Jɔ̀ɔ̌n 1:18 - Nyesoaa Kuo Win Jajle

¹⁸ Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:18 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 12:41

Tà Aesaeǎ boɔɔaǒo tèǒ nɛ̀ moo tà ɔ jěaa Nyesoaa tè jǐ boaboǎ, winʼǒ ɔ boɛa li keǒ Jùsu jleě mǒ.

Jɔ̀ɔ̌n 13:23

Jɔ̀ɔ̌n ɔ̈ mooa Ɔɔ mɔ̀ cheěn nyu Ɔ noɛɛaa mǒ nɔ̀ wɛ̀ɛa Ɔ je keǒ di fuo kɛn.

Jɔ̀ɔ̌n 14:9

È Jùsu gbàla ɔ wan Ɔ je, “Felɔ̌, tǐ wùɛà Ě sìnʼɔ amoo slè kě sèɛɛ̌ ji kaǒ? Nyuà ɔ̈ jě Mǒo ɔ jě Ně Gbeǐ le ke. Mɛ kɔɔ̌n tè dɛ̀ɛ̌ kɛ bò ɛ̈ moo ‘Tee Nè Gbeǐ ämo?’

Jɔ̀ɔ̌n 17:26

Ě poò pepě mǒ keǒ u mɔ̀ plě Ě miǐ jè ɛ numa ɛ̈ di ɛɛ numa mǒ noɛnoɛà nyè Mǒo ɛ miě u mǒ be, Ě miě u mǒ ne.”

Jɔ̀ɔ̌n 17:6

Ě poò mǒ pepě klě nyopòà sà lěe kmɔ̌ wlòmo nyè Mǒo mɔ̀. Mò kɔna nu, È nye u Mǒ, è u tùǒ Nè win bo.

Jɔ̀ɔ̌n 3:11

Kàan tèà Ě tmɛɛ̌ mò, ä tmɛɛ̌ amo Jùwɛ nyo noǎ ï kɔn tè ä jii plě ä tmɛɛ̌ a noǎ ï ä jěe ii tè, kɛɛ kaǒ aǎ po lii tè kàan tè.

Jɔ̀ɔ̌n 6:46

Ɛmoǒ ɛ se ɛ nynɛ̌ sɛ̀n ɛ̈ moo nyu wùɛ nɔ̀ jě Ně Gbeǐ, ɛ̀ sìnʼǒ Mǒà sɔnʼě Ɔɔ mɔ̀ mǒ Mǒ jě Lɔ.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

Klasɔ̌n 1:15

Tentǎn Jǔ wǒ je Nyesoa Ɔ̈à nyu ně jěe, plě Nyesoa mǐa kmɔ̌à nu Ɔ nea kmɔ̌, Nɔ̀ kɔn tè boǎ jǐ ï sìnʼǒ dɛ wùɛɛ tè mǒ.

1 Timɛtě 1:17

Nɛ Kmɔ̌ Sie Klɔ̀baà Ɔ̈ see kokoɛ̌ kɔn klee Ɔ̈ nyu ně jěe plě Ɔ̈ monoo Nyesoaa do sosǒ Bɔ kɔnʼǒ tùtuɛ klee de bìsea ke ɛ mii jleě bo tonma, kě bɛ ne.

1 Timɛtě 6:16

Nyesoaa do sosǒ Nɔ̀ se kokoɛ̌ kɔn plě Nɔ̀ neě pepě slè ɛ̈ fɛnʼɛ chɔɔ nyu wùɛ seǒo gbàa nyninynɛ wɔ̀. Nyu wùɛ nɔ̀ sěɛlǎ Nyesoa jě plě nɔ̀ slě wɔ̀ bɔ̈ jě Ɔ. Nɛ Bɔ kɔnʼǒ bo tùtuɛ klee Bɔ kɔn kpě tǐ wùɛ mɔ̀, kě bɛ ne.

1 Jɔ̀ɔ̌n 4:12

Nyu wùɛ nɔ̀ sěɛlǎ Nyesoa jě, kɛɛ bɛ̌ nu bä nonoɛɛ měne, è Nyesoa neě ä mǒ no, è Ɔɔ mǒ noɛnoɛ wɛ̀ě le je klě ä mǒ.

1 Jɔ̀ɔ̌n 4:20

Bɛ̌ nu bo nyu bɔ̌ nu ɔ noɛɛ Nyesoa mǒ no plě bɔ̌ faen nyu tɔ̀ɔ, ɔ̀ moo sen le tmɔ̌ nyu. Mɛ kɔɔ̌n tèǒ joo nɛ̀ moo bɛ̌ nu bɔ̌ se nyuǒ mǒ noɛɛ ne ɔ̈ ɔ jěe, ɔ slě wɔ̀ bɔ noɛɛ Nyesoa mǒ Ɔ̈ ɔ sěɛlǎa jě.

1 Jɔ̀ɔ̌n 4:9

Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.