Jɔ̀ɔ̌n 1:34 - Nyesoaa Kuo Win Jajle

³⁴ Ě jě ɛle ɛ̌ kpa tùɔn, nɛ̀ kɔn tè Ě tmɛɛ̌ amo ɛ̈ moo Jùsu Nɔ̀ moo Nyesoaa Jǔ.”

Jɔ̀ɔ̌n 1:34 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Matiɔ̌n 17:5

Klě jǐ kapǒa wlòmo, win kɛ̀naě Pitɛ̌ wan bo, è nukpǎ ɛ̈ plɛ̌aa nɛ̀ chlìa u dlǒ. È Nyesoaa Win sonwɛa lě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, Ně wlò bloo Ɔ kɛn chɔɔ. A po Ɔɔ win nɔkǔ jebo!”

Matiɔ̌n 26:63

Kɛɛ Jùsu sea ɔ kɛ̀ɛn tù. Ii tè kě bodiɔǒ ɔ dɛ̌a ɔ je, “Klě Kmɔ̌ ne Nyesoaa nynɛ̌ wlòmo, tmɔɔ̌ ämo tàǒ nynaǒo bo Bò moo Nyesoaa Jǔ Ɔ̈ moo Ɔɔ Tentǎn Jǔ.”

Matiɔ̌n 27:40

kě u dɛ̌a Ɔ je u je, “Ɛ̀nhɛɛ̀, dɛ̌ jè mia kɛ Nyesoaa kǎ fòɛ blǒ mǒ wlǎba mìa ɛ po klě chnɛ̀ jlǒ wěe tan wlòmoò, dɛ̌ Mòǒ jo? Gblà Dìe! Sɛje bɛ̌ nu Bò moo Nyesoaa Jǔ, è Bò sàě Dìe pète bɛ̌ tuǒ jleě!”

Matiɔ̌n 27:43

Ɔ kpae Nyesoa wlò plě Ɔ̌ je Ɔ̌ moo Nyesoaa Jǔ. Bɛ̌ nu Nyesoa Bɔ̌ ke Ɔ jlɛ̌, è Bɔ gblà Lɔ!”

Matiɔ̌n 27:54

È tà Wlǔmɔ nyoo tabɔ̀ klee uu jǐgbàdiɔ ü tùiaa Jùsu jǐ mɔ̀ u jěaa blǒo de sèkea klee noǎ wùɛ ï kpalaa tùɔn, è kètekee bea u bo wan, kě u dɛ̌a u je, “I moo kàan tè Nyuà Ɔ moo Nyesoaa Jǔ!”

Matiɔ̌n 3:17

Klě tǐi doo tǐǒ wlòmo Nyesoaa Win sɔnaě jɔkɛn mǒ, kě I dɛ̌a I je, “Ně Jǔ Ě noɛɛ nee mǒ Nɔ̀à. Ně plɔ bloo Ɔ kɛn chɔɔ.”

Matiɔ̌n 4:3

È kǔà mia lě Ɔɔ měne tɛ̀nma ɔ̀ diaě Ɔ mɔ̀, kě ɔ dɛ̌a Ɔ je ɔ je, “Bɛ̌ nu sɛjesɛ Bò moo Nyesoaa Jǔ, è Bò tmɔɔ̌ seɛ̌à i mǐ flɔ̌ɔ ponpnɔ no Mì di.”

Matiɔ̌n 4:6

È kě kǔ dɛ̌a Lɔ je ɔ je, “Bɛ̌ nu sɛjesɛ Bò moo Nyesoaa Jǔ, wan nɔ koǔɔ dlǒ be wɔ̀ɔn. Mɛ kɔɔ̌n tèǒ joo nɛ̀ moo ɛ chleě le klě Nyesoaa win wlòmo ɛ̈ moo, ‘Ɔ mi Ɔɔ najiǒpò dboba u mǐì jǐ mɔ̀ tù tɛɛ tɛɛ u miěè jɔ mǒ saǎ le ɛ̈ di ɛɛ numa Nè bo ně di seɔ̌ je gbèe chɛ̀.’ ” (Ps 91.11,12)

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Mǎkè 1:1

Kàan tuposà ɛ̈ boɛɛ lee Nyesoaa Tentǎn Jǔ Jùsuu tè kɛn Ɔ̈ moo Nyesoaa Jǔ ɛɛ wlò tùtuɛ nɛ̀à

Mǎkè 1:11

È Nyesoaa Win sɔnaě jɔkɛn mǒ kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Lǔkù 1:35

È najiǒpòiǒ ɔ tùa ɔ kɛ̀ɛn ɔ je, “Ngmà Je Ne Sùsu Nɛ̀ miěè mǒ diba, Ja Tmɔ Nyesoaa kbě miěè mǒ be. Tèǒ nì kɔn tè ngmà je ne Jijlǎeǒ mìi kɔnma u mi Ɔ Nyesoaa Jǔ daeba.

Lǔkù 3:22

È Ngmà Je Ne Sùsu sɔnaě jɔkɛn mǒ Ɛ̈ nea lěe plabaee tǔn wlòmo Nɛ̀ tèea lě Ɔ ja, è Nyesoaa Win sɔnaě jɔkɛn mǒ, kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:49

È kě Nataniɔ̌ dɛ̌a Ɔ je ɔ je, “Tee Nyu, Mòà Mò moo Nyesoaa Jǔ plě Mò moo Ǐsòwɛ̌ kwɛɛn Klɔ̀ba!”

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 10:36

kɛɛ tà Nyesoa sà Mǒo Ɔ̈ dbo Mǒo kělɔ kmɔ̌ɔ mɔ̀ kělɔ a mɔ̀, a tmɛɛ̌ Mǒ ɛ̈ moo tà Ě je Ě moo Ɔɔ Jǔ, Ě pe Ɔ wan fla.

Jɔ̀ɔ̌n 11:27

Matǎ je, “Uuǔn Koɔn, Ě po i kàan tè Mòà Mò moo Nyesoaa Tentǎn Jǔ Ɔ̈ moo Nyesoaa Jǔ Ɔ̈ kɔn tè Nyesoaa wnɔsàɔpo boɔlaa Ɔ̈ mia lɔɔ kmɔ̌ɔ mɔ̀ diba.”

Jɔ̀ɔ̌n 19:7

È Jùwɛ nyo jɛɛa win de ǔ tùia Pàlɛ̌te kɛ̀ɛn u je, “Ä kɔn tetě, è dɛ ɛmo tetěǒ ɛ nynaa kɛn bo nɛ̀à ä nɛ de, Ɔ kɔn Bɔ kǒ. Mɛ̌oǒ joo nɛ̀ moo Ɔ dɛɛ Ɔɔ chɛ̀ Nyesoaa Jǔ.”

Jɔ̀ɔ̌n 20:28

È kě Tɔmɔ̌se dɛ̌a Ɔ je ɔ je, “Ně Koɔn! Ně Nyesoa!”

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Wlǔmɔ 1:4

Kɛɛ klě Ɔɔ sùsu mǒ ɛ tee ɛ sɛje ɛ̈ moo Nɔ̀ moo Nyesoaa Jǔ klě kpě kɛne tǔn wlòmo Ɔ̌ dǔa Ɔ jemǒ Ɔ̌ sàlaě Ɔ kǒla mǒ. Nɔ̀ moo Jùsu Tentǎn Jǔ Ɔ̈ moo äa Koɔn

2 Kwnɛtiɛ̌ 1:19

Tà mǒ klee Salě klee Timɛtě ä boɔa amoo Nyesoaa Jǔà Ɔ̈ moo Jùsu Tentǎn Jǔ Ɔɔ tè je, äǎ boɔa dɔ̌ɔdɔ̌, kɛɛ tǐ wùɛ mɔ̀ ä boɛɛa kɛn dɛɛ do.

Hiblǔ 7:3

Mɛchesèda se gbeǐ klee naǎ kɔn plě ɔ se gbeǐpò dlě klee jlǔ kɔn. Ɔɔ kmɔ̌ neneɛ se wlò tùua kɔn klee ɛ se dlǒ chlɛ̀ɛa kɔn, kɛɛ ɔ wǒ je Nyesoaa Jǔ Ɔ̈ monoo Bodiɔ ke ɛ mii jleě mǒ bo tonma.

1 Jɔ̀ɔ̌n 2:23

Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

2 Jɔ̀ɔ̌n 1:9

Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.

Wlɛ̀velesɔ̌n 2:18

È Jùsu tmɔɔ̌aǎ ne de Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Taetawlà wlòmo, kě bò dǎ ɔ je u je, ‘Tuposàà ɛ sɔnʼě mɔ̀ mǒ Nyesoaa Jǔ Ɔ̈ kɔn jǐ wnee wòje napèpɛlo klee Ɔ̈ kɔn be nee wlekě wlekě ï wnee wòje kanwɛɛ ɛ̈ u sonwaa fǒ měne.