Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:4 - Nyesoaa Kuo Win Jajle

⁴ È uu wùɛ nùǒ Ngmà Je Ne Sùsu jǐa je ǔ tùngmaea dɔ̌ɔdɔ̌ win popoɛ ï Ngmà Je Ne Sùsu nua nuu u wɔ̀laěe popoɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:4 ပူးပေါင်းရင်းမြစ်များ

Matiɔ̌n 10:19

È bɛ̌ nu bǔ kme amo bǔ kpa amo, klě tǐǒ wlòmo Nyesoaa chɛ̀ Nɔ̀ mi a win wan poba dɛ ba boɔɔ. Ii tè feanfeǒ bɛɛ̌ ni amo keǒ dɛ a mi nuu je boɔba mɔ̀.

Mǎkè 16:17

È nyopò wùɛ ü mi Něe tè kàan tè poba, jboo dɛà nɛ̀ mi u de nama, u miě nyopò kǔ sìsi ja le sàba klě Ně nynɛ̌ wlòmo, u mǐ win jajle po.

Lǔkù 1:15

Ɔ miǎ nyefòɛ mooma klě Nyesoa jǐ kɛn. Bɔɔ̌ nɛ̌ nmɔ jakě klee nenǎ noǎa jakě tìi. Tǐǒ jleě ɔ miě ɔɔ naǎ wlòmo bo kɛ̀nma, Ngmà Je Ne Sùsu mi ɔ je jǐba.

Lǔkù 1:41

Tà Lesebɛ̌ wɔɔ̌na bòo kɛn jɛɛaǒ sosǒ, è jijlǎeǒ neaě ɔɔ wlòmo è nɔ̀ǒ ngmìa le, è Ngmà Je Ne Sùsu jǐa Lesebɛ̌ je,

Lǔkù 1:67

È Jɔ̀ɔ̌nʼɔ gbeǐ Sɛkɛwlaeɔ̌ Ngmà Je Ne Sùsu jǐa lɔ je ɔ̌ sɛ̀a Nyesoaa win wan, kě ɔ dɛ̌a ɔ je,

Lǔkù 12:12

Mɛ kɔɔ̌n tèǒ joo nɛ̀ moo klě tǐi doǒ wlòmo Ngmà Je Ne Sùsu Nɛ̀ mi a teeba dɛ ba boɔɔ.”

Lǔkù 21:15

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Lǔkù 4:1

È Jùsu sɔnaě Jɔ̀ɔ̌dɛn wien mǒ Ngmà Je Ne Sùsu jǐa Lɔ je Ɛ̌ kpalaě Ɔ kpatekpǎ blǒ kɛn.

Jɔ̀ɔ̌n 14:26

Bɛ̌ sìn, Ně Gbeǐ mi Wlò Wlòmo Ble Tùɔ̌ dboba klě Ně nynɛ̌ wlòmo Ɔ̈ moo Ngmà Je Ne Sùsu. Nɔ̀ mi a noǎ wùɛ teeba plě Ɔ miě a noǎ wùɛ Ě tmɔɔ̌ amoo wlòmo pooba.

Jɔ̀ɔ̌n 20:22

Tà Ɔ wɔ̀laa tèǒ boɔboɔ mɔ̀, è Ɔ wlǎla u fònfno kɛn, kě Ɔ dɛ̌a Ɔ je, “A kme Ngmà Je Ne Sùsu bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:5

Ně dlǒ po Jɔ̀ɔ̌n pea nyopò ně dlǒ, kɛɛ mòngmɛ chnɛ̀ jlǒ wě bǐ sìn, Ně Gbeǐ miě a Ngmà Je Ne Sùsu ja poba.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:8

Kɛɛ dɛ ba jii nɛ̀ moo bɛ̌ nu bo Ngmà Je Ne Sùsu Bɛ̌ diě a ja, Ɛ mi a Nyesoaa kpě nyema, è a mi sàse dɛ numa keǒ nyopò tùu mɔ̀ keǒ Ně tè mɔ̀ kělɔ Jlǔsnɛ klee kělɔ Jùdǐa wakǎ wùɛɔ kɛn klee klě Sìmɛ̌lia blǒ wùɛǒ wlòmo ɛ mǐ mu mu ɛ mǐ kmɔ̌ wùɛà dlǒ wɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:46

Umoǒ sɔnaa Japà mǒ u wɔ̌na kuodakwɛ̌ǒ uu win ǔ pea dɔ̌ɔdɔ̌ win plě ǔ pea Nyesoaa nynɛ̌ le, ii tè u jia ɛle ɛ̈ moo Ngmà Je Ne Sùsuǒ beaě u ja. È Pitɛ̌ gbàla u wan ɔ je,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:47

“Ke ɛ toon jleě mǒ bo nyopòà ǔ jěe Ngmà Je Ne Sùsu wòje ke ä nu Ɛɛ jejeɛ̌, mɔ wɔ̀le je bɔ̈ kaǎn kɛ u je ɛ̈ kɔn tè uǔ diǐ ně dlǒ po?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:15

Tà Ě tùngmaea wien le boɔboɔ sosǒ, è Ngmà Je Ne Sùsu Nɛ̀ǒ bea uu wùɛǒ kɛn wòje dɛɛ doǒ Ɛ nua ämoo mǒ ɛɛ klekle tà.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:24

Banàbɔ mooa kàan nyu ɔ̈à Ngmà Je Ne Sùsu jǐaa je plě ɔ̈ kɔnaa tè wlò popoɛ plě ɔ̈ jɛɛa lɔ nyopò fòfoa kělɔ Koɔn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:52

È Tentǎn Jǔu mɔ̀ na nyoǒ nea lěe chǒn klee Ngmà Je Ne Sùsu jǐa u je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:9

È Sɔ̀ɔ̌ ɔ̈ u dɛɛa Pɔ̀ɔ̌ ke nɔ̀ Ngmà Je Ne Sùsu jǐa je, nɔ̀ tɛnaě Elemasìǒ mɔ̀le, ɔ siiaě ɔ jǐ ja,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:8

Nyesoaà jii tùonyopo wùɛɛ wlè, Ɔ nye u Ɔɔ Ngmà Je Ne Sùsu wòje ke Ɔ nua Ɛ ämoo Jùwɛ nyo nyenyeɛ, dɛǒ nɛ̀ tee ɛ ɛ̈ moo Ɔ poo u kɛn kòo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:6

Pɔ̀ɔ̌ poa u son dlǒ bo, è Ngmà Je Ne Sùsu beaě u ja ǔ pea dɔ̌ɔdɔ̌ win ǔ sɛ̀a Nyesoaa win wan.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:11

Jùwɛ nyo klee nyopòà po uu chɛ̀ Jùwɛ Nyesoa dɛ slè klee nyopòà sɔnʼě dě fòɛǒ moo Kwliì mǒ plě klee klě blǒǒ monoo Awlebìa kɛn mǒ nù neà, plě kaǒ äa do do ä wɛ̌n u äa blětà win wan ǔ boɛ noǎ fòe ï Nyesoa nuu ii tè!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:3

U keaǒ bo chè ù jěa noǎ ï wǒaa napèpɛlo, bò jě li è jè mɛǒ, nì gbɛ̀tɛɛa le ï nea u dlǒ ble.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:31

Tà u wɔ̀laa bàtea mɔ̀, è tùɔnʼǒ ɛ tutuǒa bo, uu wùɛ Ngmà Je Ne Sùsu jǐa u je Ɛ̈ nua nɛɛ ǔ kɔnaa kponkpɛ ǔ boɛaa Nyesoaa win.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:8

È Ngmà Je Ne Sùsu jia Pitɛ̌ je, kě ɔ dɛ̌a u je ɔ je, “Blǒo je si nyo klee blǒo bòlibo,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:3

Ii tè ně bǐì Tentǎn Jǔu wǎn ane, a sà jbɛjluu nyiɛta klě aa chɛ̀ slè üà a jii Ngmà Je Ne Sùsu neěe ja plě ü kɔnʼɔ tɔ̀n, nù bä poě ɛmo digbaǐ plo konkwaà kwete mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:5

È uu wùɛɛ wlò blooa dɛǒ Nyesoaa tuposà kpa nyo poaǒ uu jemǒ bo kɛn. Ii tè ǔ tbala Stimǐ ɔ̈ kɔn tè wlò popoɛ neaa kbě kɛn plě Ngmà Je Ne Sùsu jǐaa je klee Felɔ̌ klee Plokalɔ̀ klee Nikanɔ̀ klee Timɔ̀ klee Paminà klee Nikòla ɔ̈ sɔna lěe dě fòɛǒ moo Ɛntìa wlòmo ɔ̈ beaa Jùwɛ nyoo Nyesoa dɛ mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:8

Stimǐ mooa nyuà Nyesoa poaa ngmna fòfoa mɔ̀ plě Ɔ̌ nua nɔ ɔ̌ nea kpě kɛn, dɛǒ nɛ̀ nua nɛ ɔ̌ nia wan bo kàe noǎ klee wlòlekaen noǎ fòfoa klě nyopò slè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:55

Kɛɛ Ngmà Ne Sùsu Nɛ̀ jǐa Stimǐ je ɔ̌ tɛnaě jɔkɛn le ɔ̌ jěa Nyesoaa tè jǐ boaboǎ klee Jùsu Ɔ̌ nynana bo klě Nyesoaa dilǎ son mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:17

Tà Pitɛ̌ klee Jɔ̀ɔ̌n poa luu sonwe dlǒ bo, è Ngmà Je Ne Sùsu Nɛ̀ǒ beaě u ja.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:17

Ii tè kě Ɛnenaeǎ nua mǒ sonsɔn ɔ̌ muaě koǔǒ bo ɔ̌ poaǒ Sɔ̀ɔ̌ sonwe dlǒ bo, kě ɔ dɛ̌a ɔ je, “Ně mɔ̀nai Sɔ̀ɔ̌, Koɔn Jùsuà sàla Ɔɔ chɛ̀ tàmo keǒò mɔ̀ tà nèaǒo snǔ mɔ̀ kea lěe di, Ɔɔ do Nɔ̀à dbo mǒ kělɔɔ̀ mɔ̀ ɛ̈ di ɛɛ numa mì le jě de plě Ngmà Je Ne Sùsu miěè ja be.”

Wlǔmɔ 15:13

Nɛ bo Nyesoaǒ nye mòo wlò je kunkuɛn Bɔ nyeè chǒn fòfoa klee ně bo wnawna klě nè tè wlò popoɛ mǒ ɛ̈ di ɛɛ numa Ngmà Je Ne Sùsuu kpě mǐ nè wlò je kunkuɛnʼǒ nu ɛ mǐ kun.

1 Kwnɛtiɛ̌ 12:10

Ɛ nye tìe tùu kbě ǔ ni wlòlekaen noǎ Ɛ̌ nye tìe tùu kbě ǔ sɛ̀ wan keǒ Nyesoa mɔ̀ Ɛ̌ ni tìe tùu ǔ wɛ̀ě ɛ bu jbo kǔ sìsi klee dɛǒ moo Nyesoaa Sùsu Ɛ̌ nu tìe tùu ǔ wɛ̀ě ɛ keǒ bu po dɔ̌ɔdɔ̌ win plě Ɛ̌ ni tìe ǔ wɛ̀ě ɛ keǒ bu sèsae dɔ̌ɔdɔ̌ win kɛn le.

1 Kwnɛtiɛ̌ 13:1

Bɛ̌ nu boǒ wɔ̀le ɛ keǒ bo po tùonyopoo winʼi doědoe klee najiǒpòo winʼi chɛ̀, kɛɛ boǒ se mǒ noɛnoɛ kɔn keǒ nyopò tùu mɔ̀, Ě se dɛ nynɛ̌ sɛ̀n, Ě wǒ je keà u kokwɛɛ lee panpeě je le ï pee slɛ̀ le ɔ̀ɔ̌ keà u nuu gbèkleeǒ u beò.

1 Kwnɛtiɛ̌ 13:8

Mǒ noɛnoɛ se dlǒ chlɛ̀chlɛ kɔn, kɛɛ Nyesoa win boɔboɔ bɛ nyee nyu ɛ miǎ sìnma, è winʼi doědoe popoɛ miǎǒ sieba plě de jbojbɛ miǎ sìnma.

1 Kwnɛtiɛ̌ 14:18

Ě pe Nyesoa tàto keǒ dɔ̌ɔdɔ̌ winʼà Ě boɛɛ mɔ̀ ɛ̌ sìnʼǒ aa wùɛǒ mǒ.

1 Kwnɛtiɛ̌ 14:5

Ě mii ɛ jlǎba aa wùɛ ba poo dɔ̌ɔdɔ̌ win, kɛɛ dɛ Ě mii mǒ noɛɛma sɛjesɛ nɛ̀ moo Nyesoaa win boɔboɔ. Mɛ kɔɔ̌n tèǒ joo nɛ̀ moo Nyesoaa win boɔboɔ nɛ̀ kɔn tè kma ɛ̌ sìnʼǒ dɔ̌ɔdɔ̌ win mǒ, ɛ̀ sìnʼǒ nyu bɔ̌ ke i kɛn le sèsɛɛ le ɛ̈ di ɛɛ numa Tentǎn Jǔu wǎn wùɛ uu tè wlò popoɛ mǐ měne kunkuu nu.

Ifisiɛ̌n 3:19

Ɛ se nyu kɔn bɔ̈ jbo ɛɛ le kpǎkpǎ. È Nyesoaa chɛ̀ miě a měne jǐba kpǎkpǎ.

Ifisiɛ̌n 5:18

Baǎ nɛ̌ nmɔ ɛɛ̌ ni amo, ɛ mi a jǐ le nymiima sosǒ, kɛɛ Ngmà Je Ne Sùsu bɛ jǐ a je.

Ifisiɛ̌n 6:18

A bàte Nyesoa a mǐ Ɔ wan gbà Ɔ mǐ a mǒ sɛ̀ɛ le klě noǎ wùɛ slè. Tǐ wùɛ mɔ̀ a bàte Ɔ wòje ke Ngmà Je Ne Sùsu miě ɛ amoo mǒ popoɛ numa. Bɛ̌ nu bǎ ke ɛ ni, ba gbɛ̀ɛ le, aǎ seɛ bàtea mǒ tǐ wùɛ mɔ̀ keǒ Nyesoaa nyopò wùɛ mɔ̀.

1 Pitɛ̌ 1:12

Tǐǒ jleě wnɔsàɔpo sɛ̀a imoo noǎǒ wan ï a wɔ̌naa ï sɔna lěe Nyesoaa win boɔ nyo tùu wan mǒ ü Ngmà Je Ne Sùsuà Nyesoa dboaa Ɛ̈ sɔna lěe jɔkɛn mǒ nea lěe ja, Nyesoa teea ɛ wnɔsàɔpoǒ ɛ̈ moo uu konkwaǒ u niaa ɛ mooa aa kàan dɛ tè, ɛ sea u chɛ̀ɛ kàan dɛɛ tè. Najiǒpòo chɛ̀ jlɛ̌ bu jboa imo noǎǒ le.

2 Pitɛ̌ 1:21

Mɛ̌oǒ joo nɛ̀ moo wnɔsà win sěɛlaě tùonyugbee kɛn wɔɔn dɛ wlòmo dii li, kɛɛ tùonyopo boɛɛaě Nyesoa pènmo wòje ke Ngmà Je Ne Sùsu nia nɛ ùu wan popoɛ keǒ bu boɔa lii.