Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:3 - Nyesoaa Kuo Win Jajle

³ Tà ä nyniaǒo tùɔnʼǒ kɔn kɛn bò neěe è tɛn lěe blǒ tìeǒ u dɛɛ Saeplɔ̀ kɛn le, ä nana batle wakǎǒ kɛn ä miaě Siwlìa wakǎ kɛn klě ä beeaě kpǒ je klě Taè diě kɛn, klě měe pooaǒ gbèe wɔ̀ɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:3 ပူးပေါင်းရင်းမြစ်များ

Matiɔ̌n 11:21

È kě Ɔ dɛ̌a Ɔ je, “Chlǒ keǒ nyopòà mɔ̀ ü neěe Kowlasèn diě wlòmo, chlǒ keǒ nyopòà mɔ̀ ü neěe Bɛsedà diě wlòmo. Mɛ kɔɔ̌n tèǒ joo nɛ̀ moo bɛ̌ nu wlòlekaen noǎà ïà Ě nuɔ amoo slè Boǒ nuu ni klě kpni kukwǐ nyoǒ slè ü neěe deěǒ moo Taè klee Saedɛ̀n wlòmo, u miia uu wlè bo bitǐba u miǐa blɛ̌ wlawlě měne po u miǐa pòpo dlǒ le po seela keǒ bɛ teea lɛ ɛ̈ moo uu wlè bitǐa bo.

Matiɔ̌n 4:24

È Ɔɔ tè gbɛ̀tɛɛa blǒǒ moo Siwlìa kɛne, ii tè nyopò jɛa lě kmakma nyo klee nyopò kweǎa doědoe niaa plě ü kɔnaa chnechně noǎa, jà nyopòà kǔ sìsi nea lěe ja klee klè kwɛ̌ plě bo klɔ̀ɔ kwɛ̌ Ɔ̌ peana uu wùɛǒ.

Lǔkù 10:13

Jùsu kpɛɛa Ɔɔ win nya Ɔ je, “Chlǒ keǒ nyopòà mɔ̀ ü neěe Kowlasèn diě wlòmo, chlǒ keǒ nyopòà mɔ̀ ü neěe Bɛsedà diě wlòmo. Mɛ kɔɔ̌n tèǒ joo nɛ̀ moo bɛ̌ nu wlòlekaen noǎà ïà Ě nuɔ amoo slè Boǒ nuu ni klě kpni kukwǐ nyoǒ neěe deěǒ moo Taè klee Saedɛ̀n slè, u miia uu wlè bo bitǐba klee u miǐa blɛ̌ wlawlě měne po u miǐa pòpo dlǒ le po seela keǒ bɛ teea lɛ ɛ̈ moo uu wlè bitǐa bo.

Lǔkù 2:2

Dɛǒ nɛ̀ mooa ɛɛ nyane dɛ. È ɛmoǒ ɛ kpala tùɔn tǐǒ jleě Kwawlinìɔ kɔnaa Siwlìa wakǎ win kwa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:19

Tà Stimǐi dbadbǎ dɛǒ ɛ sìnʼaa, u tèa Tentǎn Jǔu wǎnʼǒ uu tè mɔ̀. Dɛǒ nɛ̀ nua nɛ ǔ gbɛ̀tɛɛaa blě kɛn le ǔ mua mu ǔ nyniaě blǒǒ moo Fonisìa kɛn klee blǒ tìeǒ moo Saeplɔ̀ ɛ̈ ně poa lěe gbàe mǒ plě klee dě fòɛǒ moo Ɛntìa kɛn ǔ pea tuposàǒ kwɛɛǒo Tentǎn Jǔ jleě mǒ bo. U poa ɛ Jùwɛ nyoo do sosǒ je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:20

Hɛwlǒ pea jlo chɔɔ keǒ deě fòee sɔ̌nʼǒ mɔ̀ ï mooa Taè klee Saedɛ̀n. Imo deěe sɔ̌nʼǒ i sɛ̀aě Hɛwlǒo blǒ wlòmo digbaǐ nɛ̀ i teea kɛn. Tèǒ nì kɔn tè u sàla mòngmɛ nyo ǔ muaě Hɛwlǒ mɔ̀ u klee ɔɔ sɔ̌n mǐa ně bo wnawna kɔn ɛ̈ di ɛɛ numa ɔɔ̌ dia u digbaǐ nyenyeɛ bɔ̌. È u beeaě Blasetɔ̀ mǒ ɔ̈ mooa Hɛwlǒo kòngmnaa nyefòɛ ɔ kuunʼaa wlò je keǒ bɔ mǎnaǒ u mɔ̀ tèǒ i mǐaǒ slè mǒ sɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:4

Tàii sɔ̌nʼǒ nù Ngmà Je Ne Sùsu dboa bü mua konkwaǒ nu ǔ tèea je ǔ muaě dě fòɛǒ moo Silusìa kɛn ǔ sɔnaě mǒ ǔ bea ně kɛn měe wlòmo ǔ muaě blǒ tìeǒ ně poěe gbàe mǒ kɛn ɛ̈ u dɛɛ Saeplɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:23

U chlěa chněedɛ̌ nɛ̀ u nyea nu, kě ɛɛ win dɛ̌a i je, “Ämoà moo tuposà kpa nyo klee Tentǎn Jǔu wǎnʼa bòlibo plě Tentǎn Jǔu wǎn wùɛ ä dbo wan le gbògba klě amo kuodakwɛ̌ mɔ̀ ü neěe Ɛntìa diě wlòmo klee Siwlìa klee Selesìa wakě kɛn ü monoo Tentǎn Jǔu wǎn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:39

Ɛ mooa chɛtlǐia fòɛ keǒ Banàbɔ klee Pɔ̀ɔ̌ slè, dɛǒ nɛ̀ sèsaea uu sɔ̌n wùɛǒ jele, Banàbɔ kpala Mǎkè ǔ beaě měe wan ǔ mua lě blǒ tìeǒ ně poěe gbàe mǒ kɛn ɛ̈ u dɛɛ Saeplɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:41

ǔ nɛa Siwlìa klee Selesìa wakě kɛne ǔ pea Tentǎn Jǔu wǎnʼǒ nea lěe kbě ja le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:18

Pɔ̀ɔ̌ sìnʼaě Kownɛ̀ tǐ pɛ̀ti plě ɔ̌ kěaě mǒ sɔn ɔ̌ siaě Tentǎn Jǔu wǎnʼǒ nea lěe ɔ mǐa měe wan be ɔ mǐa Siwlìa wakǎ kɛn mu ɔ klee Pliselǎ klee Akwelǎ. U nana ǔ muaě Sɛnkwlìa dǐa klě Pɔ̀ɔ̌ pooaǒ ɔɔ chɛ̀ win kɛn le ɔ̌ kpnanaǒ dlǒ le, è nùǒ bea měe wan ü mia.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:16

Jùsuu mɔ̀ na nyoo tìeǒ sɔnaa Sesawlià mǒ u kpala ä snǔ mǒ klě Jlǔsnɛ ɛ̈ di ɛɛ numa u mǐaě ä jbɛjuǒ moo Mnasò ɔɔ tà kpa ɔ̈ kɔna lěe blǒ tìeǒ moo Saeplɔ̀ kɛn ɛ̈ ně poa lěe gbàa mǒ, klě ä miaě paeba. Mnasò mooa klekle nyoǒ beaa Nyesoa dɛ mǒ u nyuu do.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:2

Klě Patawlà klě ä jěaǒ měe ɛ̈ miaa Fonisìa wakǎ kɛn, ii tè ä bea ɛ wlòmo ä mia.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:7

Äa ně kɛn na snǔǒ ä kpɛa lɛ ä sɔnaǒ dě fòɛǒ moo Taè kɛn mǒ ä bea kpǒ je klě Potolìma diě kɛn. È Tentǎn Jǔu wǎnʼǒ neaǒo ä jɛɛa u kɛn ä sìnʼaǒ u mɔ̀ chnɛ̀ jlǒ waěe do.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:4

Tà ä sɔnaǒo Saedɛ̀n mǒ, fèflɛ tunwǐa měeǒ je, ii tè měe kpaeaě ä Saeplɔ̀ wakǎ kɛn ɛ̈ moo blǒ tìe ně poěe gbàe mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:36

Ɛɛ bò měne po nyu nɔ̀ mooa Jòsɛ̌fo ɔ̈ kɔna lěe dakɔ̌ǒ moo Lifàe nyo slè ɔ̈ sɔna lěe dě fòɛǒ moo Saeplɔ̀ kɛn mǒ. Tuposà kpa nyo dɛɛa ɔ Banàbɔ ɛ̈ sɛ̀nʼɛ nynɛ̌ Jbɛju Ɔ̈ Pee Nyopò Tùu Kbě Ja Le.