Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:2 - Nyesoaa Kuo Win Jajle

² È Pɔ̀ɔ̌ muaě koǔǒ bo wòje ke ɔ ni pnɔɔ le, Nyesoaa defɛ chnɛ̀ jlǒ wěe tan nì ɔ tùtuua mɔ̀ ɔ klee ù chɛtlǐia. Ɔ nia Nyesoaa win

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:2 ပူးပေါင်းရင်းမြစ်များ

Matiɔ̌n 26:24

Jbɛjuu Jǔà Ɔ mi kǒba ke Nyesoaa win dǎa, kɛɛ chlǒ keǒ nyuà mɔ̀ ɔ̈ miǎě Ɔɔ bo demǒ sàba. Ɛ mii tɛɛ numa ɔmo nyuǒ bɔ̌ see kɔɔn no kělɔ kmɔ̌ mɔ̀.”

Lǔkù 4:16

È Ɔ mua de klě Nǎsòwɛ̌ dǐa tà Ɔ kuunʼa lěe. È klě Sɛ̌ɛ̀de wlòmo ɛ̈ moo Nyesoaa de fɛ waě, Ɔ muaě Jùwɛ nyoo Nyesoa koǔ bo wòje ke Ɔ ni pnɔɔ Ɔ̌ nynana bo Ɔ mǐa Nyesoaa win slè.

Jɔ̀ɔ̌n 18:20

Jùsu tùa ɔ kɛ̀ɛn Ɔ je, “Tǐ wùɛ mɔ̀ Ě nynɛǒ klɔ̀ slè bo, Ě boɛě nyopò wùɛ mɔ̀, Ě tee noǎ wùɛ klě uu Nyesoa keǐ bo ble le klee klě Nyesoaa kǎ fòɛ bo tàà Jùwɛ nyoo wùɛ u wɛ̀ɛěe de. Ě sěɛlǎ dɛ boɛ klě je wɛ̌ tǔn wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:14

U sɔnaě Pɔkà mǒ ǔ mua lě dě fòɛǒ moo Ɛntìa wlòmo ɛ̈ nea lěe Pisedìa wakǎ kɛn. Tà Sɛ̌ɛ̀de ɛ̈ moo Nyesoaa defɛ chnɛ̀ jlǒ waě ɛ wǒaǒo, u muaě Jùwɛ nyoo Nyesoa koǔ bo ǔ nea bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:5

Tà u nynia lěe diěǒ moo Salamìi kɛn, u muaě Jùwɛ nyoo Nyesoa koǔ bo ǔ boɛa Nyesoaa win, u klee Jɔ̀ɔ̌n Mǎkè mua ɔ̌ sɛ̀ɛa u mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 14:1

Ɛmo dɛɛ doǒ nɛ̀ kpala tùɔn de klě Akonìa diě wlòmo. U muaě Jùwɛ nyoo Nyesoa koǔ bo ǔ boɔa Nyesoa win ǐ pàea chnɛ̀ le, ii tè Jùwɛ nyo klee kuodakwɛ̌ fòfoa nù poa ii tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:10

Tǐi do tǐ jleě tà tǒn wɔ̀laa, è Tentǎn Jǔu wǎnʼǒ u dǔa Pɔ̀ɔ̌ klee Salě mǒ ǔ dboa lu klě dě fòɛǒ mooa Bowlià kɛn. Tà u nynia lěe, ù muaě Jùwɛ nyoo Nyesoa koǔ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:17

Ii tè ɔ klee Jùwɛ nyo klee kuodakwɛ̌à kɔnaǒo Nyesoa bo tùtuɛ ǔ chɛtlǐia klě uu Jùwɛ nyoo Nyesoa koǔ bo. Nyopòǒ nea lěe noǎ plooa mǒ u klee Pɔ̀ɔ̌ chɛtlǐia ke keǒ dɛɛ doǒ kɛn chnɛ̀ jlǒ waě wùɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:4

Klě Nyesoaa defɛ chnɛ̀ jlǒ waě wùɛ mɔ̀ ɔ chɛtlǐia klě Jùwɛ nyoo Nyesoa koǔ bo ɔ̌ tɛ̀n ɛ mǒ bɔ nua Jùwɛ nyo klee kuodakwɛ̌ bu bitǐa uu wlè bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:8

È Pɔ̀ɔ̌ mia lě Jùwɛ nyoo Nyesoa koǔ bo tǐi pɛpɛ mɔ̀ klě sòbaii tan wlòmo ɔ̌ kunʼa wlò u klee ɔ chɛtlǐia ɔ̌ neaǒ u demǒ doo keǒ bɔ jbooa u Nyesoaa win kwa konkɔn le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:25

Kɛɛ tà Pɔ̀ɔ̌ tùngmaeaa jebo siǐan klee ke nyu bɔ nu ɔɔ chɛ̀ win kwa konkɔn plě klee Nyesoaa blilǐ tù chnɛ̀ jlǒ waěe tè kɛn boɔɔa, è Felesè bea mǒ fano, kě ɔ dɛ̌a ɔ je ɔ je, “Noǎǒ bòɔɔ i nu seɔɔn klě tǐà wlòmo! Mu, bɛ̌ nu boǒ wɛ̀ mɔ̀ de, Ě miì daba.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:23

Ii tè u poaě ɛ le ǔ tbala chnɛ̀ jlǒ waě u klee Pɔ̀ɔ̌ u mǐa le bò. Tà chnɛ̀ jlǒ waěǒ ɛ nyniaǒo, nyopò fòfoa nù diaě tàě Pɔ̀ɔ̌ nea lěe. Sɔɔnʼaě kènta jleě mǒ bò jɛa tǒn, Pɔ̀ɔ̌ tmɛɛ̌a nu ɔ̌ sèsɛɛa u wlòmo Nyesoaa win kwa konkɔn tè. Ɔ slèa teteǎ Nyesoa nyeaa Mɔ̀sě klee chněenoǎǒ Nyesoaa wnɔsàɔpo chlěaa seela tǐ jleě ɔ̌ tɛ̀na ɛ mǒ keǒ bɔ nua uu dlě bi jěa lɛ ɛ̈ moo Jùsu Nɔ̀ moo Tentǎn Jǔ Ɔ̈ u pɛ̀naa snǔ mɔ̀le Bɔ̈ dia lěe Ɔ̈ mǐa nuu gblà.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:35

Ii tè winʼǒ ɔ slèaa nì Felɔ̌ kmeaǒ kɛn bo ɔ̌ tùngmaea i kɛn le sèsaea ɔ̌ tmɔɔ̌a ɔ kàan tuposà ɛ̈ kwɛɛǒo Jùsuu tè jleě mǒ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:20

è nɔ̀ǒ nua fǒn ɔ̈ mua ɔ̈ nana Jùwɛ nyoo Nyesoa keǐ jele ɔ̈ boɛa Nyesoaa win ɛ̈ moo Jùsu moo Nyesoaa Jǔ.

1 Kwnɛtiɛ̌ 15:3

Dɛà kɔn tè kmaa u sèsae mǒo wlòmo plě Ě sèsaea amoo wlòmo nɛ̀ moo Tentǎn Jǔ kǒa keǒ äa dɛ kukǔ mɔ̀ wòje keǒ Nyesoaa win nu nii boɔboɔ.