Ifisiɛ̌n 2:3 - Nyesoaa Kuo Win Jajle

³ Sɛjesɛ klě tǐǒ sìin wlòmo plě ä mǐa tè wlò popoɛ kɔn keǒ uu ka nee je kě äa wùɛ äa ka nea je. Noǎ kukwǐà äa kpni kukwǐ kmɔ̌ jlɛ̌ɛ nì ä kwɛa mɔ̀le ä nia dɛ wùɛ äa fǒ klee dlǒ le sìɛnsiɛn jlɛ̌ bä nuaa. Ɛmo kmɔ̌ taeǒ ä neaa, Nyesoaa plɔ tu kɛn bo maěa blɛɛa ä je wòje keǒ nyu wùɛɛ ka nee je.

Ifisiɛ̌n 2:3 ပူးပေါင်းရင်းမြစ်များ

Mǎkè 4:19

kɛɛ kmɔ̌ɔ kàan noǎa feanfeǒ sɛ̀ uu wlò kǔ mǒ plě pònpan gbee u mǒ klee noǎ tìi u jlɛ̌ɛ, bǐ diě bǐ sàě u winʼǒ měne ì seǒ u dɛ bo po.

Jɔ̀ɔ̌n 1:13

Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:16

Klě tǐà bee de wlòmo Nyesoa sɔnaǒ dakɔ̌ wùɛ mɔ̀ mǒ ǔ nia uu chɛ̀ɛ kɛn wɔɔn dɛ,

Wlǔmɔ 1:24

Tèǒ nì kɔn tè Nyesoa tbɛ u kɛn u mǐ uu chɛ̀ɛ dɛ kukǔ ble po u mǐ gblà kmɔ̌ ne ɛ̈ see mnǒ wɛ̀ uǔ di uu fǒ ngmà je tù.

Wlǔmɔ 11:30

Amo kuodakwɛ̌ a sea pnɔǒ Nyesoa tù, kɛɛ Jùwɛ nyo seǒ Ɔ tù ke, tèǒ nì kɔn tè klě tǐà wlòmo Nyesoa kɔn wɔle je jbojbɛ keǒ a mɔ̀.

Wlǔmɔ 13:14

kɛɛ dɛ ba nuu nɛ̀ moo a poě aa chɛ̀ Koɔn Jùsu Tentǎn Jǔ kwete mǒ, a bɔ̌ dɛ kukǔu dlǒ le sìɛnsiɛn tǐ wùɛ mɔ̀.

Wlǔmɔ 2:14

Bɛ̌ nu kuodakwɛ̌ ü see teteǎǒ blě bǔ nu dɛǒ teteǎ boɛɛ keǒ uu chɛ̀ mɔ̀, baǎje nù se Nyesoaa chlechlě teteǎ blě, u moo teteǎ keǒ uu chɛ̀ mɔ̀.

Wlǔmɔ 5:10

Tǐǒ jleě ä mooa Nyesoaa jlae nyo, Ɔ̀ nu ä mǒ Ɔɔ nenawa ɛ̈ diiěe Ɔɔ Jǔ Jùsuu kokoɛ̌ mǒ. Klě tǐà wlòmo ä moo Ɔɔ mɔ̀niapo ii tè ä ji ɛle sɛjesɛ ɛ̈ moo Ɔɔ Jǔ mi ä waba klě Ɔɔ chɛ̀ɛ fònfno mǒ.

Wlǔmɔ 5:9

Ke ɛ toon jleě mǒ bo Ɔɔ kokoɛ̌ nu ämoo jebo siǐn nyo mǒ, ä ji ɛle sɛjesɛ ɛ̈ moo Ɔ miě ä Nyesoaa jlo bobo gblàba.

Wlǔmɔ 6:12

Tèǒ nì kɔn tè aǎ sonwɛǒ kpni kukwǐ mɔ̀ mǒ iǐ kwɛn a win kwa keǒ ba po noǎ kukwǐǒ aa wlò jlɛ̌ɛ nɔkǔ jebo.

Wlǔmɔ 7:18

Baǎje boǒ chlà lɛ keǒ bo nu kàan dɛ, Ě slě wɔ̀ bo nu ɛ. Tèǒ nì kɔn tè Ě ji ɛ ɛ̈ moo kàan dɛ tɛ̀ɛ nɛ̀ slěě mǒ ne, Ě sɛ̀n nynɛ̌ klě ně kpni kukwǐ kmɔ̌ slè.

Wlǔmɔ 9:22

Dɛɛ doǒ nɛ̀ ɛ mono, bɛ̌ nu Nyesoa Bɔ̌ keea ɛ jlɛ̌, Ɔ mii Ɔɔ jlo nyopò teeba plě u mǐi Ɔɔ kpě jě. Kɛɛ Ɔ chlà lɛ keǒ Bɔ dbǎ wlò plě Ɔ miǒ nyopòà ü blɛɛ ɛɛ je uu plɔ tu kɛn bo maě ne ü wɔ̀ luu chɛ̀ mɔ̀le keǒ gbè sùesuɛ mɔ̀.

1 Kwnɛtiɛ̌ 4:7

Mɔ nuǔ kɛ mò nè tè kmaǎ ɛ̌ sìnʼǒo nyu tɔ̀ɔ mǒ? Plě mɛ kɔ̀ɔ̌n kɛ ɛ̈ Nyesoa seě mò nye? Bɛ̌ nu bɛ̌ nyee mò, è mɛ kɔɔ̌n tè kpǒǒ kɛ kɛn le wòje keà nè chɛ̀ sɛ̀ɛ dɛ tàmo ɛ se mòo nyee ne?

2 Kwnɛtiɛ̌ 7:1

Tèǒ nì kɔn tè ně mɔ̀niapo ale, ɛ̈ kɔn ämo kɔn imoo pee noǎ fòfoaǒ ǐ sɔn lěe Nyesoa mɔ̀ mǒ, a nɛ bä sà noǎ wùɛ fǒ měne ï ni äa blǒ fǒ klee wlè ǐ nymii jǐ le plě a nɛ bä tùǒ Nyesoa ä mǐ äa chɛ̀ ngmà je tù kpǎkpǎ.

Kalesiɛ̌n 3:22

Kɛɛ kě Nyesoaa win dɛ̌ ä je ɛ̈ moo “Nyu wùɛ neě kpni kukwǐi kpě bobo.” Tèǒ nì kɔn tè ngmnaà Nyesoa peeěe Ɔ nye ɛ nyopòà kɔnʼɔ tè wlò popoɛ klě Tentǎn Jǔ Jùsu mǒ, uu do sosǒ nù kɔn nɛ.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Ifisiɛ̌n 4:22

ba tɛ aa kmɔ̌ kukǔ dakǎǒ bo ɛ̈ kɔn ble po dɛ gbee amoo mǒ ɛ̈ sùe amoo gbè.

Klasɔ̌n 1:21

Dlǒ le sìɛnsiɛnʼǒ a blěaa klee noǎ kukwǐǒ a niaa nì nua amo ǎ tmɔɔ Nyesoa mɔ̀ plě ǎ mooa Ɔɔ jlae nyo.

1 Tɛseloniǎ 4:13

Ně bǐì Tentǎn Jǔu wǎn ane, ä jlɛ̌ ba ji dɛǒ kpaa tùɔn keǒ nyopòǒ kǒo jleě mǒ ɛ̈ di ɛɛ numa aǎ di wɔle le nu wòje nyopòà ü see wlò je kunkuɛn kɔn keǒ kmɔ̌ sie fònfno mɔ̀.

1 Tɛseloniǎ 5:6

Tèǒ nì kɔn tè a nɛ bäǎ wě je nyopò tùu ü see mɔ̀le wɛ̀ keǒ Koɔnʼɔ de didiɛ mɔ̀, kɛɛ a nɛ bä wɛ̀ mɔ̀le ä miǒ äa chɛ̀ mɔ̀ kwa blě.

1 Timɛtě 6:9

Nyopòà pɛ̀nʼɛ pònpan le u beě měne tèntɛn slè, plɔɔ kokǒ noǎa klee jǐlenymi noǎǒ uu wlè jlɛ̌ɛ nì kɔn tutu kme nu ɛ̈ chlì u klě jǐlenymi dɛ slè klee ɛ̈ sùe u gbè.

Taetɔ̌ 3:3

Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.

1 Pitɛ̌ 1:14

A tùǒ Nyesoa bo wòje Ɔɔ jlǔ, è aǎ ne kmɔ̌ kukǔǒ a ne pnɔɔ plě ǎ jii kàan dɛɛ tè.

2 Pitɛ̌ 2:14

Gblà kmɔ̌ nɛ̀ jǐě u měne, uǔ jǐ kpni kukwǐ nunuɛɛ kwlě. U chlì nyopòà kɔn dlǒ ɛɛ̌ wlɛ̀ǒo bo bitǐa mǒ ǔ peě u kpni kukwǐ slè. Wnɔwnǔ nɛ̀ jǐě u wlògbae kɛne, Nyesoaa sadǒ neǒ u kɛn.

2 Pitɛ̌ 2:18

U pe wun fòe le ɛ̈ see dɛ mǒ ne klee u ni tùonyuu jlajlǎ dɛ kukǔ ǔ sɛ̀ǒ nyopò Nyesoa demǒ ü kèke u tùi Nyesoa dɛ wlò bü plùu luu nyopòǒ neěe kpni kukwǐ slè je.

1 Jɔ̀ɔ̌n 2:16

Mɛ̌oǒ joo nɛ̀ moo noǎ wùɛà neɔɔ kmɔ̌ɔ mɔ̀, jà blǒ fǒo kpni kukwǐi jlajlǎ dɛ klee jě dɛ bɛ kɔnʼɔ̀ tǒn klee dɛ konkɔnʼɔ de jaě sùsu, imoǒ i slě Nyesoa mɔ̀ mǒ sɔn Ɔ̈ moo äa Gbeǐ, kɛɛ i sɔnʼě mǒ kmɔ̌ǒ wlòmo.

1 Jɔ̀ɔ̌n 2:8

Kɛɛ Ě chlě ɛɛ dɛ jajlo ke keǒ a mɔ̀. Ɛɛ kàan dɛ ɛ̈ neě ɛɛ mǒ nyopò jě ɛle klě Tentǎn Jǔu kmɔ̌ neneɛ mǒ klee klě aa chɛ̀ mǒ. Mɛ̌oǒ joo nɛ̀ moo kwijlěǒ a nea lěe slè ɛ sìn ni klě tǐà wlòmo, è kàan pepě diě le ɛ̌ fɛn ɛ̌ wɛ̀ mɔ̀le.