Klasɔ̌n 1:2 - Nyesoaa Kuo Win Jajle

² amo Tentǎn Jǔu wǎn mɔ̀ ü neěedě fòɛǒ moo Kolasà wlòmo ü moo äa bǐì ü mǎ lěe sèn bo keǒ Tentǎn Jǔ mɔ̀. Nɛ bo Nyesoa Ɔ̈ moo äa Gbeǐ Ɔɔ wlòo jlajlǎ dɛǒ ɛ̈ɛ̌ sà Lɔɔ wlò kǔ mǒ klee Ɔɔ ně bo wnawna keǒ a mɔ̀ bi muu nya.

Klasɔ̌n 1:2 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:13

Ɛnenaeǎ tùia Ɔ kɛ̀ɛn ɔ je, “Koɔn, nyopò fòfoa nù tmɔɔ̌ mǒ jbɛjuǒ ɔɔ tè ɛ̈ moo ɔ nu jǐlenymi noǎ keǒ Nè nyopòà neěe Jlǔsnɛ jleě mǒ.

Wlǔmɔ 1:7

Ě chlě chněedɛ̌à keǒ nyu wùɛ mɔ̀ ɔ̈ neěe dě fòɛǒ moo Wlùun wlòmo ɔ̈à Nyesoa noɛɛ mǒ plě Ɔ daa bɔ̈ moo Ɔɔ nyu. Nɛ äa Gbeǐ Nyesoa klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna U kɔnʼɔ keǒ a mɔ̀ bi muu nya.

1 Kwnɛtiɛ̌ 1:2

klě amo Tentǎn Jǔu wǎn mɔ̀ ü neěe dě fòɛǒ moo Kownɛ̀ wlòmo ü Tentǎn Jǔ Jùsu snǎ lěe měne Nyesoaa chɛ̀ tbaa, jà nyopò wùɛà nee tà wùɛ ü dɛɛ äa Koɔn Tentǎn Jǔ Jùsuu nynɛ̌ Ɔ̈ moo u klee ämoo Koɔn.

1 Kwnɛtiɛ̌ 4:17

Dɛǒ nɛ̀ kɔn tè Ě dbe Timɛtě, ně mǒ noɛɛ jǔ ɔ̈ moo wlò je kuun nyu keǒ Koɔn mɔ̀, nɔ̀ miě i a wlòmo poba ke Ě nuu Tentǎn Jǔ Jùsuu konkwa nunuɛ, ɛɛ doǒ nɛ̀ Ě tee nyopò wùɛ klě uu Nyesoa keǐ bo ble le.

Kalesiɛ̌n 1:3

Nɛ äa Gbeǐ Nyesoa klee äa Koɔn Jùsu Tentǎn Jǔ Uu wlòo jlajlǎ dɛ ɛ̈ɛ̌ sà Uu wlò kǔ mǒ klee ně bo wnawna keǒ a mɔ̀ bi muu nya.

Kalesiɛ̌n 3:9

Dɛǒ nɛ̀ nu ɛ nyopò wɛɛnʼǒ Nyesoa jǐ kɛn le klě uu tè wlò popoɛ mǒ u klee Eblɛ̌hɛ̀mo Nyesoa po u ngmna mɔ̀ ü poaa Nyesoa kàan tè.

Ifisiɛ̌n 1:1

Mǒ Pɔ̀ɔ̌à chlě chněedɛ̌à ɔ̈à Nyesoaa chɛ̀ tbaa bɔ̈ monoo tuposà kpa nyu keǒ Tentǎn Jǔ Jùsu mɔ̀, Ě chleě amo Nyesoa wǎn mɔ̀ ü neěe dě fòɛǒ moo Ɛfèse wlòmo ü kɔnʼɔ tè wlò popoɛ klě Tentǎn Jǔ Jùsu mǒ.

Ifisiɛ̌n 6:21

Tekèkɔ ɔ̈ moo äa mǒ noɛɛ mɔ̀nai plě ɔ̈ monoo wlò kpae nyebajlo keǒ Koɔn mɔ̀, nɔ̀ mi a noǎ wùɛ tmɔɔ̌ma ɛ̈ di ɛɛ numa a mǐ ɛ ji ke Ě neɔɔ mɔ̀le plě dɛ Ě nii.

Flepiɛ̌n 1:1

Mǒ Pɔ̀ɔ̌ klee Timɛtěà chlě chněedɛ̌à ü moo Tentǎn Jǔ Jùsuu nyebajle, ä chleě amo Nyesoa nyo wùɛ mɔ̀ ü klee Tentǎn Jǔ Jùsu monoo dɛɛ do ü neěe dě fòɛǒ monoo Flepà wlòmo, jà uu Nyesoaa tè boɔ nyo klee nyopò mǎ uu dbo.

1 Pitɛ̌ 1:2

Nyesoa Nɔ̀ sàlaǒ amo Ɔ̈ moo äa Gbeǐ wòje ke Ɔ nua ɛɛ ble popoɛ, Ɔɔ Ngmà Je Ne Sùsu nua amo ǎ nea ngmà je keǒ ba mǐaǒ Jùsu Tentǎn Jǔ bo tùtuɛ kɔn klee Ɔɔ nymɔ mǐaě a mɔ̀le snǎ. Nɛ bo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya plě Bɔ nye a ně bo wnawna fòɛ.

2 Pitɛ̌ 1:2

Ɛ̈ kɔn amo diěe a mǐi Jùsu ji chɔɔ Ɔ̈ moo äa Koɔn, nɛ Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ klee ně bo wnawna a kɔnʼɔ ï sonwɛě Ɔɔ mɔ̀ mǒ bi bebee kɛne.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:2

Nɛ bo Nyesoa Bɔ poo aa wɔle je jbojbɛ klee ně bo wnawna klee mǒ noɛnoɛ kɛn le ï a kɔnʼɔ klě aa chɛ̀ slè.

Wlɛ̀velesɔ̌n 1:4

Mǒ Jɔ̀ɔ̌nʼà chlě chněedɛ̌à klě Tentǎn Jǔu wǎnʼa tàkpɛ̌ɛ nyiɛtaà mɔ̀ ü neěe Esìa wakǎ kɛn. Wlòo jlajlǎ dɛ ɛ̈ɛ̌ sàa wlò kǔ mǒ klee ně bo wnawna bi neeǒ a mɔ̀ ï sɔn lěe Nyesoa mɔ̀ mǒ Ɔ̈ ɛ tùu klee ɛ tùaa plě Ɔ̈ miěe diba klee ï sɔn lěe sìsii nyiɛtaǒ mɔ̀ mǒ ï nynaǒ Ɔɔ klɔ̀ba gbèsɛɛ jemǒ bo