔ je, “Plě Eblɛ̌hɛ̀mo mǒ kɔnʼɔ no Ě ne kmɔ̌.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:11

ɔ̌ jěa jɔkɛn ɛ̌ knana je ɔ̌ jěa dɛ ɛ̌ wǒa dalo fòɛ ɛ̈ kɔn kotoeii hɛ̀n neaa dbǐ jele, nɛ̀ tèa ɛ̈ diaɔ blǒ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:56

È kě ɔ dɛ̌a u je ɔ je, “A tanʼě tàě le! Ě jě jɔkɛn ɛ̌ kna je, è Jbɛjuu Jǔà Ɔ̌ nynaě Nyesoaa dilǎ son mɔ̀ bo!”

2 Tɛseloniǎ 1:7

Bɛ̌ nu bo Koɔn Jùsu Bɔ̌ wǒǎ tàmo Bɔ̌ sɔnǎě jɔkɛn mǒ, Ɔ klee Ɔɔ kpě kɛne najiǒpò, Nyesoa miǎě a klee ämo sònwɛ jejeɛ̌ǒ slè sàba.

2 Tɛseloniǎ 1:9

Ɔ miǎǒ uu plɔ tu kɛn bo maěma ke ɛ mii jleě mǒ bo tonma klee Ɔ miǎǒ u äa Koɔn Jùsu klee Ɔɔ kpě fòe jleě mǒ sà

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Hiblǔ 1:14

Deě najiǒpò wùɛ u se kɛ sìsi sosǒ ï nii Nyesoaa konkwa Ɔ̈ dbe lee keǒ bï mǎǒo nyopòà mɔ̀ üà Ɔ wɔ̀ɔ mɔ̀le Bɔ gblàa klě uu kpni kukwǐi plɔɔ tu kɛn bo maěa bobo?

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:14

Tà Ɛdɛ̌mo kǒaa, Inɔ̌ke nɔ̀ mooa gbeǐpòo nyiɛta nonɔ ɔ̈ sàla ɛɛ wan keǒ u jleě mǒ, kě ɔ dǎla ɔ je, “A tanà le, Koɔn Nyesoa diě le Ɔ klee Ɔɔ ngmà je ne najiǒpòo taslěwɛ fòfoa

Wlɛ̀velesɔ̌n 19:11

È Ě jěa jɔkɛn ɛ̌ knana je, klě jǐi kapǒ tǐ wlòmo Ě jěa sòko plǔ ɔ̌ sɔnaě jɔkɛn mǒ, Nyuǒ nɛɛa ɔɔ kɛn u dɛɛa Ɔ Tè Wlò Popoɛ klee Kàan Tè. Ɔ tùi nyopò blilǐ mɔ̀ plě tèǒ kɔn tè Ɔ wɛ̀nʼaa to ǐ mooa mǒ slɛɛ̌ tè.

Wlɛ̀velesɔ̌n 4:1

Tà dɛǒ ɛ sìnʼaa, Ě keaǒo le tɛn, Ě jěa chnu ɛ̌ knana klě jɔkɛn. È winʼi doǒ Ě wɔ̌naa klekle nì boɛa lěě mɔ̀ wòje keà nokpa boɛɛ i je, “Jǎ, diɔ tàɔ, Ě mǐì noǎà tee le ï dɛà bɛ̌ sìnʼi ï mii tùɔn kpaba.”