Klasɔ̌n 1:3 - Nyesoaa Kuo Win Jajle

³ Bɛ̌ nu bä klě Nyesoa mɔ̀ boɛ Ɔ̈ moo Gbeǐ keǒ äa Koɔn Jùsu Tentǎn Jǔ mɔ̀, tǐ wùɛ mɔ̀ ä pe Ɔ tàto keǒ aa tè mɔ̀.

Klasɔ̌n 1:3 ပူးပေါင်းရင်းမြစ်များ

Wlǔmɔ 15:6

ɛ̈ di ɛɛ numa aa wùɛ aa win mǐ dɛɛ do da a mǐ Nyesoa de bìse Ɔ̈ monoo Gbeǐ keǒ äa Koɔn Jùsu Tentǎn Jǔ mɔ̀.

1 Kwnɛtiɛ̌ 1:4

Ě pe Nyesoa tàto tǐ wùɛ mɔ̀ keǒ aa tè mɔ̀ keǒ Ɔɔ wlòo jlajlǎ dɛ Ɔ nye amoo mɔ̀ klě Tentǎn Jǔ Jùsu mǒ.

2 Kwnɛtiɛ̌ 1:3

Bìsea keǒ Nyesoa mɔ̀ Ɔ̈ moo äa Koɔn Jùsuu Nyesoa klee Gbeǐ. Ɔmo Nyesoaa doǒ Nɔ̀ kɔn wɔle je jbojbɛ keǒ ä mɔ̀ plě Nɔ̀ sɛ̀ɛ ä mǒ tǐ wùɛ mɔ̀.

Ifisiɛ̌n 1:15

Tèà nì kɔn tè kwɛǒ je sɔɔnʼě tǐǒ jleě mǒ tà Ě wɔ̌na aa tè wlò popoɛ a kɔnʼɔ klě Koɔn Jùsu mǒ klee aa mǒ noɛnoɛ a kɔnʼɔ keǒ Nyesoa nyo wùɛ mɔ̀,

Ifisiɛ̌n 6:18

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

Flepiɛ̌n 4:6

Dɛ wùɛɛ tè ně tùi a kèjle, kɛɛ tǐ wùɛ mɔ̀ a sɔnʼǒ Nyesoa mɔ̀ mǒ Bɔ ji dɛ tae a jlɛ̌ɛ klě aa bàtea wlòmo klee noǎ kɔn tè a miǒ Ɔɔ jemǒ bo poba. È bǎ ke bɛ̀te, a pe Ɔ tàto keǒ dɛ Ɔ nii mɔ̀ keǒ a mɔ̀.

Klasɔ̌n 1:13

Nyesoa Nɔ̀ gblà ämo klě kpni kukwǐi kpě bobo Ɔ̌ jaě ämo klě Ɔɔ mǒ noɛɛ Jǔu win kwa konkɔn bobo.

Klasɔ̌n 1:9

Dɛǒ nɛ̀ kɔn tè sɔɔnʼě chnɛ̀ jlǒ waěǒ kɔn wlòmo ä wɔ̌na aa tè, ä dǔaǒ aa tà bàtea mǒ kaǒ. Ä gbɛ̀ɛ ɛ Nyesoa wan Ɔ mǐ a Ɔɔ kɛn wɔɔn dɛɛ de jijiɛ nye klee tɔ̀n wùɛ plě klee Ɔɔ Sùsuu dɛɛ tè měne jbojbɛ

1 Tɛseloniǎ 1:2

Tǐ wùɛ mɔ̀ ä pe Nyesoa tàto keǒ aa tè mɔ̀ plě ä boɛě Nyesoa mɔ̀ aa tè.

2 Timɛtě 1:3

Ě pe Nyesoa tàto Ɔ̈ kɔn konkwa Ě nii klě ně wlò wùɛ mɔ̀ wòje ke ně gbeǐpò niaa. Ě pe Ɔ tàto keǒ nè tè wlò popoɛ kɔ̀nʼɔ ɛɛ tè mɔ̀, tǐ wùɛ mɔ̀ boǒ klě Nyesoa mɔ̀ boɛ, Ě peě nè nynɛ̌ tǒn klee chnɛ̀.