Jɔ̀ɔ̌n 1:12 - Nyesoaa Kuo Win Jajle

¹² Kɛɛ nyopò wùɛ ü mi Ɔɔ jebo kmema plě ü mi Ɔɔ tè kàan tè poba, Ɔ mi u kpě nyema keǒ bu moo Nyesoaa jlǔ.

Jɔ̀ɔ̌n 1:12 ပူးပေါင်းရင်းမြစ်များ

Matiɔ̌n 10:40

È dɛ tɛ̀ɛ Jùsu boɔa uu je de nɛ̀à Ɔ je, “Nyu wùɛ ɔ̈ mi amoo jebo kmema, è Mǒǒ ɔ kme jebo, nyu wùɛ ɔ̈ mi Mǒo jebo kmema, è Nyuà dbo Mǒo Nɔ̀ ɔ kme jebo.

Matiɔ̌n 12:21

Tèǒ nì kɔn tè dakwɛ̌ wùɛ ü neɔɔ kmɔ̌ɔ mɔ̀ u mi Ɔ wlò je kuunma.” (Is 42.1-4)

Matiɔ̌n 18:5

È nyu wùɛ ɔ̈ mii jǔ gbeà kuun Něe nynɛ̌ wlò je jebo kmema wòje keà jǔà ɔɔ ka nee je, è Mǒǒ ɔ kmeě jebo.

Jɔ̀ɔ̌n 1:11

Ɔ diiaě Ɔɔ chɛ̀ɛ nyopò slè, u sea Ɔ jebo kme.

Jɔ̀ɔ̌n 1:7

Jɔ̀ɔ̌n dia lě ɛ̈ di ɛɛ numa ɔ mǐa Pepěǒ ɛɛ sàse dɛ nu keǒ nyopò mɔ̀, ɔ mǐa u kàan dɛ tmɔɔ̌ no ɛ̈ kwɛɛǒo Pepěǒ jleě mǒ bo ɛ̈ di ɛɛ numa nyu wùɛ mǐa Pepěǒ Ɛɛ tè kàan tè po.

Jɔ̀ɔ̌n 11:52

È ɛ sea uu do sosǒ, kɛɛ ɛ mooa Bɔ poaǒ Nyesoaa jlǔ wùɛ tàa do ke ü wlɛ̀ɛ kmɔ̌à kɛn bo.

Jɔ̀ɔ̌n 2:23

Tà Jùsu nea lěe Jlǔsnɛ klě Dlǒ Mǒ Sìin Didi Dɛɛ de ngmně tǐ wlòmo, nyopò fòfoa jěa wlòlekaen noǎ Ɔ niaa ne ǔ poa Ɔɔ tè kàan tè.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:16

Tà ä poo Jùsuu nynɛ̌ɛ tè kàan tè, dɛǒ nɛ̀ kɔn tè Ɔɔ kpě nu bo klɔ̀ɔ jbɛjuà ɔɔ be kbě ja le ɔ̈ a jěe plě a jii. Tè wlò popoɛǒ ä kɔn lěe Jùsu mɔ̌ nɛ̀ nu jbɛjuà ɔɔ kwɛ̌ bɔ̌ dɛ kpǎkpǎ kělɔ aa wùɛ jemǒ.

Wlǔmɔ 8:14

Nyopòà Nyesoaa Sùsu nɛɛ nee nù moo Nyesoaa jlǔ.

Wlǔmɔ 8:16

Nyesoaa Sùsuu chɛ̀ Nɛ̀ tmɛɛ̌ äa sùsu ɛ̈ moo ä moo Nyesoaa jlǔ.

Wlǔmɔ 8:19

Noǎ wùɛà Nyesoa nuu kělɔ kmɔ̌ɔ mɔ̀ ii fě nymɛ̌ ne ǐ fe Nyesoa kɛn mǒ keǒ Bɔ sà Ɔɔ jlǔ kwlǎ mǒ.

Kalesiɛ̌n 3:26

Aa wùɛ a moo Nyesoaa jlǔ klě tè wlò popoɛ a kɔnʼɔ mǒ klě Tentǎn Jǔ Jùsu mǒ.

Kalesiɛ̌n 4:6

Ke ɛ toon jleě mǒ bo ǎ moo Nyesoaa jlǔ, Nyesoa dbo Ɔɔ Jǔu Sùsu klě aa wlè jleě. Ɛ pnɛ̌ dɛ jleě le klě Nyesoa mɔ̀ kě Ɛ dɛ̌, “Abà!” ɛ̈ sɛ̀nʼɛ nynɛ̌ Ně Gbeǐ.

Klasɔ̌n 2:6

Tèǒ nì kɔn tè keǒ a nuu ǎ blěǒ Tentǎn Jǔ Jùsu mɔ̀ kwa keǒ Bɔ moo aa Chì Kpa Ämo, kě ba nu kmɔ̌ neneɛ wòje nyopò ü kɔnʼɔ tè wlò popoɛ klě Ɔ mǒ.

2 Pitɛ̌ 1:4

Keǒ imo nyee noǎǒ ii tè mɔ̀, Nyesoa nye ä pee noǎ ï kɔn tè kmaa chɔɔ klee ï nuu kàan ɛ̈ di ɛɛ numa Ɔɔ ngmà je ne kmɔ̌ Ɔ nee ä miě ɛ wakǎ jleě mǒ kɔn, ä mǐ noǎ sòenʼà neɔɔ kmɔ̌ wlòmo je plùu lu ï dɛ kukǔ wlògbaee jlɛjlɛ̌ dɛ jɛ lěe.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.