Klasɔ̌n 2:7 - Nyesoaa Kuo Win Jajle

⁷ A po mǎ klě Tentǎn Jǔ mǒ, è aa kmɔ̌ neneɛ bɛ tee Ɔ kɛn plě aa tè wlò popoɛɛ kbě kɛn neneɛ bɛ bebee kɛne chɔɔ wòje keǒ Ɛpaflɔ̀ nu ɛ amoo teea. Nyesoaa tàto pepeɛ bɛ taanʼǒ a wien keǒ noǎ Ɔ nuu keǒ a mɔ̀.

Klasɔ̌n 2:7 ပူးပေါင်းရင်းမြစ်များ

Lǔkù 6:48

Ɔ wǒ je nyuà bɔ̈ ke ɔɔ koǔ pe ɔ̈ klèe bǐtìe ɛ̌ tmɛ mǒo plě ɔ̈ peeǒo ɔɔ kǎngmà seɔ̌ kɛn, è bɛ̌ wɛ̀ mɔ̀ bo jijǐ neǎ bǐ diě bǐ tǔn ɛmo koǔǒ, ɛ slě wɔ̀ bɛ wǒ tùɔn mǒ. Mɛ̌oǒ joo nɛ̀ moo ɔ po ɛle tɛɛ.

Wlǔmɔ 16:25

A nɛ bä po Nyesoaa nynɛ̌ le Ɔ̈ nye amoo kbě ǎ nee kmɔ̌ wòje keǒ kàan tuposà klee tuposàà Ě pee keǒ Tentǎn Jǔ Jùsu jleě mǒ nu ɛɛ boɔboɔ. Tentǎn Jǔ mooa Je Wɛ̌ Dɛ klě jlě fòfoa wlòmo plě Nyesoa po Ɔ pepě mǒ.

1 Kwnɛtiɛ̌ 1:8

Ɔ mi aa tè wlò popoɛɛ kbě kɛn le pooba ɛ mǐ ɛ kpa kpa ɛ mǐ dlǒ chlɛ̀ ɛ̈ di ɛɛ numa chnɛ̀ jlǒ waěǒ Koɔn Jùsu Tentǎn Jǔ miǎa de jaba tè jɛɛa ɛɛ̌ diǎǒ a jleě mǒ ne.

1 Kwnɛtiɛ̌ 15:58

Ii tè ně kàan bǐì Tentǎn Jǔu wǎn ane, a nyna bo kpankpa, aǎ wě tùɔn mǒ klě aa tè wlò popoɛ mǒ. Tǐ wùɛ mɔ̀ a poě kbě le a nu Nyesoaa konkwa. Ba kɔn ɛ jijiɛ ɛ̈ moo aa konkwa a nii keǒ Koɔn mɔ̀ ɛ se putu.

2 Kwnɛtiɛ̌ 1:21

Nyesoa Nɔ̀ nu a klee ämo ä kɔn tè wlò popoɛɛ do ɛ̈ nu ämoo klee Tentǎn Jǔ ä ngmàa kpankpa plě Ɔ̌ nye ä Ɔɔ konkwaà ämo

Ifisiɛ̌n 3:17

ɛ mǐ ɛ nu Tentǎn Jǔ miě aa wlè jleě ne. Ě bɛ̀te Nyesoa keǒ ba mǐ Ɔ mǒ noɛɛ ne klee tùonyopo tùu

Ifisiɛ̌n 4:21

Sɛje a wɔ̌na Ɔɔ tè le ǔ teea a kàan dɛǒ kwɛɛǒ Ɔɔ jleě mǒ bo. Ii tè Ě tmɛɛ̌ ane klě Jùsuu nynɛ̌ wlòmo,

Ifisiɛ̌n 5:20

Tǐ wùɛ mɔ̀ a pe Nyesoa tàto Ɔ̈ moo Gbeǐ keǒ noǎ wùɛ mɔ̀ klě Koɔn Jùsu Tentǎn Jǔu nynɛ̌ wlòmo.

Klasɔ̌n 1:23

Ke ɛ toon jleě mǒ bo ǎ nynaa bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ klee ǎ se aa wlò je kuuan bo tɛba mu ɛ̈ kɔn tè a wɔ̌naa klě Nyesoaa kàan tuposà mǒ. Ɛmo tuposàa doà ɛ̈ dǔaa pooa mǒ klě nyopò wùɛ mɔ̀ ü neɔɔ kmɔ̌ɔ mɔ̀ nɛ̀ mǒ Pɔ̀ɔ̌ Ě pe ke.

Klasɔ̌n 3:17

È dɛ wùɛ a mii numa klee a mii boɔba, ba nuuě ɛ Koɔn Jùsuu nynɛ̌ wlòmo a mǐ Nyesoa tàto pe Ɔ̈ moo aa Gbeǐ keǒ dɛ Ɔ nuu keǒ a mɔ̀ ɛ̈ Ɔ nuuě Jùsu Tentǎn Jǔ mǒ.

1 Tɛseloniǎ 5:18

Dɛ wùɛ Nyesoa mi amoo nyema ba pe Ɔ tàto. Mɛ̌oǒ joo nɛ̀ moo amoà poo Tentǎn Jǔu tè kàan tè dɛǒ nɛ̀ Nyesoa jlɛ̌ ba nu.

2 Tɛseloniǎ 2:17

Nɛ Bu po a kbě ja le klee Bu nye a kbě a mǐ kàan dɛ nu klee a mǐ kàan dɛ wùɛ boɔ.

Hiblǔ 13:15

Ke ɛ toon jleě mǒ bo Jùsu nu ɛɛ ɛ̌ wɔ̀le ɛɛ, tǐ wùɛ mɔ̀ bä bìse Nyesoa le ɛ̈ wǒo je chɔ̀no piepiɛ. Tǐ wùɛ mɔ̀ bä ke Ɔɔ tè boɛ klě nyopò tùu mɔ̀, ɛ blee Ɔɔ plɔ keà chɔ̀no.

Hiblǔ 13:9

Tèǒ nì kɔn tè aǎ sonwɛǒ nyu tɔ̀ɔ mɔ̀ mǒ ɔɔ̌ gbee a mǒ keǒ dɔ̌ɔdɔ̌ noǎa teea mɔ̀. Ɛ nu tɛɛ keǒ Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ bɛ po äa wlè kbě ja le, ɛ̈ see teteǎ ï kwɛɛǒo digbaǐi tè jleě mǒ bo ïà iǐ nuu kàan dɛ keǒ nyopòà tùǒ ii bo mɔ̀.

1 Pitɛ̌ 5:10

Nyesoa kɔn wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ tǐ wùɛ mɔ̀ plě Ɔ̌ da amo klě Ɔɔ kmɔ̌ sie tè jǐ boaboǎǒ slè ɛ̈ diiě aa tè wlò popoɛ a kɔnʼɔ mǒ klě Tentǎn Jǔ mǒ. Ii tè bɛ̌ nu bǎ jě sònwɛ klě tǐ gbei wlòmo bɛ̌ sìn, Nɔ̀ mi a jemǒ dǔba klee Nɔ̀ mi a kbě ja le poba plě Ɔ miǒ a mɔ̀ mǎma.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:12

Nyopòǒ u wǒ je dɛà paa mnǒ ɛ̈ mǎǒo tà bo klě amo Tentǎn Jǔu wǎnʼa mɔ̀ betee dɛ dila mǒ, uu dɛ kukǔu tònwe ně nu nu, u tùi uu chɛ̀ jǐ mɔ̀ sosǒ. U se dɛ mǒ ne wòje nukpě ï fèflɛ pee kwa le nǔ ně sɔn lěe wlòmo. U wǒ je tià ii tǐ bǐ nyniǒo keǒ bï too iǐ too bui plě ǔ wǒ je tià u sàa wlò ï kǒo kpǎkpǎ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:20

Kɛɛ ně mǒ noɛɛ nyopò ane, ba muu nya ba po aa ngmà je ne tè wlò popoɛǒ kbě ja le. Bo Ngmà Je Ne Sùsu Bɛ nae amo bǎ klě Nyesoa mɔ̀ boɛ.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:24

Baea keǒ Nyesoa mɔ̀ Ɔ̈ wɔ̀le je Bɔ̈ tù amoo jleě mɔ̀ aǎ diěe kpni kukwǐ slè be plě Ɔ̈ wɔ̀le ɛɛ Bɔ̈ jaě amoo klě Ɔɔ chɛ̀ jemǒ kɔɔ̌ dɛ ɛɛ̌ diǒ amoo jleě mǒ ne klee a mǐi chǒn le nu.