Jɔ̀ɔ̌n 1:10 - Nyesoaa Kuo Win Jajle

¹⁰ I moo kàan tè Nɔ̀ nua kmɔ̌à, kɛɛ tǐǒ jleě Ɔ dia lɔɔ kmɔ̌ɔ mɔ̀ kmɔ̌ɔ nyopò sea Ɔ le jbo.

Jɔ̀ɔ̌n 1:10 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 1:11

Ɔ diiaě Ɔɔ chɛ̀ɛ nyopò slè, u sea Ɔ jebo kme.

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:3

Noǎ wùɛ Nɔ̀ nua ni, è ɛ se dɛ kɔn Ɔ seaa nu.

Jɔ̀ɔ̌n 1:5

Pepěǒ Ɛ fɛn ne klě kwijlě slè, è kwijlě sěɛ ɛ je chle.

Jɔ̀ɔ̌n 17:25

Ně Jebo Siǐn Gbeǐ, kmɔ̌ɔ nyopòà u seè ji, kɛɛ Mǒà Ě jiì li plě nyopòà ǔ ji ɛ ɛ̈ moo Mò dbo Mǒ.

Jɔ̀ɔ̌n 5:17

Kɛɛ Jùsu tùa u kɛɛn Ɔ je, “Ně Gbeǐ Nyesoa ni konkwa tǐ wùɛ mɔ̀, ii tè dɛɛ doǒ nɛ̀ Ě ni ke.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:17

kɛɛ tǐ wùɛ mɔ̀ Nyesoa ni kàan noǎ ï moo sàse ɛ̈ moo Ɔ ne kmɔ̌. Ɔ nye a nǔ ɛ̌ dbɛ klee Ɔ ni aa dodɔ̌ noǎa ǐ kwin klě ii tǐ wlòmo klee Ɔ̌ nye a digbaǐ fòfoa plě Ɔ̌ ni amo a ni chǒn le!”

1 Kwnɛtiɛ̌ 1:21

Äa tɔ̀n kɔn Nyesoa nu kmɔ̌ɔ nyopò ǔ slě wɔ̀ bu ji Ɔ klě uu chɛ̀ɛ tɔ̀n wlòmo, kɛɛ dɛà Ɔ chlàa Bɔ nuu nɛ̀ u dɛɛ plɔɔ kokǒ tuposà ɛ̈ ä pee ɛ̈ wɛɛ nyopòà ü po ɛɛ tè kàan tè.

1 Kwnɛtiɛ̌ 2:8

Kmɔ̌à ɛɛ win kwa kɔn nyoo nyuu doo chɛ̀ sea Ɔɔ je wɛ̌ tɔ̀n winʼǒ de jbojbɛ kɔn. Bɛ̌ nu bǔ kɔɔnʼa de jbojbɛ, è u seeaǒ äa tè jǐ boǎ Koɔnʼà pète bɛ̌ tu jleě kɔ.

1 Kwnɛtiɛ̌ 8:6

kɛɛ ämoà ä kɔn Nyesoaa do sosǒ Ɔ̈ monoo äa Gbeǐ. Noǎ wùɛ klě i sonwɛě Ɔ mɔ̀ mǒ plě ä ne kmɔ̌ keǒ bä sà Ɔɔ wɛ̀. Ä kɔn Chì Kpa Ämoo do sosǒ keǒ äa chɛ̀ mɔ̀ Ɔ̈ moo Jùsu Tentǎn Jǔ Ɔ̈ nuaa noǎ wùɛ plě Ɔ̈ kɔn kokoɛ̌ nye ämoo kmɔ̌ sie fònfno.

Klasɔ̌n 1:16

Mɛ̌oǒ joo nɛ̀ moo Nɔ̀ nu dɛ wùɛ ɛ̈ neěe jɔkɛn klee kělɔ blǒɔ mɔ̀, jà noǎà ä jěe klee noǎà äǎ jěe klee sìsià neěe jɔ mǒ ï nee kpě kɛn klee ï nɛɛ nee nyopò klee ï kɔnʼɔ win kwa plě klee ï blěe kpě. Ii wùɛǒ Nyesoa nuuě i Tentǎn Jǔ mǒ plě Nɔ̀ kɔn tè Ɔ nua ni.

Hiblǔ 11:3

Tè wlò popoɛà ä kɔnʼɔ nɛ̀ nu ɛ ä jbo ɛ le ɛ̈ moo kmɔ̌ wùɛà Nyesoaa win nì nua ɛ. Noǎà ä jěe nì Ɔ nua Ɔ̌ nua noǎ äǎ jěe.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.