Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:3 - Nyesoaa Kuo Win Jajle

³ ɔ̌ sèsɛɛa ɛ kɛn le plě ɔ̌ pea ɛ pepě mǒ ke ɛ nuaǒo le wɛɛnʼa Tentǎn Jǔ Bɔ jěaa sònwɛ plě Bɔ dǔaa jemǒ Bɔ sɔna lěe kǒla mǒ, kě ɔ dɛ̌a ɔ je, “Jùsuà kɔn tè Ě dǔa amoo tmɔɔ̌a mǒ Nɔ̀ moo Tentǎn Jǔ Ɔ̈ a pɛ̀n pnɔɔ snǔ mɔ̀le!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:3 ပူးပေါင်းရင်းမြစ်များ

Lǔkù 24:32

È kě u dedɛ̌ɛa je le u je, “Äa plɔ blo lo chɔɔ tà Ɔ boɛɛ lě ämoo mɔ̀ keǒ snǔ mɔ̀ Ɔ̈ sèsɛɛ lee Nyesoaa win kɛn le keǒ ä mɔ̀!”

Lǔkù 24:44

È kě Ɔ dɛ̌a u je Ɔ je, “Tà a klee Mǒ ä nɛɛ̌a jèe, noǎ wùɛ kɔn tè Ě tmɛɛ̌a amoo nìà kpa tùɔn ï kɔn tè Mɔ̀sě klee Nyesoaa wnɔsàɔpo chlěaa klee ï Dèběsee Bleble Chněedɛ̌ boɔaa keǒǒ jleě mǒ, ii wùɛ nìà jaěǒ teěn.”

Lǔkù 24:46

È kě Ɔ dɛ̌a u je Ɔ je, “Ɛ chleěa le klě Nyesoaa win wlòmo ɛ̈ moo, ‘Nyesoaa Tentǎn Jǔ kɔn Bɔ jě sònwɛ Ɔ mǐ kǒ, è bɛ̌ sìn, klě chnɛ̀ jlǒ wěe tan nenɛ wlòmo Ɔ miǎě kǒla mǒ sɔnma Ɔ miǎ jemǒ dǔ.’

Jɔ̀ɔ̌n 20:9

È u sěɛɛ̌a jè dɛǒ le jbe kaǒ ɛ̈ dɛ̌ bòo klě Nyesoaa win wlòmo ɛ̈ moo, Ɔ blɛɛ je Bɔ dǔa jemǒ Bɔ sɔnaě kǒla mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:4

Chnɛ̀ jlǒ waě tɛ̀ɛ mɔ̀ Jùsu klee Ɔɔ tuposà kpa nyoǒ u neaǒ tàa do u kea dɛ di, è tèà nì Ɔ tmɔɔ̌a nu Ɔ je, “Aǎ sonwɛɛ̌ jè lɔ Jlǔsnɛ mǒ, kɛɛ ba fo Nyee Dɛǒ Ně Gbeǐ peeě amoo Ɛ̈ kɔn tè Ě tmɔɔ̌a amoo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:28

Ɔ peaě kbě le ɔ̌ duia Jùwɛ nyo klě chɛtlǐia wlòmo klě klɔ̀ slè plě ɔ̌ nia Nyesoaa win ɔ̌ pea ɛ pepě mǒ ke Jùsu monoo Tentǎn Jǔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:5

Tà Salě klee Timɛtě sɔnaa Masedonìa wakǎ kɛn mǒ u dia lěe klě Pɔ̀ɔ̌ mɔ̀, è Pɔ̀ɔ̌ sàlaǒ ɔɔ tǐ wùɛ ɔ̌ boɛa Nyesoaa win Jùwɛ nyo je ɛ̈ moo Jùsu Nɔ̀ moo Tentǎn Jǔ Ɔ̈ u pɛ̀naa snǔ mɔ̀le Ɔ̈ mǐa uu wa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:18

È ke Nyesoa nuaě ɛɛ le jiěaò ɛ̈ Ɔ poa Ɔɔ wnɔsàɔpo wùɛ wan u sàlaa wan keǒ Ɔ jleě mǒ ɛ̈ moo Ɔɔ Tentǎn Jǔ kɔn Bɔ jěǎ sònwɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:22

Sɔ̀ɔ̌ɔ Nyesoa win boɔboɔɔ kbě bebeea kɛn le chɔɔ plě ɔ̌ poa ɛ pepě mǒ keǒ Jùwɛ nyo mɔ̀ ü nea lěe Dimasèka ɛ̈ moo Jùsu Nɔ̀ moo Tentǎn Jǔ, ii tè ɔ dua u wan u seaě wɔ̀ bu chɛtlǐia kɛ̀.

Kalesiɛ̌n 3:1

Amo bobo Kalesìa nyoà, ɛ moo kɛ kwɛ̌ ǔ tù ɛ amo nɛ̀ kɔn tè aǎ jbo dɛ monoo mǒ slɛɛ̌ dɛ lee? Ɛ sèsaea le kɛn ɛ̌ pàea chnɛ̀ le ke Jùsu Tentǎn Jǔ nuaǒo pète bɛ̌ tu jleě kɔɔa.