Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:3 - Nyesoaa Kuo Win Jajle

³ “Ě moo Jùwɛpoi, Ě kɔnʼě dě fòɛǒ moo Tasà wlòmo ɛ̈ neěe Selesìa wakǎ kɛn. Kě Ě kuunʼɔ Jlǔsnɛ plě Ě cheěnʼaě jbɛjuǒ moo Kamilìa bobo ɔ̈ teea mǒo äa gbeǐpòo teteǎ kàan wɛ̀. Ě poaě ně chɛ̀ Nyesoa kwete mǒ keǒ Ɔɔ konkwa nunuɛ mɔ̀ wòje keà aa nyu wùɛɛ ka ne kekɛɛ je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:3 ပူးပေါင်းရင်းမြစ်များ

Lǔkù 10:39

Matǎ kɔna mamǔ nyneju ɔ̈ moo Mɛwlě nɔ̀ neaǒ Koɔn be wɔ̀ɔn bo ɔ̈ pea tèǒ Ɔ boɛaa nɔkǔ jebo.

Lǔkù 2:46

Chnɛ̀ jlǒ wěe tan nì sìnʼa plě ǔ jěa Lɔ klě Nyesoaa kǎ fòɛ bo Ɔ̌ nea lě Nyesoaa teteǎ tee nyo slè bo Ɔ̌ pea u nɔkǔ jebo plě Ɔ̌ gbɛ̀a u wan le.

Lǔkù 8:35

È nyopò nùǒ kpala dǐa plùplɛ klě Jùsu mɔ̀ u mǐa dɛǒ kpalaa tùɔn jě. È tà u nyniaǒo, u jɛɛaǒ jbɛjuǒ kǔ sìsiǒ i sɔnaěe ja mǒ ɔ̌ nea bo keǒ Jùsuu be wakǎ mǒ ɔ̌ poa wlawlě měne ɔɔ dlǒ beaǒ snǔ mɔ̀. È tà u jěaa dɛǒ, u pea Jùsuu fano. Mɛ kɔɔ̌n tèǒ joo nɛ̀ moo u sea dɛǒ kpalaa tùɔn le jbo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:25

È Banàbɔ muaě dě fòɛǒ moo Tasà kɛn ɔ̌ mua Sɔ̀ɔ̌ le pɔ̀nma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:23

U chlěa chněedɛ̌ nɛ̀ u nyea nu, kě ɛɛ win dɛ̌a i je, “Ämoà moo tuposà kpa nyo klee Tentǎn Jǔu wǎnʼa bòlibo plě Tentǎn Jǔu wǎn wùɛ ä dbo wan le gbògba klě amo kuodakwɛ̌ mɔ̀ ü neěe Ɛntìa diě wlòmo klee Siwlìa klee Selesìa wakě kɛn ü monoo Tentǎn Jǔu wǎn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:41

ǔ nɛa Siwlìa klee Selesìa wakě kɛne ǔ pea Tentǎn Jǔu wǎnʼǒ nea lěe kbě ja le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:20

Tà u wɔ̌naa tèǒ, è nùǒ pea Nyesoaa nynɛ̌ le, kě u dɛ̌a Pɔ̀ɔ̌ je u je, “Äa nenawai po nɔkǔ bo, Jùwɛ nyoo taslěwɛ nù po Jùsuu tè kàan tè plě nù poě uu kmɔ̌ neneɛ Nyesoa kwete mǒ keǒ bu tùǒ Ɔɔ teteǎ bo ï Ɔ nyeaa Mɔ̀sě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:39

È Pɔ̀ɔ̌ tùa ɔ kɛ̀ɛn ɔ je, “Òooǒn, Ě moo Jùwɛpoi, Ě sɔnʼě mǒ dě fòɛǒ moo Tasà kɛn ɛ̈ neěe Selesìa wakǎ kɛn, Ě moo blǒ jǔ ɔ̈ kɔn lěe Wlǔmɔ blǒo dě fòɛǒ ɛ̈ kɔn tè kmaa wlòmo. Ě bɛ̀teè le, sɔnʼǒǒ mɔ̀ mǒ boǒ boɔě nyopòà mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:34

Kòngmna nyefòɛǒ ɔ slèa chněedɛ̌ǒ ɔ̌ gbàla Pɔ̀ɔ̌ wan ɔ je, “Blǒ wakǎ tae sɔ̀ɔ̌n kɛ kɛn mǒ?” Tà Pɔ̀ɔ̌ tmɔɔ̌a nɔɔ ɛ̈ moo ɔ sɔna mǒ Selesìa wakǎ kɛn ɛ̈ mooa kòngmna nyefòɛǒ ɔɔ wakǎ ɔ kɔnaa win kwa,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:6

Tà Pɔ̀ɔ̌ jěa lɛɛ ɛ̈ moo nyopòǒ uu tìe mooa Sadesǐi wǎn klee Fɛlesǐi wǎn, è kě ɔ dɛ̌a tè tù nyoǒ je ɔ je, “Ně mɔ̀niapo ale, mǒà Ě pe Fɛlesǐi wǎn plě ně gbeǐ moo Fɛlesǐi wǎnpòi. Tè kɔn tè a tùi mǒo blilǐ mɔ̀ nɛ̀ moo Ě po kokǒ nyoo je měne dǔ tè kàan tè!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:5

U dǔaǎ jijiɛ mǒ seela plě bǔ wɔɔn ɛ kɛn, u wɔ̀le je bu nu ɛɛ sàse dɛ le ɛ̈ moo Ě pe Fɛlesǐi wǎn ɛ̈ mooa Jùwɛ nyoo Nyesoa dɛɛ teteǎ ble tùtuɛ ɛ̈ kɔn teteǎ sìnʼaǒ ɛɛ bǐì tìi mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:9

Ně chɛ̀à ně dlǒ le sìɛnsiɛn jěa lɛ keǒ bo nua dɛ wùɛ Ě wɔ̀laěe nunuɛ keǒ bo wɔ̀na Jùsuu nynɛ̌ je Ɔ̈ kɔn lěe Nǎsòwɛ̌ dǐa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:34

kɛɛ Fɛlesǐi wǎnpòi u dɛɛa Kamilìa ɔ̈ mooa tè tù nyoo nyuu do nɔ̀ nynana bo ɔ̈ tmɔɔ̌a nyopò bu piěaǒ Nyesoaa tuposà kpa nyoǒ plomǒ klě tǐ gbei wlòmo. Kamilìaǒ ɔ mooa teteǎà Nyesoa nyeaa Mɔ̀sě ii tee nyu, è nyopò wùɛ jěa ɔ mǒ nyu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:9

Chnɛ̀ jlǒ waě tɛ̀ɛ mɔ̀ nyopò tùu ü kɔn lěe Jùwɛ nyoo wǎnʼà u dɛɛ Kè Dbǔ Mɔ̀ Bɛ̌ Nyo slè nù sɔnaě deě fòeǒ moo Sawlinì klee Ɛlesandlèa kɛn mǒ plě klee klě Selesìa klee Esìa wakě kɛn nù klee Stimǐ chɛtlǐia.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:1

Klě tǐǒ wlòmo Sɔ̀ɔ̌ pee leěa jèě Koɔnʼɔ mɔ̀ na nyo fano měne plě ɔ̌ dbɛ̌a u. Ɔ muaě Nyesoaa bodiɔ mɔ̀

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:11

È kě Koɔn dǎla ɔ je Ɔ je, “Sɔn mǒ, mu klě Jùdǎsee koǔ bo ɛ̈ neěe snǔ fòɛǒ u dɛɛ Mǒ Slɛɛ̌ Snǔ mɔ̀, bò nyniě, è bò gbà jbɛju tɔ̀ɔ nynɛ̌ wan u dɛɛ Sɔ̀ɔ̌, ɔ kɔnʼě dě fòɛǒ moo Tasà kɛn. Klě tǐà wlòmo ɔ bɛ̀te le

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:30

Tà Tentǎn Jǔu wǎn tùuǒ u jěaa dɛǒ nyopòǒ u peaa ble, u dǔa ɔ mǒ ǔ kpalaě ɔ dě fòɛǒ moo Sesawlià kɛn ǔ poaě ɔ blǎgbè chěnchaě wlòmo keǒ bɛ kpalaě ɔ dě fòɛǒ moo Tasà kɛn.

Wlǔmɔ 11:1

Ii tè boǒ gbà ɛ wanʼò, Nyesoa po kɛě Ɔɔ nyopòà mǒ plǒ le? Sɛjesɛ ɛ se bò nu! Ně chɛ̀à Ě moo Ǐsòwɛ̌ kwɛin, Ě moo Eblɛ̌hɛ̀moo jlǔu jǔ, Ě sɔnʼě mǒ dakɔ̌ǒ moo Bɛ̀chemɛ̌ nyo slè.

2 Kwnɛtiɛ̌ 11:22

Umoà u moo kɛ Hiblǔ nyo le? Dɛɛ doǒ nɛ̀ Ě mono. Deě u moo kɛ Ǐsòwɛ̌ kwɛɛn? Dɛɛ doǒ nɛ̀ Ě mono. Deě u moo kɛ Eblɛ̌hɛ̀moo jlǔu jlǔ? Dɛɛ doǒ nɛ̀ Ě mono.

Kalesiɛ̌n 1:14

Klě ämo Jùwɛ nyo slè ämoà moo tùgbɔɔ äa bě tɔ̀ɔ wùɛ nɔ̀ seě kɛn jɛɛ le keǒ Jùwɛ nyoo Nyesoa dɛɛ tè kmakma mɔ̀. Plě sɛjesɛ Ě kmana äa gbeǐpòo blětà noǎa tè.

Kalesiɛ̌n 1:21

Tà Ě sìnʼa lěe tǐǒ klě Jlǔsnɛ, è mǒǒ dǔa jemǒ ɔ̈ muaě Siwlìa klee Selesìa wakě kɛn.