Klasɔ̌n 2:2 - Nyesoaa Kuo Win Jajle

² ɛ̈ di ɛɛ numa u mǐ kbě ja le be klee mǒ nonoɛɛa miǒ u tàa do po, è u mi wlò je kunkuɛn jakǎ blěba ɛ̈ sonwɛ lěe Nyesoaa Je Wɛ̌ Dɛɛ tèe le jbojbɛ mɔ̀ mǒ Ɛ̈ monoo Tentǎn Jǔ.

Klasɔ̌n 2:2 ပူးပေါင်းရင်းမြစ်များ

Matiɔ̌n 11:25

È kě Jùsu dɛ̌a Ɔɔ Gbeǐ je Ɔ je, “Ně Gbeǐ Ɔ̈ kɔnʼɔ jɔkɛn klee kmɔ̌ win kwa, Ě peè tàto keǒ noǎǒ Bò di li kmɔ̌ɔ tɔ̀n kɔn nyo klee de ji nyo jǐ kɛn wɛ̌ɛ le plě Bò dì li pepě mǒ po keǒ nyopòà see de ji mɔ̀.

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Matiɔ̌n 13:11

È Ɔ tùa u kɛ̀ɛn Ɔ je, “Nyesoa nu ɛ ɛ̌ wɔ̀le ɛ keǒ ba jbo Ɔɔ win kwa konkɔnʼà ɛɛ tè le ɛ̈ wɛ̌ pnɔɔ je, kɛɛ keǒ umoǒ mɔ̀ Ɔ se ɛ pepě mǒ po.

Lǔkù 1:1

Ně nenawai Tiɔfèlɔ, nyopò fòfoa nù tɛ̀n ɛ mǒ keǒ bü chlě noǎ wùɛà kpaa tùɔn kělɔ ä slè.

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 10:38

kɛɛ bɛ̌ nu Bo ke i ni plě bǎ se Ně tè kàan tè poo chɛ̀, è a blɛɛ je ba po wlòlekaen noǎà Ě nii ii tè kàan tè ɛ̈ di ɛɛ numa a mǐ ɛ ji kàan tè ɛ̈ moo Ně Gbeǐ Nɔ̀ neěě Mǒ plě Ě neeě Ɔ mǒ.”

Jɔ̀ɔ̌n 16:15

Noǎ wùɛ Ně Gbeǐ kɔnʼɔ Mǒ kɔn ni, dɛǒ nɛ̀ kɔn tè Ě dɛ̌ bò ɛ̈ moo noǎ wùɛ Ɛ mii wɔ̌nma klěě mɔ̀ nì Ɛ mi a je tùba.”

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 5:17

Kɛɛ Jùsu tùa u kɛɛn Ɔ je, “Ně Gbeǐ Nyesoa ni konkwa tǐ wùɛ mɔ̀, ii tè dɛɛ doǒ nɛ̀ Ě ni ke.”

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:32

Tentǎn Jǔ Jùsuu kàan tè po nyo wùɛ uu wlè klee dlǒ le sìɛnsiɛn nua dɛɛ do. Nyuu do ɔɔ̌ klɛ̀a ɔɔ chɛ̀ɛ konkɔn noǎ je, kɛɛ uu wùɛ u sèsɛɛa konkɔn noǎǒ kwete měne.

Wlǔmɔ 15:13

Nɛ bo Nyesoaǒ nye mòo wlò je kunkuɛn Bɔ nyeè chǒn fòfoa klee ně bo wnawna klě nè tè wlò popoɛ mǒ ɛ̈ di ɛɛ numa Ngmà Je Ne Sùsuu kpě mǐ nè wlò je kunkuɛnʼǒ nu ɛ mǐ kun.

Wlǔmɔ 16:25

A nɛ bä po Nyesoaa nynɛ̌ le Ɔ̈ nye amoo kbě ǎ nee kmɔ̌ wòje keǒ kàan tuposà klee tuposàà Ě pee keǒ Tentǎn Jǔ Jùsu jleě mǒ nu ɛɛ boɔboɔ. Tentǎn Jǔ mooa Je Wɛ̌ Dɛ klě jlě fòfoa wlòmo plě Nyesoa po Ɔ pepě mǒ.

Wlǔmɔ 2:4

Deě Nyesoa Nɔ̀ kɔn tè jè sɛ̀ɛ kɛǒ lee Ɔ̈à nuu kàan keǒò mɔ̀ plě Ɔ̈ kɔnʼɔ wlò dbadbǎ pɛ̀tu keǒò mɔ̀? Sè kɛ i je ɛ̈ moo Nyesoa moo kàan keǒò mɔ̀ ɛ̈ di ɛɛ numa Ɔ mǐì nu nè wlò mǐ bo bitǐ le?

1 Kwnɛtiɛ̌ 14:31

Aa wùɛ bǎ ke Nyesoaa win wan sɛ̀, ba nu ɛɛ do do ɛ̈ di ɛɛ numa nyopò wùɛǒ neǒo u mǐ dɛ chěn u mǐ kbě ja le be.

1 Kwnɛtiɛ̌ 2:12

Nyesoa se ä sùsu nye ɛ̈ kɔn nɔɔ kmɔ̌ɔ wlòmo, kɛɛ Ɔ nye ä Sùsuà Ɛ̈ sɔnʼě Ɔɔ chɛ̀ mɔ̀ mǒ. Dɛǒ nɛ̀ nu ɛ ä ji Sùsuu kàan nyee noǎ ï neɔ ämoo slè ï Nyesoa nye ämoo.

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Ifisiɛ̌n 1:7

Bɛ̌ nu bä kɔn tè wlò popoɛ klě Tentǎn Jǔ mǒ, è ä wan mǒ dbǐ klě plɔɔ tu kɛn bo maěa bobo plě Nyesoa poo äa kpni kukwǐi tè wlò le keǒ Tentǎn Jǔ Bɔ koǒǒ äa tà. Dɛǒ nɛ̀ moo Nyesoaa wlòlekaen wlòo jlajlǎ dɛ ɛ̈ɛ̌ sà Lɔɔ wlò kǔ mǒ

Ifisiɛ̌n 3:16

Ě gbɛ̀ Ɔ wan keǒ Ɔɔ Sùsu Bɛ nye a kpě ï sonwɛ lěe Ɔɔ kpě fòe mǒ ɛ̈ di ɛɛ numa aa tè wlò popoɛ mǐ kbě mǒ ne

Ifisiɛ̌n 3:3

Nyesoa po Ɔɔ je wɛ̌ dɛǒ mǒ pepě keǒǒ mɔ̀ ɛ̈ kɔn tè Ě chɛɛn nee kɔno dlǒ sosǒ Ě tmɔɔ̌ amoo.

Ifisiɛ̌n 6:22

Dɛǒ nɛ̀ kɔn tè Ě dbe ɔ klě a mɔ̀ ɛ̈ di ɛɛ numa a mǐɔ ä mɔ̀le wɔ̌n ke ä nuɔ neneɛ plě ɔ mǐ a kbě ja le po.

Flepiɛ̌n 2:1

Tèǒ nì kɔn tè bɛ̌ nu keǒ a klee Tentǎn Jǔ ba moo dɛɛ do bɛ̌ po a kbě ja le klee Ɔɔ mǒ noɛnoɛ bɛ̌ nye a wlò wlòmo ble tùtuɛ plě a klee Ngmà Je Sùsu bǎ keǒ tàa do be plě bo Nyesoa Bɔ̌ nu kàan keǒ a mɔ̀ klee Bɔ̌ jboa a wɔle je,

Flepiɛ̌n 3:8

Bɛ̌ nu bo po imo noǎǒ kàan dɛǒ neǒo nyu bɔ ji Tentǎn Jǔ Jùsu wlòmo je Ɔ̈ moo ně Koɔn, ii wùɛ Ě jě li ɛ̈ moo i se dɛ mǒ ne. Keǒ Ɔɔ tè mɔ̀ Ě sàǒ noǎ wùɛ mɔ̀ jleě plě Ě jě li ɛ̈ moo i moo wɔ̀te ɛ̈ di ɛɛ numa Ě mǐ Tentǎn Jǔ kɔn

Klasɔ̌n 1:26

Klě tǐǒ sìnʼaa wlòmo imo winʼǒ Ɔ wɛ̌a pnɔ ini keà je wɛ̌ dɛ keǒ nyopò wùɛ mɔ̀, kɛɛ klě tǐà wlòmo Ɔ po i mǒ pepě keǒ Ɔɔ nyopò mɔ̀.

Klasɔ̌n 1:27

Ɔ jlɛ̌ Bɔ poa wlòlekaen je wɛ̌ dɛ fòɛǒ pepě mǒ keǒ Ɔɔ nyopò mɔ̀ ɛ̈ Ɔ kɔnʼɔ ɛ̈ neǒo keǒ dakɔ̌ wùɛ mɔ̀. Ɛmo je wɛ̌ dɛǒ nɛ̀ moo Tentǎn Jǔ neě a mǒ, dɛǒ nɛ̀ nye a wlò je kunkuɛn ɛ̈ moo a miǎ tè jǐ boaboǎ kɔnma.

Klasɔ̌n 1:9

Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

Klasɔ̌n 2:19

U se Tentǎn Jǔ kwa blě keǒ Bɔ moo uu Dlǒ, kɛɛ Tentǎn Jǔ Nɔ̀ poǒ Ɔɔ wǎnʼǒ tàa do ǔ kenkmeeǒ mɔ̀ ble wòje tɛni klee kběe ngmàea ï blěǒo fǒ mɔ̀ kwa tàa do ɛ̈ di ɛɛ numa keǒ Nyesoa jlɛ̌ bu nuu u mǐ bò nu u mǐ kun klě uu tè wlò popoɛ mǒ.

Klasɔ̌n 3:14

Mǒ noɛnoɛ nɛ̀ bɛ pɛnʼǒ dɛ wùɛ dlǒ mǒ bo. Mǒ noɛnoɛ nɛ̀ ni nyopò wùɛ ǔ kenkmeeǒ mɔ̀ ble kpǎkpǎ.

Klasɔ̌n 4:3

A bàteǒ äa tà ke ɛ̈ di ɛɛ numa Nyesoa mǐ ä fɔ̌ nye keǒ bä boɔ Ɔɔ win klee ä mǐ nyopò tùu tmɔɔ̌ no keǒ je wɛ̌ dɛà ɛɛ tè mɔ̀ ɛ̈ kwɛɛǒo Tentǎn Jǔ jleě mǒ bo ɛ̈ kɔn tè u po mǒo wùlo.

Klasɔ̌n 4:8

Dɛǒ nɛ̀ kɔn tè Ě dbe ɔ klě a mɔ̀ ɛ̈ di ɛɛ numa a mǐɔ ä mɔ̀le wɔ̌n plě ɔ mǐ a kbě ja le po.

1 Tɛseloniǎ 1:5

Mɛ kɔɔ̌n tèǒ joo nɛ̀ moo tà ä jalaě ɛmoo tuposàà ɛ̈ kwɛɛǒo Jùsu jleě mǒ bo klě a mɔ̀, ä seaě win sosǒ ja, ä jalaě Nyesoaa kpě ï monoo Ngmà Je Ne Sùsu plě ä sɛ̀nʼa ɛ nynɛ̌. Tèǒ nì kɔn tè a ji ɛle ɛ̈ moo tà ä neaě amoo mɔ̀, ä nia konkwa keǒ aa kàan dɛɛ tè mɔ̀.

1 Tɛseloniǎ 3:2

è Timɛtě nɔ̀ ä dboa klě a mɔ̀ ɔ̈ moo äa mɔ̀nai klee äa bě konkwa nuɔ keǒ Nyesoa mɔ̀ ɔ̈ pee kàan tuposà ɛ̈ kwɛɛǒo Tentǎn Jǔ jleě mǒ bo. Ä dboa ɔ lo ɔ mǐa a kbě ja le po klee ɔ mǐa aa tè wlò popoɛ nu ɛ mǐa kbě kɛn ne

1 Tɛseloniǎ 5:14

Ně bǐì Tentǎn Jǔu wǎn ane, ä bɛ̀te ale, a wa nyopòǒ fnàa wlò je ɛ̈ moo ɛ se kɔn bɛ ne bò je, è nyopòà ü slɔ̀ɔ loo je a po u kbě ja le plě nyopòà see kbě mǒ ne a sɛ̀ɛ u mǒ, è a kɔn wlò dbadbǎ keǒ nyu wùɛ mɔ̀.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Hiblǔ 10:22

a nɛ bä sɛ̀n ɛ nynɛ̌ bä konwaě Nyesoa le keǒ äa wlò wùɛ mɔ̀ bä kɔn wlò je kunkuɛn ɛ̈ moo Ɔ mi ä jebo kmema. Mɛ kɔɔ̌n tèǒ joo nɛ̀ moo äa tè le jbojbɛ Jùsuu nymɔ gblàe ɛ kɛne ɛ̈ snǎě ämoo mɔ̀le ɛ̈ sàě ämoo kpni kukwǐi tè jɛɛa bobo klee äa fǒ jlae le klě něà mɔ̀ ɛ̈ snǎ lěe mɔ̀le.

Hiblǔ 6:11

Ä jlɛ̌ aa do do ba muu nya ba kpaa kàan konkwaà nya ɛ mǐ ɛ kpa kpa ɛ mǐ dlǒ chlɛ̀ ɛ̈ di ɛɛ numa kmɔ̌ sie fònfnoà kɔn tè a kɔnʼɔ wlò je kunkuɛn a mǐ ɛ jě.

2 Pitɛ̌ 1:10

Tèǒ nì kɔn tè ně bǐì Tentǎn Jǔu wǎn ane, a tɛ̀n ɛ mǒ keǒ ba nu Nyesoaa dedaà Ɔ da amoo klee Ɔɔ chɛ̀ Bɔ tba amo bɛ ne kmɔ̌ ke ɛ mii jleě mǒ bo tonma. Bɛ̌ nu bǎ nu ɛmo dɛǒ, a seǎǒ aa tè wlò popoɛ jleě mǒ kplɛɛ le kpe.

2 Pitɛ̌ 1:3

Nyesoaa Ngmà Je Ne kpě nye ä dɛ wùɛ ä sòɛɛ keǒ bä nee Nyesoa dɛ kmɔ̌ klee dɛ wùɛ ä sòɛɛ ä mǐ Ɔmo Nyesoaa chɛ̀ ji Ɔ̈ da ämoo ä miǒ Ɔɔ tè jǐ boaboǎ klee Ɔɔ kàan kmɔ̌ wakǎ jleě mǒ kɔn.

2 Pitɛ̌ 3:18

Kɛɛ a muu nya, a kun klě äa Koɔn Jùsu Tentǎn Jǔu wlòo jlajlǎ dɛ mǒ ɛ̈ɛ̌ sà Ɔɔ wlò kǔ mǒ keǒ a mɔ̀ klee klě Ɔɔ de jijiɛ mǒ. Nɛ Bɔ kɔn de bìsea klě tǐà wlòmo plě ke kmɔ̌ mii jleě mǒ bo tonma, kě bɛ ne.

1 Jɔ̀ɔ̌n 3:19

Bɛ̌ nu bä nu ɛmo dɛǒ, è ä ji ɛle ɛ̈ moo ä kɔnʼě Nyesoaa kàan dɛ mɔ̀, è ä wɔ̀le je bä kɔn wlò je kunkuɛn keǒ Ɔ jemǒ.

1 Jɔ̀ɔ̌n 5:7

Ɛ kɔn sàsepo tan,