Klasɔ̌n 2:9 - Nyesoaa Kuo Win Jajle

⁹ Mɛ kɔɔ̌n tèǒ joo nɛ̀ moo Tentǎn Jǔ wǒ je Nyesoa teěn teěn.

Klasɔ̌n 2:9 ပူးပေါင်းရင်းမြစ်များ

Matiɔ̌n 1:23

“A tanʼǒ leò, nyneju ɔ̈ see jbɛju tè ji ɔ miǎ kwlě mǒ nema, ɔ miǎ Jbɛjuju kɔn, u miǎ Ɔɔ nynɛ̌ Imanyùɛ daeba.” (Is 7.14) Imanyùɛ ɛ̈ sɛ̀nʼɛ nynɛ̌ Nyesoa Neeǒ Ä Mɔ̀. (Is 8.8)

Lǔkù 14:22

Tà nyebajloǒ ɔ diaa de, è kě ɔ dɛ̌a ɔ je, ‘Nyefòɛ, dɛ wùɛà jè bo nuu Ě nu ɛ ne, kɛɛ fɔ̌ neě jèà keǒ nyopò fòfoa mɔ̀.’

Lǔkù 3:22

È Ngmà Je Ne Sùsu sɔnaě jɔkɛn mǒ Ɛ̈ nea lěe plabaee tǔn wlòmo Nɛ̀ tèea lě Ɔ ja, è Nyesoaa Win sɔnaě jɔkɛn mǒ, kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

Jɔ̀ɔ̌n 1:16

Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 10:38

kɛɛ bɛ̌ nu Bo ke i ni plě bǎ se Ně tè kàan tè poo chɛ̀, è a blɛɛ je ba po wlòlekaen noǎà Ě nii ii tè kàan tè ɛ̈ di ɛɛ numa a mǐ ɛ ji kàan tè ɛ̈ moo Ně Gbeǐ Nɔ̀ neěě Mǒ plě Ě neeě Ɔ mǒ.”

Jɔ̀ɔ̌n 14:20

Klě chnɛ̀ jlǒ waěǒ wlòmo, a miǎ ɛ jiba ɛ̈ moo Ě neeě Gbeǐ mǒ, ǎ neeěě mǒ, Ě neeě a mǒ.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 2:21

Kɛɛ kǎ fòɛǒ kɔn tè Ɔ boɛɛaa kɛn nɛ̀ moo Ɔɔ fǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:29

Ke ɛ toon jleě mǒ bo ä moo Nyesoaa jlǔ, äa dlǒ le sìɛnsiɛn bɛɛ̌ jě ɛ ɛ̈ moo Ɔ wǒ je tùonyugbee wlawlǎ dɛ ɔ nunuu klò klee sěbla klee seɛ̌.

2 Kwnɛtiɛ̌ 5:19

Ke ɛmo tuposàà ɛ dɛ̌ɛà ɛ̈ moo, Nyesoa sàǒ kmɔ̌ ne tùonyopo klee Ɔɔ sɔ̌n kwɛna slè le plě uu dɛ kukǔǒ Ɔ se ɛɛ tè ù kwa bleě le. Tuposà Ɔ nye ämoo nɛ̀ moo ke bo nyu bɔ nuu ɔ klee Ɔ mii mɔ̀niapo dɛ nu.

Klasɔ̌n 1:19

Mɛ kɔɔ̌n tèǒ joo nɛ̀ moo Nyesoa poa ɛ ble keǒ bo Tentǎn Jǔ Bɔ wǒa Ɔmo Nyesoaa chɛ̀ je teěn

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

1 Jɔ̀ɔ̌n 5:7

Ɛ kɔn sàsepo tan,