Ifisiɛ̌n 4:3 - Nyesoaa Kuo Win Jajle

³ A nu dɛ wùɛ a wɔ̀le je ba nuu ɛ̈ di ɛɛ numa ně bo wnawnaǒ Ngmà Je Ne Sùsu nye amoo ɛ miě a slè ne ɛ̈ǒ poǒ aa tàa do.

Ifisiɛ̌n 4:3 ပူးပေါင်းရင်းမြစ်များ

Mǎkè 3:24

Bɛ̌ nu bo dakɔ̌ dlǒ bǔ klǎ uu chɛ̀ mǒ bǔ ploo ɛ wakě bǔ chèchee ja bǔ ke wɛ̀n, umo dakɔ̌ǒ u se bo nynama mu.

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

1 Kwnɛtiɛ̌ 1:10

Ně bǐì Tentǎn Jǔu wǎn ane, Ě pɛnʼǒ a jemǒ bo klě äa Koɔn Jùsu Tentǎn Jǔu nynɛ̌ wlòmo, aa win bi nu dɛɛ do ɛ̈ di ɛɛ numa aǎ di ɛ plo aǎ di jale jejǎe le. Bǎ ke dɛ ble pe, aa dlǒ le sìɛnsiɛn bɛ beǒ tàa do kpǎkpǎ.

2 Kwnɛtiɛ̌ 13:11

È klě tǐà wlòmo ně bǐì Tentǎn Jǔu wǎn ane, aa plɔ bɛ blo, a pɔ̀n ɛ le keǒ ba snǎě mɔ̀le kpǎkpǎ. Ba memǎeǒ mɔ̀, ba beǒ tàa do plě a kɔn ně bo wnawna klě a slè. È Nyesoaà noɛɛ ämoo mǒ plě Ɔ̈ nye ämoo ně bo wnawna Ɔ miǒ a mɔ̀ nema.

Ifisiɛ̌n 4:13

ɛ mǐ ɛ kpa kpa äa wùɛ ä mǐ tè wlò popoɛɛ doǒ kɔn plě ä mǐ Nyesoaa Jǔǒ Ɔɔ tè měne ji ɛ̈ di ɛɛ numa ä miě jele wɛ̀ kpǎkpǎ wòje keǒ Ɔmo Tentǎn Jǔu chɛ̀ nuu.

Ifisiɛ̌n 4:4

Tentǎn Jǔu wǎn ne do sosǒ plě Ngmà Je Ne Sùsu ne do wòje keǒ ɛ nuu wlò je kunkuɛn nee do ɛ̈ Nyesoa dala amoo ba kɔnʼɔ.

1 Tɛseloniǎ 5:13

A nyeǒ u tùtuɛ fòɛ klee a noɛɛ u mǒ keǒ uu konkwaǒ ɛɛ tè mɔ̀. È bo ně bo wnawna bɛ neě a slè.

Hiblǔ 12:14

Nyu wùɛ ɔ̈ see ngmà je ne, ɔ se Koɔn Nyesoa jěba mu. Ii tè a tɛ̀n ɛ mǒ keǒ ně bo wnawna bɛ neǒ a klee nyopò tùu slè plě a tɛ̀n ɛ mǒ keǒ ba ne ngmà je.