Jɔ̀ɔ̌n 1:16 - Nyesoaa Kuo Win Jajle

¹⁶ Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 1:16 ပူးပေါင်းရင်းမြစ်များ

Matiɔ̌n 13:12

Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba Ɔ mǐ ɔ de jbojbɛ fòfoa nye, kɛɛ nyuǒ se ɛɛ tɛ̀ le jbojbɛ kɔn, tè le jbojbɛ chěnchaěe gbee chɛ̀ǒ ɔ kɔnʼɔ Nyesoa mi ɛ ɔ kwa sàba.

Matiɔ̌n 3:11

Mǒà mǒ pe a ně dlǒ sosǒ ɛ̈ di ɛɛ numa a mǐ aa wlè bo bitǐ. Kɛɛ ɛ kɔn Chì Kpa Ämo Ɔ̈ neǒ mǒo demǒ Ɔ̈ diěe Ɔ̈ kɔn tè kunʼu chɔɔ ì sìnʼǒ mǒo mǒ. Ě seǒ je blɛɛ lee chɛ̀ bo di Ɔɔ nyɔkòɛbě blě. Nɔ̀ miě amoà po Ɔɔ tè kàan tè Ngmà Je Ne Sùsu ja poba klee Nɔ̀ miě nyopòǒ se Ɔɔ tè kàan tè po na ja poba.

Matiɔ̌n 3:14

Kɛɛ Jɔ̀ɔ̌n jlɛ̌ bɔ kana Jùsu je, kě ɔ dɛ̌a ɔ je, “Ě sòɛ Mòà Mò Bɔ poǒ ně dlǒ, è Mò di kɛ lɔɔ̌ mɔ̀le?”

Lǔkù 21:15

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Wlǔmɔ 5:17

Ke ɛ toon jleě mǒ bo nyuu doo kpni kukwǐ tè kokoɛ̌ tùngmae win kwa konkɔn, kě ä nu ɛ jijiɛ tɛɛ ɛ̈ moo Nyuu doo nunu dɛ, dɛ fòɛ sɔnʼě ɛ wlòmo moo Jùsu Tentǎn Jǔ ɛ̈ di ɛɛ numa nyopò wùɛà ü blěe Nyesoaa mǒ noɛnoɛ fòɛà kwa klee Ɔɔ Nyee Dɛǒ Ɛɛ̌ poo dɛ Ɛ̈ ni ämoo jebo siǐn nyo mǒ, nù mi kmɔ̌ sie fònfno kɔnma.

Wlǔmɔ 5:2

Klě äa tè wlò popoɛ mǒ Jùsu bɛ̌ ä dbǐ mɔ̀ ä kɔn Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ ä nyna lěe slè bo klě tǐà wlòmo. Ä ni le chǒn keǒ tè jǐ boaboǎa wlò je kunkuɛn mɔ̀ ɛ̈ Nyesoa mi ämoo nyema.

Wlǔmɔ 5:20

Tà Nyesoaa teteǎ diěe, è kpni kukwǐ bebee le kɛn chɔɔ dɔ̌, kɛɛ tà imo kpni kukwǐǒ i kee kɛn le bebee le chɔɔ, è Nyesoaa mǒ noɛnoɛ bebee le kɛn chɔɔ dɔ̌ ke ɛ̌ sìnʼǒ i mǒ.

Wlǔmɔ 8:9

Kɛɛ ke ɛ mii jleě mǒ bo tonma bo Sùsuǒ Bɛ̌ neě a ja, è a seě tùonyuu kpni kukwǐ kmɔ̌ mǒ nee ne, a neě Sùsuǒ Ɛɛ win kwa konkɔn bobo. Nyuà Tentǎn Jǔu Sùsu slě mǒ ne, ɔ se Ɔɔ nyu.

Ifisiɛ̌n 1:23

ü moo Ɔɔ fǒ plě ü moo Ɔɔ jele wèwɛ Ɔ̈ wɔ̀ lěe noǎ wùɛ jele klě tà wùɛ.

Ifisiɛ̌n 3:19

Ɛ se nyu kɔn bɔ̈ jbo ɛɛ le kpǎkpǎ. È Nyesoaa chɛ̀ miě a měne jǐba kpǎkpǎ.

Klasɔ̌n 1:19

Mɛ kɔɔ̌n tèǒ joo nɛ̀ moo Nyesoa poa ɛ ble keǒ bo Tentǎn Jǔ Bɔ wǒa Ɔmo Nyesoaa chɛ̀ je teěn

Klasɔ̌n 2:3

Aa tè wlò popoɛǒ a kɔnʼɔ klě Ɔ mǒ nɛ̀ mi ɛ numa a mǐ Nyesoaa Je Wɛ̌ Dɛ fòɛ ji ɛ̈ moo Ɔɔ de jijiɛ klee tɔ̀n.

1 Pitɛ̌ 1:11

U tɛ̀na ɛ mǒ bu pɔ̀nʼa ɛ le tǐ tae ɛ miaa tùɔn kpaeba klee ke tae ɛ miaa tùɔn kpokpa numa. Ngmà Je Ne Sùsu Nɛ̀ niiaě u konkwa mǒ. Ɛ sɛ̀a ɛ wan ɛ̈ kwɛɛaǒo sònwɛ jejeɛ̌ jleě mǒ bo ɛ̈ Tentǎn Jǔ mia lěe slè tìe bɛɛ̌ba klee tè jǐ boaboǎ neaǒ ɛmoo sònwɛ jejeɛ̌ǒ demǒ.

1 Pitɛ̌ 1:2

Nyesoa Nɔ̀ sàlaǒ amo Ɔ̈ moo äa Gbeǐ wòje ke Ɔ nua ɛɛ ble popoɛ, Ɔɔ Ngmà Je Ne Sùsu nua amo ǎ nea ngmà je keǒ ba mǐaǒ Jùsu Tentǎn Jǔ bo tùtuɛ kɔn klee Ɔɔ nymɔ mǐaě a mɔ̀le snǎ. Nɛ bo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya plě Bɔ nye a ně bo wnawna fòɛ.