Klasɔ̌n 4:2 - Nyesoaa Kuo Win Jajle

² Tǐ wùɛ mɔ̀ aa wùɛ a boɔě Nyesoa mɔ̀, a tù aa chɛ̀ jǐ mɔ̀ plě a pe Nyesoa tàto.

Klasɔ̌n 4:2 ပူးပေါင်းရင်းမြစ်များ

Matiɔ̌n 26:41

A tù jǐ mɔ̀ a mǐ Nyesoa bàte aǎ diě měne tèntɛn slè be. Tùonyuu wlò wɔɔn ɛ kɛn keǒ bɛ nu Nyesoaa kɛn wɔɔn dɛ, kɛɛ tùonyugbee kpni kukwǐ kmɔ̌ǒ neě ɔɔ mǒ nɛ̀ ɛɛ̌ wɔɔn ɛ kɛn.”

Mǎkè 13:33

È a se tǐǒ ɛ miǎa tùɔn kpaeba ji, nɛ̀ kɔn tè a wɛ̀ mɔ̀le a tù jǐ mɔ̀.

Lǔkù 18:1

È Jùsu poa u dǎtèkpa je ɛ mǐa u tee le ɛ̈ moo tǐ wùɛ mɔ̀ bu boɔ lě Nyesoa mɔ̀ uǔ kwɛn seasea.

Lǔkù 21:36

Tèǒ nì kɔn tè tǐ pɛpɛ mɔ̀ ba tù aa de nu kmɔ̌ jǐ mɔ̀, ba bàte Nyesoa Ɔ mǐ a kbě nye noǎ wùɛǒ bǐ keǎ tùɔn kpɛ a miǎ i jebo kwli, plě klee Jbɛjuu Jǔà Bɔ̌ keǎ blilǐ tùi, a miǎ kbě kɔn ba nynanǎ Ɔ jebo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:14

Umoǒ klě tǐ fòfoa wlòmo u gbèa le ǔ boɛaě Nyesoa mɔ̀ u klee nynoo tìe tùu klee Mɛwlě ɔ̈ mooa Jùsuu naǎ klee Jùsuu mamǔ jbɛjlu.

Wlǔmɔ 12:12

Aa plɔ bɛ blo keǒ wlò je kunkuɛn mǒ. Bɛ̌ nu bo tǐ jakě bǐ diě, a kɔn wlò dbadbǎ tǐ wùɛ mɔ̀ a boɔě Nyesoa mɔ̀.

Ifisiɛ̌n 6:18

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

Flepiɛ̌n 4:6

Dɛ wùɛɛ tè ně tùi a kèjle, kɛɛ tǐ wùɛ mɔ̀ a sɔnʼǒ Nyesoa mɔ̀ mǒ Bɔ ji dɛ tae a jlɛ̌ɛ klě aa bàtea wlòmo klee noǎ kɔn tè a miǒ Ɔɔ jemǒ bo poba. È bǎ ke bɛ̀te, a pe Ɔ tàto keǒ dɛ Ɔ nii mɔ̀ keǒ a mɔ̀.

Klasɔ̌n 1:9

Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

Klasɔ̌n 2:7

A po mǎ klě Tentǎn Jǔ mǒ, è aa kmɔ̌ neneɛ bɛ tee Ɔ kɛn plě aa tè wlò popoɛɛ kbě kɛn neneɛ bɛ bebee kɛne chɔɔ wòje keǒ Ɛpaflɔ̀ nu ɛ amoo teea. Nyesoaa tàto pepeɛ bɛ taanʼǒ a wien keǒ noǎ Ɔ nuu keǒ a mɔ̀.

Klasɔ̌n 3:15

Nyesoa Nɔ̀ dala amo a mǐaǒ tàa do ne klě ně bo wnawna mǒ wòje keǒ fǒo noǎa kplekplei nuu. Nɛ̀ kɔn tè nɛ bo ně bo wnawnaǒ Tentǎn Jǔ nye amoo bɛ blěǒ aa dlǒ le sìɛnsiɛn mɔ̀ kwa. A pe Ɔ tàto tǐ wùɛ mɔ̀.

Klasɔ̌n 3:17

È dɛ wùɛ a mii numa klee a mii boɔba, ba nuuě ɛ Koɔn Jùsuu nynɛ̌ wlòmo a mǐ Nyesoa tàto pe Ɔ̈ moo aa Gbeǐ keǒ dɛ Ɔ nuu keǒ a mɔ̀ ɛ̈ Ɔ nuuě Jùsu Tentǎn Jǔ mǒ.

Klasɔ̌n 4:12

Ɛpaflɔ̀ ɔ̈ moo Tentǎn Jǔu nyebajlo tɔ̀ɔ ɔ̈ sɔnʼě amoo tàkpɔ̌ǒ slè mǒ ɔ gbà a wan le ke. Tǐ wùɛ mɔ̀ ɔ mǎě sèn bo ɔ̌ bɛ̀teeǒ aa tà ɛ̈ di ɛɛ numa a mǐ bo nyna kpankpa a miǒ Nyesoa bo tù keǒ noǎ wùɛ Ɔ jlɛ̌ ba nuu mɔ̀.

1 Pitɛ̌ 4:7

Noǎ wùɛ mi dlǒ chlɛ̀ba pase, tèǒ nì kɔn tè aa dlǒ le sìɛnsiɛn bɛ snǎě mɔ̀le klee a jiǒ aa chɛ̀ɛ wlò mɔ̀ kwa bleblɛ̌ ɛ̈ di ɛɛ numa a miě ɛ wɔ̀ a miě Nyesoa mɔ̀ boɔboɔ ji tɛɛ.