Jɔ̀ɔ̌n 1:13 - Nyesoaa Kuo Win Jajle

¹³ Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Jɔ̀ɔ̌n 1:13 ပူးပေါင်းရင်းမြစ်များ

Matiɔ̌n 3:9

alě kwɛnʼě ɛ aa chɛ̀ wlò jleě ɛ̈ moo, ‘Ä moo Eblɛ̌hɛ̀moo jlǔu jlǔ, tèǒ nì kɔn tè Nyesoa seǒ äa plɔ tu kɛn bo maěma mu.’ Bo tmɔɔ̌ amo, Nyesoa wɔ̀le je Bɔ nu seɛ̌à Eblɛ̌hɛ̀moo jlǔu jlǔ mǒ no.

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

1 Kwnɛtiɛ̌ 3:6

Ě dɔ̌ tè wlò popoɛɛ jɔ̌ǒ lo Apolò po i ně le, kɛɛ ɛ moo Nyesoa Ɔ̌ ni ni ǐ kwin.

Flepiɛ̌n 2:13

Nyesoa ni konkwa klě a slè, dɛǒ nɛ̀ ni ɛ ǎ jlɛ̌ ba nu dɛ blee Ɔɔ plɔ plě ǎ ni ɛmo dɛǒ.

Taetɔ̌ 3:5

Ɔ̌ gblà ämo, ɛ̈ see bä nu jebo siǐn dɛ tɛ̀ɛ, kɛɛ ɛ moo Ɔɔ wɔle je jbojbɛ Ɔ kɔnʼɔ keǒ ä mɔ̀, nɛ̀ nu ɛ Ɔ̌ gblà ämo ɛ̈ diiě ně dlǒ popoɛ mǒ ɛ̈ nye ämoo kmɔ̌ jajlo klee klě Ngmà Je Ne Sùsu mǒ Ɛ̈ pe ämoo kbě ja le chnɛ̀ jlǒ waě wùɛ mɔ̀.

Jìmǐse 1:18

È Ɔ nu ä Ɔɔ jlǔ mǒ klě Ɔɔ win wlòmo wòje ke Ɔ nu ɛɛ jlajlǎ ɛ̈ di ɛɛ numa ä mǒ noǎ wùɛ Ɔ nuaa ii klekle nyo klee kàan tù klě i slè.

1 Pitɛ̌ 1:23

Mɛ̌oǒ joo nɛ̀ moo kmɔ̌ sie Nyesoaa winʼà nì nu amo ǎ tù kmɔ̌ jajlo wlò le. Aa Gbeǐ jajloǒ Ɔ̈ moo Nyesoa Ɔ se kǒba mu wòje keǒ aa kmɔ̌ mɔ̀ gbeǐpòo ka nee je.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

1 Pitɛ̌ 2:2

Ba wǒ je jijlǎe, tǐ wùɛ mɔ̀ a sòa Nyesoaa win ï snǎ lěe mɔ̀le wòje keà jijlǎe sòɛ ɔɔ naǎa nyia ně ɛ̈ di ɛɛ numa i mǐ aa tè wlò popoɛ kuɛn klee a mǐ gblàe le klě aa kpni kukwǐi plɔɔ tu kɛn bo maěa bobo.

1 Jɔ̀ɔ̌n 3:9

Nyu wùɛà Nyesoa nu Ɔɔ jǔ mǒ ɔɔ̌ nu kpni kukwǐ. Mɛ̌oǒ joo nɛ̀ moo Nyesoaa Sùsu Nɛ̀ neě nyuǒ ja. È ke ɛ toon jleě mǒ bo Nyesoa moo ɔɔ Gbeǐ, ɔ slě wɔ̀ ɔ mǐ kpni kukwǐ nu.

1 Jɔ̀ɔ̌n 4:7

Ně mǒ noɛɛ nyopò ane, mǒ noɛnoɛ sɔnʼě mǒ Nyesoa mɔ̀, è nyu wùɛ ɔ̈ mii nyopò tùu mǒ noɛɛma, ɔ moo Nyesoaa jǔ plě ɔ̌ ji Nyesoa. Ii tè bä nonoɛɛ měne.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

1 Jɔ̀ɔ̌n 5:18

Ä ji ɛle ɛ̈ moo nyu wùɛ ɔ̈ moo Nyesoaa jǔ ɔɔ̌ nee dɛ kukǔ nunuɛ kmɔ̌. Mɛ̌oǒ joo nɛ̀ moo Nyesoaa Jǔ Nɔ̀ tùi ɔ jǐ mɔ̀ ɛ̈ di ɛɛ numa kǔ ɔɔ̌ di ɔ mɔ̀ gbè.

1 Jɔ̀ɔ̌n 5:4

Dɛ ɛ nuu nɛ̀ moo nyu wùɛ ɔ̈ moo Nyesoaa jǔ ɔ du kmɔ̌ɔ měne tèntɛn wùɛ wan. Äa tè wlò popoɛ nɛ̀ du i wan.