Klasɔ̌n 1:4 - Nyesoaa Kuo Win Jajle

⁴ Mɛ̌oǒ joo nɛ̀ moo ä wɔ̌n aa tè wlò popoɛɛ tè le ɛ̈ a kɔnʼɔ klě Tentǎn Jǔ Jùsu mǒ plě klee ke a nu Ɔɔ wǎn wùɛ mǒ noɛnoɛ.

Klasɔ̌n 1:4 ပူးပေါင်းရင်းမြစ်များ

2 Kwnɛtiɛ̌ 7:7

Ɛ se Taetɔ̌ɔ didiɛɛ do ɛɛ̌ bloo äa plɔ, kɛɛ tà ɔ tmɔɔ̌ ämoo ke a nuǒ ɔɔ mɔ̀ momǎ, nɛ̀ bloo äa plɔ ke. Ɔ tmɔɔ̌ ämo ke a ni ɛ le pònpɔn keǒ ba jě mǒo chɔɔ plě ke ně tè a nii wɔle le nunuɛ klee ke a nuě něe tè mɔ̀ konkɔn, ii tè ɛ nu mǒ ně plɔ blo chɔɔ ɛ̌ sìnʼǒ ke ɛ nu pnɔɔ bloblɛ mǒ.

Kalesiɛ̌n 3:26

Aa wùɛ a moo Nyesoaa jlǔ klě tè wlò popoɛ a kɔnʼɔ mǒ klě Tentǎn Jǔ Jùsu mǒ.

Kalesiɛ̌n 3:28

Tèǒ nì kɔn tè mɔ̀le bebɛ̌ seǒ Jùwɛ nyo klee kuodakwɛ̌ slè ne klee keǒ kèiapo klee nyopòà see kèiapo slè ne plě keǒ jbɛju klee nynɔ slè. Aa wùɛ a moo dɛɛ do klě aa tè wlò popoɛ mǒ ɛ̈ a kɔnʼɔ klě Tentǎn Jǔ Jùsu mǒ.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

Ifisiɛ̌n 1:15

Tèà nì kɔn tè kwɛǒ je sɔɔnʼě tǐǒ jleě mǒ tà Ě wɔ̌na aa tè wlò popoɛ a kɔnʼɔ klě Koɔn Jùsu mǒ klee aa mǒ noɛnoɛ a kɔnʼɔ keǒ Nyesoa nyo wùɛ mɔ̀,

Ifisiɛ̌n 6:18

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

Klasɔ̌n 1:9

Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Tɛseloniǎ 3:6

Kɛɛ Timɛtě nɔ̀à kèkeà ɔ̈ tbae je ɔ̈ sɔnʼě a mɔ̀ mǒ, ɔ jaě kàan win ï kwɛɛǒ aa tè wlò popoɛ klee mǒ noɛnoɛ a kɔnʼɔ jleě mǒ bo. Ɔ je a boɛǒ ä kàan tè jleě mǒ plě ǎ jlɛ̌ ba jě ämo wòje keà ä nii.

2 Tɛseloniǎ 1:3

Tǐi pɛpɛ mɔ̀ ä kɔn bä pe Nyesoa tàto keǒ aa tè mɔ̀. Ɛ wɛɛnʼǒ le keǒ bä nu ɛ. Mɛ̌oǒ joo nɛ̀ moo aa tè wlò popoɛ a kɔnʼɔ klě Jùsu mǒ ɛ kwin ni ɛ̌ bebee kɛn le plě aa měne nonoɛɛa bebee kɛn le.

Falimɔ̌ 1:5

Mɛ̌oǒ joo nɛ̀ moo Ě wɛ̌n nè tè wlò popoɛǒ kɔ̀nʼɔ klě Koɔn Jùsu mǒ ɛɛ tè le klee ke nùu Tentǎn Jǔu wǎn wùɛ mǒ noɛɛa.

Hiblǔ 6:10

Nyesoa moo Mǒ Slɛɛ̌ Nyu. Aa konkwa klee mǒ noɛnoɛ a tee lee keǒ Ɔ mɔ̀ Ɔ se ɛɛ tè snùma mu ɛ̈ kɔn amo mɛ̌ǒ Ɔɔ nyopò mɔ̀ klee ü kpɛɛ ɛɛ nya keǒ uu mǒ sɛ̀ɛa mɔ̀.

1 Jɔ̀ɔ̌n 3:14

Ä noɛɛ nyopò tùu mǒ no, ii tè ä ji ɛle ɛ̈ moo ä sɔnʼě kmɔ̌ sie kokoɛ̌ bobo mǒ no ä neě kmɔ̌ sie fònfno slè. Nyu wùɛà see nyopò tùu mǒ noɛɛ ne, ɔ neě jè lě kmɔ̌ sie kokoɛ̌ bobo.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.

1 Jɔ̀ɔ̌n 4:16

Äa chɛ̀ ä ji ɛle plě ä po i kàan tè ɛ̈ moo Nyesoa noɛɛ ä mǒ no. Nyesoa Nɔ̀ moo mǒ noɛnoɛɛ Mǎ, è nyu wùɛà mii mǒ noɛnoɛ kmɔ̌ neema ɔ neeě Nyesoa mǒ plě Nyesoa neeě ɔ mǒ.