Klasɔ̌n 1:9 - Nyesoaa Kuo Win Jajle

⁹ Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

Klasɔ̌n 1:9 ပူးပေါင်းရင်းမြစ်များ

Jɔ̀ɔ̌n 7:17

Nyu wùɛ ɔ̈ jlɛ̌ bɔ̈ nu Ɔɔ kɛn wɔɔn dɛ, ɔ ji ɛle ɛ̈ moo dɛà Ě tee lee ɛ sonwɛě mǒ Nyesoa mɔ̀, ɛ seɔ Ně chɛ̀ mɔ̀ mǒ sɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:5

Ii tè kě u nuaě Pitɛ̌ wùlo bo tùtuɛ, è Tentǎn Jǔu wǎn mǎnaě sèn bo ǔ bɛ̀tea Nyesoa keǒ ɔɔ tè mɔ̀.

Wlǔmɔ 12:2

Aǎ ne kmɔ̌ kukǔà nyopò tùu nee, kɛɛ aa dlǒ le sìɛnsiɛn bɛ bitǐ bo plě aa de nu kmɔ̌ bɛ bitǐ bo ɛ̈ di ɛɛ numa a mǐ dɛǒ monoo Nyesoaa kɛn wɔɔn dɛ ji klee dɛ monoo kàan klee dɛ ɛ̈ blee Ɔɔ plɔ plě ɛ̈ snǎ lěe mɔ̀le kpǎkpǎ.

1 Kwnɛtiɛ̌ 1:5

Ě pe Ɔ tàto keǒ aa tè wlò popoɛ a kɔnʼɔ klě Ɔ mǒ bɛ di a nu ba di kun klě dɛ wùɛ mǒ, jà dɛ wùɛ a boɛɛ klee dɛ wùɛ a jii.

Ifisiɛ̌n 1:8

ɛ̈ Ɔ kɔnʼɔ keǒ ä mɔ̀ ɛ̈ sisii lii ble. Nyesoa kɔn tɔ̀n plě Ɔɔ dlǒ tɛn le

Ifisiɛ̌n 5:10

A tɛ̀n ɛ mǒ a pɔ̀n dɛǒ blee lee Koɔnʼɔ plɔ le.

Ifisiɛ̌n 5:17

Tèǒ nì kɔn tè aǎ blě kokǒ plɔ, kɛɛ ba pɔ̀n dɛǒ monoo Koɔnʼɔ kɛn wɔɔn dɛ le keǒ a mɔ̀.

Ifisiɛ̌n 6:6

Tà u tùi amoo jǐ mɔ̀ sosǒ tè aǎ tùiǒ u bo keǒ ba bloo uu plɔ, kɛɛ a nu Nyesoaa kɛn wɔɔn dɛ keǒ aa wlò wùɛ mɔ̀ wòje Tentǎn Jǔu nyebajle klee nynejlu.

Flepiɛ̌n 1:4

È tǐ wùɛ mɔ̀ bo keǒ aa tà bɛ̀tee le, ɛ jɛ lěě chǒn wlò jleě.

Klasɔ̌n 1:6

dia lɔ amoo mɔ̀ ɛ gbɛ̀tɛɛ kmɔ̌ wùɛà kɛn le ɛ̌ ni dɛɛ doǒ ɛ nuaa kělɔ a slè sɔɔnʼě chnɛ̀ jlǒ waěǒ kɔn wlòmo a wɔ̌naa Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ a mɔ̀ ɛɛ tè plě ǎ jboa ɛɛ le dɛ wlòo jlajlǎ dɛǒ sɛje ɛ monoo.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

Klasɔ̌n 4:12

Ɛpaflɔ̀ ɔ̈ moo Tentǎn Jǔu nyebajlo tɔ̀ɔ ɔ̈ sɔnʼě amoo tàkpɔ̌ǒ slè mǒ ɔ gbà a wan le ke. Tǐ wùɛ mɔ̀ ɔ mǎě sèn bo ɔ̌ bɛ̀teeǒ aa tà ɛ̈ di ɛɛ numa a mǐ bo nyna kpankpa a miǒ Nyesoa bo tù keǒ noǎ wùɛ Ɔ jlɛ̌ ba nuu mɔ̀.

Klasɔ̌n 4:5

A kɔn tɔ̀n keǒ aa nunu noǎ mɔ̀ ï a mii nyopòà ü see Tentǎn Jǔu wǎn mǒ numa, è fɔ̌ wùɛ bɛ̈ nyee amo keǒ u klee amo ba neǒ tà bo, a nu fɔ̌ǒ kàan dɛ miě ɛ wlòmo sɔn.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Tɛseloniǎ 5:17

Tǐ wùɛ mɔ̀ ba boɔě Nyesoa mɔ̀.

2 Tɛseloniǎ 1:11

Dɛǒ nɛ̀ kɔn tè tǐ wùɛ mɔ̀ ä bɛ̀te keǒ aa tè mɔ̀, äa Nyesoa mǐ a nu a miǒ je blɛɛ le keǒ Ɔɔ deda mɔ̀, è Ɔ mi a Ɔɔ kbě nyema a mǐ kàan dɛ wùɛ nu ɛ̈ aa tè wlò popoɛ jlɛ̌ ba nuu.

Falimɔ̌ 1:4

Tǐ wùɛ mɔ̀ bo klě Nyesoa mɔ̀ boɛ, nè tè bǐ beěě wlò jleě, Ě pe Ɔ tàto keǒò mɔ̀.

Falimɔ̌ 1:6

Dɛ moo něe bɛ̀tea nɛ̀ moo keǒ bò mì ɛɛ kbě kɛn ne mò nyopò tùu tmɔɔ̌ no ɛ̈ kwɛɛǒ nèe tè wlò popoɛ jleě mǒ bo ɛ̈ di ɛɛ numa mìě ɛ wɔ̀ keǒ bò jbo kàan dɛ wùɛ měne ɛ̈ ä mii numa keǒ Tentǎn Jǔ mɔ̀.

Hiblǔ 10:36

A kɔn ba kɔn wlò dbadbǎ klě tè wlò popoɛ mǒ ɛ̈ di ɛɛ numa a mǐ Nyesoaa kɛn wɔɔn dɛ nu klee a mǐ dɛ wùɛ Ɔ peeě amoo jě.

Hiblǔ 13:21

Nɛ bo Nyesoa Bɔ nye a kàan noǎ wùɛ ɛ̈ di ɛɛ numa a miě ɛ wɔ̀ a mǐ Ɔɔ kɛn wɔɔn dɛ nu plě Bɔ nu dɛǒ blee Ɔɔ plɔ klě ä mǒ ɛ̈ diiě Jùsu Tentǎn Jǔ mǒ. Nɛ Tentǎn Jǔ Bɔ kɔn tè jǐ boaboǎ ke ɛ mii jleě mǒ bo tonma, kě bɛ ne.

Jìmǐse 1:5

È bɛ̌ nu aa nyu wùɛ bɔ̌ se ɛɛ tɔ̀n blě, è bɔ gbà Nyesoa wan, Ɔ mi ɛ ɔ̀ nyema, Ɔ̈à Bɔ jlee son je Bɔ nyee nyu dɛ ɛ̌ sisii ble plě Ɔɔ̌ pnaě nee nyu jǐ měne ɛɛ tè.

Jìmǐse 3:17

Kɛɛ nyopòà kɔn tɔ̀n sɔn lěe Nyesoa mɔ̀ mǒ, u snǎě le mɔ̀ kpǎkpǎ ǔ moo nyopò ü jɛ lěe ně bo wnawna tà plě ǔ kɔn wlèe sɔ̌n keǒ nyopò tùu mɔ̀ ǔ tùiǒ nyopòǒ neǒ uu dlǒ mǒ ǔ kɔn wɔle je jbojbɛ ǔ ni kàan dɛ ǔ mǎ lě sèn bo, è měne chlachlǎ slě u mǒ ne.

1 Pitɛ̌ 2:15

Mɛ̌oǒ joo nɛ̀ moo dɛǒ nɛ̀ moo Nyesoaa kɛn wɔɔn dɛ ɛ̈ moo ba nu kàan dɛ, dɛǒ nɛ̀ bǎ nu, nɛ̀ mi nyopòà kaen wan poba ü kɔn plɛ kǒo ü see dɛɛ tè měne ji.

1 Pitɛ̌ 4:2

Ii tè kmɔ̌ wùɛà ɔ mii kɛ̀ lɔɔ nema, Nyesoaa kɛn wɔɔn dɛ nɛ̀ ɔ nee kmɔ̌, ɛ̈ see tùonyugbee wlòo jlajlǎ dɛ kukǔ.

1 Jɔ̀ɔ̌n 2:17

Kmɔ̌à ɛ klee noǎǒ neě ɛɛ mɔ̀ ï nyopò jlɛ̌ɛ i mi sìnma, kɛɛ nyuà mii Nyesoaa kɛn wɔɔn dɛ numa ɔ mi kmɔ̌ nema ke ɛ mii jleě mǒ bo tonma.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.