Klasɔ̌n 2:4 - Nyesoaa Kuo Win Jajle

⁴ Ě boɛ imo tèà le ɛ̈ di ɛɛ numa nyu wùɛ ɔɔ̌ di a mǒ boo lo klě sen le tmɔ̌ chɛtlǐia mǒ.

Klasɔ̌n 2:4 ပူးပေါင်းရင်းမြစ်များ

Matiɔ̌n 24:24

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Matiɔ̌n 24:4

È Jùsu tùia u kɛ̀ɛn Ɔ je, “A gbɛ̀ɛ le nyu tɔ̀ɔ ɔɔ̌ di a mǒ boo lo.

Mǎkè 13:22

Mɛ̌oǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:30

Nyopò miě a slè mǒ sɔnma u mǐ a sen wan le tmɔɔ̌ no ɛ̈ di ɛɛ numa u mǐ Jùsuu mɔ̀ na nyo nu u mǐ uu tè wlò popoɛ kɛn tbɛ u mǐ u de na.

1 Kwnɛtiɛ̌ 2:4

Klě ně Nyesoaa win boɔboɔ klee ii teea wlòmo, ně boɔa li klě de jijiɛ wlòmo klee klě chɛtlǐia wlòmo, kɛɛ ɛ mooa Ngmà Je Ne Sùsu kpě nì teea a kàan dɛǒ.

2 Kwnɛtiɛ̌ 11:3

Ě pe fano keǒ a mɔ̀ ɛ̈ moo wòje keǒ smɛ ɔ̈ kɔnaa kplakplǒ ɔ nuaa ɔ̌ booaa Ǐfi mǒ, kě u mi a numa klě wakǎ tɛ̀ɛ wlòmo u mi a mǒ booba aǎ dii kɛ̀ tè wlò popoɛ kɔn kpǎkpǎ keǒ Tentǎn Jǔ mɔ̀.

Kalesiɛ̌n 2:4

Kàan tè nyopòà ü ni nuu chɛ̀ Tentǎn Jǔu wǎn mǒ u jlɛ̌ bɔ bɛ̌a foeě. U chencheana ǔ dia wònwɛɛ mǒ u mǐa ɛ jě bä keaǒ Jùwɛ nyoo teteǎ ble tùi ï äa tè wlò popoɛ ä kɔnʼɔ klě Tentǎn Jǔ mǒ gblàlaě ämoo bobo. U jlɛ̌ bu nua ä kèiapo mǒ keǒ teteǎǒ mɔ̀,

Ifisiɛ̌n 4:14

Ii tè äa ka bɛɛ̌ wě je jlǔ klɔkwlěe kɛ̀ üà nyopò mǒ boo nyo booa mǒ ü nii nyopò tùu kplakplǒ kmɔ̌ jele plě ü pe ɛ ble bü po uu kenkan snǔ wan.

Ifisiɛ̌n 4:17

Tèǒ nì kɔn tè klě Koɔnʼɔ nynɛ̌ wlòmo Ě tbɛ a saěn, ba bɔ̌ kmɔ̌ neneɛ wòje kuodakwɛ̌ ü nee kmɔ̌ keǒ uu dɛ kukǔ dlǒ le sìɛnsiɛn ɛ̈ see dɛ mǒ ne ni ɛɛ jejeɛ̌.

Ifisiɛ̌n 5:6

Aǎ sonwɛǒ nyu wùɛ mɔ̀ mǒ ɔɔ̌ ni bobo chɛtlǐia ɔɔ̌ gbee a mǒ. Noǎ kukwǐǒ kɔn tè Ě boɛ amoo je nì ni ɛ Nyesoaa jlo neǒ nyopòà kɛn üǔ tùǒ Ɔɔ bo.

Klasɔ̌n 2:18

Ii tè aǎ sonwɛǒ nyu wùɛ mɔ̀ mǒ ɔɔ̌ tùiǒ ngmè ble keǒ a jleě mǒ ï miǒ amoo Tentǎn Jǔ jleě mǒ sàba aǎ di Ɔɔ wɛ̀ sà. Nyopò taeǒ u blě dlǒ le sìɛnsiɛn kukǔ nɛ̀ ni ɛ ǔ jě ɛ ɛ̈ moo uu tè kun nu ǔ ni dɛ keà u tìeǒ uu chɛ̀ ja ǔ sɛ̀ najiǒpòo wɛ̀ plě ǔ tmɛɛ̌ amo slèe u jěe ɛɛ tè klee ǔ jɛɛ̌ǒ uu chɛ̀ le keǒ dɛà mɔ̀ ɛ̈ see dɛ mǒ ne.

Klasɔ̌n 2:8

A gbɛ̀ɛ le nyu wùɛ ɔɔ̌ di tùonyugbee tɔ̀n nu ɔɔ̌ di a mǒ boo lo klee kplakplǒà see dɛ wlòmo ne ɛ̈ sonwɛ lěe tùonyopoo blětà noǎ wlòmo klee sìsi ï neɔɔ kmɔ̌ɔ mɔ̀, kɛɛ ï slěe Tèntǎn Jǔ mɔ̀ mǒ sɔn.

2 Timɛtě 2:16

Tmɔɔ plɔ kokoɛ̌ɛ kpni kukwǐ noǎa boɔboɔ mɔ̀. Dɛɛ do i nii nɛ̀ moo i ni nyu ɔ̌ ni dɛ kukǔ ɛ̌ bebee kɛn le.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

1 Jɔ̀ɔ̌n 2:18

Ně jlǔ ale, demǒ bɔɔ̌ tǐ nìà ä neě wlòmo. A wɛ̌na i ni ɛ̈ moo Tentǎn Jǔu jlae nyu diě le, uu fòfoa ne kɛn tùɔn ɛ̌ wɛ̀ mɔ̀le. Dɛǒ nɛ̀ kɔn mǒ ä jiiě ɛ ɛ̈ moo demǒ bɔɔ̌ tǐ nìà ä neě wlòmo.

1 Jɔ̀ɔ̌n 2:26

Ě chlě imo tèà le keǒ bo wa a wlò je ɛ̈ kwɛɛǒo nyopòà tɛ̀n ɛɛ mǒ bü boo aa mǒ uu tè jleě mǒ bo.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

2 Jɔ̀ɔ̌n 1:7

Nyopò fòfoa neɔ kmɔ̌ɔ mɔ̀ u gbee lee nyopò tùu mǒ. U tmɛɛ̌ u ɛ̈ moo Jùsu slě tùonyugbe tǔn wlòmo dii li. Nyu taeǒ kɔn ka ne bòo je ɔ moo nyopò mǒ boo nyu plě ɔ̌ moo Tentǎn Jǔu jlae nyu.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.

Wlɛ̀velesɔ̌n 13:8

Nyopò wùɛ neɔɔ blǒɔ mɔ̀ nù mi ɔɔ wɛ̀ sàba ü sɔɔnʼaě kmɔ̌à ɛɛ wlò tùla mǒ ü kɔn nyneǎ seaa chleě le klě Blajǔà kǒaa Ɔɔ fònfno chněedɛ̌ wlòmo.

Wlɛ̀velesɔ̌n 20:3

Ɔ tuǔnʼaě kǔǒ klě bǐtìe fòɛǒ wan ɔ̌ poa ɛ kɔ̀ɔbuǒ je plě ɔ̌ mǎnaǒ slii bo ɛ̈ di ɛɛ numa ɔɔ̌ diaa kɛ̀ dakwɛ̌ mǒ boo lo de ɛ mǐa ɛ kpa kpa jlěe taslěwaeǒ ɛ mǐa dlǒ chlɛ̀. Jlěǒ bǐ sìnʼǎ, ɔ kɔn bɔ jleeǎ bo klě tǐ gbei wlòmo.

Wlɛ̀velesɔ̌n 20:8

ɔ mǐ mu ɔ mǐ dakwɛ̌ mǒ boo lo klě kmɔ̌ wùɛà mɔ̀, jà deě fòee sɔ̌nʼǒ moo Kɔɔ̀ klee Makɔɔ̀. Ɔ mi u le bòba keǒ to kɛn mumuɛ mɔ̀, u mi fòba, u slě slèslɛ wɔ̀ba mu wòje jbǒo mǐsiɔ̌ ɛ̈ neǒo jbǒ wien.