Jɔ̀ɔ̌n 1:17 - Nyesoaa Kuo Win Jajle

¹⁷ Nyesoa nyea ä teteǎ Ɔ jaeaěe Mɔ̀sě mǒ, kɛɛ Jùsu Tentǎn Jǔ jalaě Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ̌ tmɔɔ̌a ä kàan tè keǒ Nyesoa jleě mǒ.

Jɔ̀ɔ̌n 1:17 ပူးပေါင်းရင်းမြစ်များ

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 18:37

È Pàlɛ̌te gbàla Ɔ wan ɔ je, “Ii tè deě Mòo Klɔ̀ba?” È Ɔ tùa lɔ kɛ̀ɛn Ɔ je, “Nìǒ neěè wan ɛ̈ moo Ě moo Klɔ̀ba. Tèà nì kɔn tè Ě kɔɔn no Ě diɔ kmɔ̌ɔ mɔ̀ ɛ̈ di ɛɛ numa Ě mǐ kmɔ̌ɔ nyopò wlòmo sèsae le keǒ Nyesoaa kàan tè mɔ̀. Nyopò wùɛà kɔnʼǒo kàan dɛǒ wakǎ jleě mǒ, u pe Ně win nɔkǔ jebo.”

Jɔ̀ɔ̌n 5:45

Aǎ jě lɛ ɛ̈ moo Ě mi a tè jɛɛba klě Ně Gbeǐ mɔ̀. Mɔ̀sěà a kɔn lěe wlò je kunkuɛn mǒ nɔ̀ mi a tè jɛɛba.

Jɔ̀ɔ̌n 7:19

Mɔ̀sě sea kɛ a Nyesoaa teteǎ nye le? Kɛɛ a nyuu doo chɛ̀ nɔ̀ seǒ teteǎǒ bo tù. È mɛ kɔɔ̌n kɛ tè a pɛ̀n Něe dbadbǎ le keǒ Bo nu dɛà a je ɛ̈ monoo Mɔ̀sěe teteǎ wlawlǎ?”

Jɔ̀ɔ̌n 8:32

È a mi kàan dɛ jiba plě kàan dɛǒ ɛ mǐ a gblà.”

Jɔ̀ɔ̌n 9:29

Ä ji ɛle Nyesoa boɔlaě Mɔ̀sě mɔ̀, kɛɛ ä se tà Ɔmo Jùsuà Ɔ sɔnʼǒ mǒo jii chɛ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:23

Ii tè u poaě ɛ le ǔ tbala chnɛ̀ jlǒ waě u klee Pɔ̀ɔ̌ u mǐa le bò. Tà chnɛ̀ jlǒ waěǒ ɛ nyniaǒo, nyopò fòfoa nù diaě tàě Pɔ̀ɔ̌ nea lěe. Sɔɔnʼaě kènta jleě mǒ bò jɛa tǒn, Pɔ̀ɔ̌ tmɛɛ̌a nu ɔ̌ sèsɛɛa u wlòmo Nyesoaa win kwa konkɔn tè. Ɔ slèa teteǎ Nyesoa nyeaa Mɔ̀sě klee chněenoǎǒ Nyesoaa wnɔsàɔpo chlěaa seela tǐ jleě ɔ̌ tɛ̀na ɛ mǒ keǒ bɔ nua uu dlě bi jěa lɛ ɛ̈ moo Jùsu Nɔ̀ moo Tentǎn Jǔ Ɔ̈ u pɛ̀naa snǔ mɔ̀le Bɔ̈ dia lěe Ɔ̈ mǐa nuu gblà.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:38

Tà najiǒpòi boɔlaě ɔɔ mɔ̀ klě togbeeǒ moo Sanàe dlǒ, ɔ nyea ɔ win bɔ tmɔɔ̌a ämoo ke bä nuu kmɔ̌ neneɛ. Tǐǒ jleě ɔ neaě kpatekpǎ blǒ kɛn ɔ klee Ǐsòwɛ̌ kwɛɛn tàkpɔ̌ ü moo äa gbeǐpò.

Wlǔmɔ 6:14

Tè kɔn tè kpni kukwǐ ně kwɛn aa kmɔ̌ neneɛ win kwa nɛ̀ moo a slě teteǎ bobo ne, a neeě Nyesoaa wlòo jlajlǎ dɛ bobo ɛ̈ɛ̌ sà Ɔɔ wlò kǔ mǒ keǒ a mɔ̀.

2 Kwnɛtiɛ̌ 1:20

Tentǎn Jǔ Nɔ̀ jieě Nyesoaa pee noǎ wùɛ keǒ ä mɔ̀, dɛǒ nɛ̀ kɔn tè ä chlɛ̀ɛ ɛ äa bàtea dlǒ klě Nyesoa mɔ̀ bä ke bɛ̀te ä dɛ̌ bò ɛ̈ moo, “Klě Jùsuu nynɛ̌ wlòmo kě bɛ ne.” Dɛǒ nɛ̀ nye Nyesoa tè jǐ boaboǎ.

Kalesiɛ̌n 3:17

Dɛ Ě boɛ lee kɛn nɛ̀à, ke ɛ toon jleě mǒ bo Nyesoa tùaa Ɔɔ kuo win wlò keǒ tùonyugbe mɔ̀, jlěe hɔ̀ndlowɛɛ hɛ̀n tùo jlěe wlò tùo pù nì sìn plě Ɔɔ teteǎ diě, i slě wɔ̀ bi sàǒ ɛmo winʼǒ snǔ mɔ̀ klee ngmnaǒ Ɔ peea lěe.

Hiblǔ 9:22

Bo wa wèe bo nye a konwě, keǒ Nyesoaa teteǎ nua ɛɛ boɔboɔ, nymɔǒ nɛ̀ nua noǎ fòfoa ǐ wɛ̀a sìnɛ, bɛ̌ nu bo wnùdɛ bɛ̌ dbaě le keǒ kpni kukwǐi tè mɔ̀, dɛǒ nɛ̀ kɔn doo tè Nyesoa peea kpni kukwǐi tè wlò le.