Klasɔ̌n 3:4 - Nyesoaa Kuo Win Jajle

⁴ Bɛ̌ nu Tentǎn Jǔà nye ämoo kmɔ̌ sie fònfno Bɔ̌ sàla Ɔɔ chɛ̀ tàmo, è aa chɛ̀ɔ̌ a miǎ tàmo wǒba ke a miǎ Ɔɔ tè jǐ boaboǎ kɔn.

Klasɔ̌n 3:4 ပူးပေါင်းရင်းမြစ်များ

Matiɔ̌n 13:43

È nyopòà moo jebo siǐn nyo u miǎ wnema wòje keà wɛn fɛnʼɛ klě uu Gbeǐ Nyesoaa deplě wlòmo. Nɛ̀ kɔn tè nyu wùɛ bɔ̈ kɔn nɔkǔ, è bɔ poǒ nɔkǔ jebo tɛɛ tɛɛ.”

Lǔkù 17:30

Dɛɛ doǒ nɛ̀ ɛ miǎ mooma chnɛ̀ jlǒ waěǒ Jbɛjuu Jǔà Ɔ miǎ tàmo wǒba.

Jɔ̀ɔ̌n 11:25

È Jùsu tùa ɔ kɛ̀ɛn Ɔ je, “Mǒà Mǒ moo jeměne duduɛ̌ klee kmɔ̌ sie fònfno ii Mǎ. Kàan tè nyu wùɛ miǎ kǒba, kɛɛ nyuǒ mi Něe tè kàan tè poba ɔ miǎ jemǒ dǔba ɔ miǎ kmɔ̌ ne.

Jɔ̀ɔ̌n 14:3

Bɛ̌ nu Bo mu de klě Ně Gbeǐ mɔ̀, Boǒ wɔ̀ tùɔn mɔ̀le keǒ a mɔ̀, Ě mi de diba Ě mǐ a kpa a miǒǒ gbàa bo ne ɛ̈ di ɛɛ numa tà Ě neěe a mǐě ne.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:15

Nyuà Ɔ̈ moo Fònfnoo Wlò Le Tùtuɛ Nɔ̀ a dbǎla, kɛɛ Nyesoa dǔa Ɔ jemǒ Ɔ̌ sàlaě Ɔ kǒla mǒ, äa wùɛà nɛ̀ kɔn sàse dɛ ä ni.

Wlǔmɔ 8:18

Ě po i mǒ kàan tè äa sònwɛ jejeɛ̌à ä jěe klě tǐà wlòmo ɛ se dɛ nyu bɔ poo tè jǐ boaboǎǒ Nyesoa miǎ tàmo sàba je keǒ ä mɔ̀.

Wlǔmɔ 8:19

Noǎ wùɛà Nyesoa nuu kělɔ kmɔ̌ɔ mɔ̀ ii fě nymɛ̌ ne ǐ fe Nyesoa kɛn mǒ keǒ Bɔ sà Ɔɔ jlǔ kwlǎ mǒ.

1 Kwnɛtiɛ̌ 1:7

Dɛǒ nɛ̀ nu ɛ tà a fee äa Koɔn Jùsu Tentǎn Jǔ Bɔ dii de de, Nyesoaa Sùsuu nyee noǎ klě a slè i se a kɛn bɛɛ̌ba mu.

1 Kwnɛtiɛ̌ 15:43

Bǔ ke fǒ bo tùi ɛ nymi le jǐ, kɛɛ bɛ̌ keǎ jemǒ duǐ ɛ miǎ jǐ le nmɔma. Bǔ ke fǒ bo tùi, ɛ se kbě kɔn, kɛɛ bɛ̌ keǎ jemǒ duǐ, ɛ miǎ kbě mǒ nema.

2 Kwnɛtiɛ̌ 4:17

Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.

Kalesiɛ̌n 2:20

dɛǒ nɛ̀ nu ɛ ně ne kmɔ̌ ke Ě ni ɛɛ jlajlǎ, kɛɛ Tentǎn Jǔu kmɔ̌ nɛ̀ neěě mǒ. Tà Ě neɔ kmɔ̌ɔ mɔ̀ Ě kɔn kmɔ̌ sie fònfno ɛ̈ ně tè wlò popoɛ Ě kɔnʼɔ klě Nyesoaa Jǔ mǒ nye mǒo Ɔ̈ noɛɛ mǒo mǒ plě Ɔ̈ kǒo keǒǒ mɔ̀.

Flepiɛ̌n 3:21

Ɔ mi äa fǒà mii kǒba numa ɛ mǐ ponpnɔɔ no Ɔ mǐ ɛ tè jǐ boǎ fǒ mǒ nu wòje keǒ Ɔɔ nenɛ nuu. Ɔɔ kpěǒ nu Ɔɔ Ɔ̌ wɔ̀le ɛɛ Bɔ poě noǎ wùɛ Ɔɔ win kwa konkɔn bobo nì Ɔ mi numa.

1 Tɛseloniǎ 4:17

È ämoà neě jèe kmɔ̌ ä miǎ jemǒ duǔba ä miǎě nukpǎ kɛn kpae le ä klee nyopòǒ kǒaa, ä miǎ äa Koɔn nya bɛ̌ba mu klě jɔ mǒ. È ä miǎě Ɔ mɔ̀ nema ke ɛ mii jleě mǒ bo tonma.

1 Timɛtě 6:14

keǒ bò tùǒ dɛà Nyesoa tmɔɔ̌ mòo bò nùu bo plě mìě mɔ̀le snǎ klee kɔɔ̌ dɛ ɛɛ̌ neǒò jleě mǒ ɛ mǐ ɛ kpa kpa chnɛ̀ jlǒ waěǒ äa Koɔn Jùsu Tentǎn Jǔ miǎ de jaba ɛ miǎǒ nyni.

2 Timɛtě 1:1

Mǒ Pɔ̀ɔ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu ɛ̈ monoo Nyesoaa kɛn wɔɔn dɛ, Ɔ̌ dbo mǒ boǒ boɔɔ Ɔɔ pee dɛɛ tè kɛn ɛ̈ kwɛɛǒo kmɔ̌ sie fònfnoo tè jleě mǒ bo ɛ̈ ä kɔnʼɔ ɛ̈ diiě tè wlò popoɛà ä kɔnʼɔ mǒ klě Tentǎn Jǔ Jùsu mǒ. Ě chleě ɛ

2 Timɛtě 4:8

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

Hiblǔ 9:28

kě Tentǎn Jǔ nua Ɔ nyee Ɔɔ chɛ̀ keǒ pète bɛ̌ tu jleě waěe do keǒ Bɔ pooa nyopò fòfoaa kpni kukwǐi tè wlò le. Bɛ̌ nu Bɔ̌ diǎ de wěe sɔ̌n nenɛ mɔ̀, Ɔ seǎǒ kpni kukwǐ dɛ jleě mǒ numa mu, kɛɛ Ɔ miǎě diba keǒ Bɔ gblàla nyopòǒ fe Ɔɔ kɛn mǒ.

1 Pitɛ̌ 1:13

Tèǒ nì kɔn tè ba wɔ̀ aa chɛ̀ mɔ̀le keǒ dɛ nunuɛ mɔ̀, a jiǒ aa chɛ̀ɛ wlò mɔ̀ kwa bleblɛ̌ plě a poě aa wlò je kunkuɛn klě wlòo jlajlǎ dɛ ɛ̈ɛ̌ sàa wlò kǔ mǒ ja bo kpǎkpǎ ɛ̈ Nyesoa mi amoo nyema tǐǒ jleě Jùsu Tentǎn Jǔ miǎa de diba.

1 Pitɛ̌ 5:4

È bɛ̌ nu Tentǎn Jǔ Ɔ̈ moo Jǐ Mɔ̀ Tùɔ̌ fòɛ Bɔ̌ diǎ lě, Ɔ miǎ a tè jǐ boaboǎ nyema ɛ̈ mooǎ snǒ sàe dɛ ɛ̈ see sìnsiɛn kɔn.

1 Jɔ̀ɔ̌n 2:28

Ně jlǔ ale, sɛjesɛ klě tǐà wlòmo aa tè wlò popoɛ bɛ muu nya klě Tentǎn Jǔ mǒ ɛ̈ di ɛɛ numa Bɔ̌ tbaeǎ je, ä miǎ wlò je kunkuɛn kɔn klee äǎ diǎ tònwe měne be plě äǎ diǎ Ɔ je wɛɛ̌ le.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

1 Jɔ̀ɔ̌n 5:12

Nyu wùɛà mii tè wlò popoɛ kɔnma klě Nyesoaa Jǔǒ mǒ, ɔ kɔn kmɔ̌ sie fònfno, kɛɛ nyu wùɛ ɔ̈ se ɛɛ kɔnma mu, ɔ se fònfnoǒ kɔn.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:24

Baea keǒ Nyesoa mɔ̀ Ɔ̈ wɔ̀le je Bɔ̈ tù amoo jleě mɔ̀ aǎ diěe kpni kukwǐ slè be plě Ɔ̈ wɔ̀le ɛɛ Bɔ̈ jaě amoo klě Ɔɔ chɛ̀ jemǒ kɔɔ̌ dɛ ɛɛ̌ diǒ amoo jleě mǒ ne klee a mǐi chǒn le nu.

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 22:1

È najiǒpòiǒ ɔ teeaǎ ně sakaě ɛ̈ nyee nyopò kmɔ̌ sie fònfno. Ɛ snǎnaě mɔ̀le keà jělae ɛ̌ sonwɛaě Nyesoa klee Blajǔu klɔ̀ba gbèsɛɛ mɔ̀ mǒ

Wlɛ̀velesɔ̌n 22:14

Nyopòà jla uu wlawlě ǐ wɛ̀ɛ mnǒ u kɔn ngmna, u miě ɛ wɔ̀ba keǒ bu di tu buiǒ sɔn lěe fònfno tuǒ ja mǒ klee u miě ɛ wɔ̀ba keǒ bu paeě wlɔ̀ dɔwunʼǒ jleě, u miě dě fòɛǒ wlòmo pa.