Klasɔ̌n 2:8 - Nyesoaa Kuo Win Jajle

⁸ A gbɛ̀ɛ le nyu wùɛ ɔɔ̌ di tùonyugbee tɔ̀n nu ɔɔ̌ di a mǒ boo lo klee kplakplǒà see dɛ wlòmo ne ɛ̈ sonwɛ lěe tùonyopoo blětà noǎ wlòmo klee sìsi ï neɔɔ kmɔ̌ɔ mɔ̀, kɛɛ ï slěe Tèntǎn Jǔ mɔ̀ mǒ sɔn.

Klasɔ̌n 2:8 ပူးပေါင်းရင်းမြစ်များ

Matiɔ̌n 10:17

Ii tè a gbɛ̀ɛ nyopò. Mɛ̌oǒ joo nɛ̀ moo u miǎě a tè tù nyo jemǒ kpaba u miǎ a fǎe kɛn sà klě Jùwɛ nyoo Nyesoa keǐ bo ble le.

Matiɔ̌n 16:6

È kě Jùsu dɛ̌a u je Ɔ je, “Ba tùě jǐ bo plě a gbɛ̀ɛ Fɛlesǐi wǎn klee Sadesǐi wǎnʼa ǐsiǒ.”

Matiɔ̌n 7:15

È kě Jùsu dɛ̌a u je de Ɔ je, “A gbɛ̀ɛ sen le tmɔ̌ wnɔsàɔpo ü diě amoo mɔ̀ ü pee blakoɔ̌ kɛn, kɛɛ ü blěe chì wlò.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:18

È chenchěn tàkpɛ̌ɛ sɔ̌nʼǒ u dɛɛ Ɛpekilɔ̀ klee Setokìa, uu de ji nyo fòe nù klee Pɔ̀ɔ̌ chɛtlǐia ke. Kě uu tìe tùu dɛ̌a u je, “Mi wun wan ne nyuà ɔ̈ see dɛ ji ɔ boɛɛ̌ kɛ ämo je?” Pɔ̀ɔ̌ boɛɛa kɛn Jùsuu tè klee je měne duduɛ̌ tè, è kě uu tìe tùu dɛ̌a u je, “Bò jě ɛ è je dɔ̌ nyesoe tìi nì kɔn tè ɔ boɛɛ kɛn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:32

Tà u wɔ̌naa dɛǒ Pɔ̀ɔ̌ boɛaa ɛ̈ kwɛɛaǒo je měne duduɛ̌ tè jleě mǒ bo, ùu tìe pea ɔ le mɛ, kɛɛ kě tìe dɛ̌a u je, “Ä miě tǐ tìi sàba mì ä tmɔɔ̌ no de keǒ dɛà ɛɛ tè kɛn chɔɔ.”

Wlǔmɔ 16:17

Ně bǐì Tentǎn Jǔu wǎn ane, bo tlikaeě a chìjoɛɛ nɔkǔ mǒ, a gbɛ̀ɛ nyopòà ü jɛ lěe dɛɛ ploplɛ keǒ noǎà ä tee amoo mɔ̀ ï kwɛɛǒo Tentǎn Jǔ jleě mǒ bo. U tɛ̀n ɛ mǒ keǒ bu nu ɛ nyopò tùu bu kplɛɛǒ uu tè wlò popoɛ kɛn, nyopò taeǒ ba tmɔɔ u mɔ̀.

1 Kwnɛtiɛ̌ 10:12

Tèǒ nì kɔn tè bɛ̌ nu nyu wùɛ bɔ̌ jě lɛ klě ɔɔ chɛ̀ mǒ ɛ̈ moo ɔ nyna bo klě tè wlò popoɛ mǒ, è bɔ gbɛ̀ɛ le ɔɔ̌ se wɔ̀ɔn be.

1 Kwnɛtiɛ̌ 8:9

Ba gbɛ̀ɛ le keǒ aa dbǐ mǒ wonwan mɔ̀ keǒ ba di dɛ wùɛ plě aǎ se Tentǎn Jǔu wǎnʼà ü kɔn tè wlò popoɛ see kpě kɛn ne nu uǔ seě kpni kukwǐ slè be.

2 Kwnɛtiɛ̌ 10:5

ä wlɛ̌ de jaě sùsu nyoo chɛtlǐia blǒ mǒ ɛ̈ u nii ǔ wɛ̀nʼɛ Nyesoa dɛɛ de jijiɛ je klee ä ni äa dlǒ le sìnsiɛn wùɛ ɛ̌ tùiǒ Tentǎn Jǔ bo plě

Kalesiɛ̌n 1:14

Klě ämo Jùwɛ nyo slè ämoà moo tùgbɔɔ äa bě tɔ̀ɔ wùɛ nɔ̀ seě kɛn jɛɛ le keǒ Jùwɛ nyoo Nyesoa dɛɛ tè kmakma mɔ̀. Plě sɛjesɛ Ě kmana äa gbeǐpòo blětà noǎa tè.

Kalesiɛ̌n 4:3

Dɛɛ doǒ nɛ̀ ɛ mono keǒ ä mɔ̀, plě ä mǐa kàan tè po nyo tù klě Tentǎn Jǔ mǒ, ä mooa kmɔ̌ kukǔ nyo.

Kalesiɛ̌n 4:9

Klě tǐà wlòmo a ji Nyesoa le plě Ě kɔn bo boɔ lɛ ɛ̈ moo Nyesoa ji ale. È mɛ kɔɔ̌n tè a bitǐǐ kɛ bo a tbɛɛ leě je a miěe kbě ja le wɛ̀ noǎ klee noǎà see dɛ mǒ ne mɔ̀? A jlɛ̌ ba moo kɛ kèiapo de keǒ i mɔ̀le?

Kalesiɛ̌n 5:15

Kɛɛ bɛ̌ nu bǎ ke boboɛɛ le plě bǎ ke mɔ̀ wènwɛɛ ne, è ba tùě jǐ bo, nɛ̀ bɛ̌ se nu a miǒ wòwɔɔba.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Ifisiɛ̌n 4:20

Ɛ se dɛ Tentǎn Jǔ teea amoo ba nuu.

Ifisiɛ̌n 5:6

Aǎ sonwɛǒ nyu wùɛ mɔ̀ mǒ ɔɔ̌ ni bobo chɛtlǐia ɔɔ̌ gbee a mǒ. Noǎ kukwǐǒ kɔn tè Ě boɛ amoo je nì ni ɛ Nyesoaa jlo neǒ nyopòà kɛn üǔ tùǒ Ɔɔ bo.

Flepiɛ̌n 3:2

Ba tù gbùoǒ jǐ mɔ̀ ü moo dɛ kukǔ nyoǒ ü tɛ̀n ɛ mǒo bü bɛ̌ luu chɛ̀ foeě u mǐi wa.

Klasɔ̌n 2:18

Ii tè aǎ sonwɛǒ nyu wùɛ mɔ̀ mǒ ɔɔ̌ tùiǒ ngmè ble keǒ a jleě mǒ ï miǒ amoo Tentǎn Jǔ jleě mǒ sàba aǎ di Ɔɔ wɛ̀ sà. Nyopò taeǒ u blě dlǒ le sìɛnsiɛn kukǔ nɛ̀ ni ɛ ǔ jě ɛ ɛ̈ moo uu tè kun nu ǔ ni dɛ keà u tìeǒ uu chɛ̀ ja ǔ sɛ̀ najiǒpòo wɛ̀ plě ǔ tmɛɛ̌ amo slèe u jěe ɛɛ tè klee ǔ jɛɛ̌ǒ uu chɛ̀ le keǒ dɛà mɔ̀ ɛ̈ see dɛ mǒ ne.

Klasɔ̌n 2:20

Bɛ̌ nu sɛjesɛ a klee Tentǎn Jǔ bǎ koǒaǒ tàa do ii tè bǎ tmɔɔa kmɔ̌ɔ kpni kukwǐ noǎa mɔ̀, è mɛ kɔɔ̌n tè a neěe jè kɛ kmɔ̌ wòje keà a tùiǒo kmɔ̌ɔ ngmè ble?

Klasɔ̌n 2:22

Imo ngmè wùɛǒ i kwɛǒ jleě mǒ bo noǎà ïǐ wlɛ̀ɛ lee. Kě kmɔ̌ ne tùonyopoo ngmè klee teteǎ ka ne je.

Klasɔ̌n 2:23

Imo ngmèǒ i kpɛɛ a kbě ba sà Nyesoaa wɛ̀ klě tǔn tɛ̀ɛ wlòmo klee keǒ ba tìeǒ aa chɛ̀ ja plě ba pae aa chɛ̀ɛ fǒ dɛ wan le, ii tè kàan tè i wǒ noǎ nee tɔ̀n wlòmo, kɛɛ sɛjesɛ i se dɛ mǒ ne keǒ bi kɔn tùonyugbee kpni kukwǐ wlòo jlajlǎ dɛ win kwa.

1 Timɛtě 6:20

Timɛtě, tù tuposàǒ Nyesoa poě mòo kwete mǒ jǐ mɔ̀. Tmɔɔ plɔ kokoɛ̌ɛ kpni kukwǐ dɛ boɔboɔ mɔ̀ klee chɛtlǐia ɛ̈ moo kenkan dɛ nyopò dɛɛ lee tɔ̀n konkɔn.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

Hiblǔ 13:9

Tèǒ nì kɔn tè aǎ sonwɛǒ nyu tɔ̀ɔ mɔ̀ mǒ ɔɔ̌ gbee a mǒ keǒ dɔ̌ɔdɔ̌ noǎa teea mɔ̀. Ɛ nu tɛɛ keǒ Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ bɛ po äa wlè kbě ja le, ɛ̈ see teteǎ ï kwɛɛǒo digbaǐi tè jleě mǒ bo ïà iǐ nuu kàan dɛ keǒ nyopòà tùǒ ii bo mɔ̀.

Hiblǔ 3:12

Ně Tentǎn Jǔu wǎn ane, a tùǒ jǐ bo aa nyuu kpni kukwǐi se kàan tè popoɛ kɔn wlò ɛɛ̌ se ɔɔ wlògbae je jǐ ɔɔ̌ se kmɔ̌ ne Nyesoa kɛn tbɛ.

1 Pitɛ̌ 1:18

Mɛ kɔɔ̌n tèǒ joo nɛ̀ moo a ji dɛ Ɔ sàa le keǒ Bɔ sà amoo dbǐ mǒ klě kmɔ̌ kukǔà slè ɛ̈ see dɛ mǒ ne ɛ̈ aa gbeǐpò teea amoo. Ɔ se dɛà see wlɛ̀ɛa kɔn nu wòje keà sěbla klee klòo ka nee je,

2 Pitɛ̌ 3:17

Ně mǒ noɛɛ nyopò ane, ke ɛ toon jleě mǒ bo ǎ jii noǎ wùɛǒ ɛ̌ wɛ̀ɛ mɔ̀le, ii tè ba tùě jǐ bo ɛ̈ di ɛɛ numa nyopòǒ uǔ tùǒo teteǎ ble uu kenkan noǎǒ iǐ diǒ aa nyu snǔ mɔ̀ sà keǒ Nyesoa jleě mǒ aǎ diǒ aa tùɔnʼǒ a neǒo kɛn kplɛɛ le ɛ̈ nee kpokpo.

2 Jɔ̀ɔ̌n 1:8

Ba gbɛ̀ɛ aa chɛ̀ ɛ̈ di ɛɛ numa kmɔ̌ sie fònfnoo snǒ sàe dɛǒ aǎ di ɛ mǎ ɛ̈ kɔn konkwa a nuu ɛ̈ di ɛɛ numa a mǐ ɛɛ wùɛǒ jě.