Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:5 - Nyesoaa Kuo Win Jajle

⁵ Kɛɛ Jùsuu kàan tè po nyoo tìe ü mooa Fɛlesǐi wǎn nù nynana bo, kě u dɛ̌a u je, “Kuodakwɛ̌ kɔn bu bɛ̌ foeě, è u kɔn bu tùǒ teteǎà Nyesoa nyeaa Mɔ̀sě bo!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:5 ပူးပေါင်းရင်းမြစ်များ

Matiɔ̌n 3:7

Kɛɛ tà Jɔ̀ɔ̌n jěaa Fɛlesǐi wǎn klee Sadesǐi wǎn fòfoa u dia lě ɔɔ mɔ̀ keǒ bɔ poa uu ně dlǒ, è kě ɔ dɛ̌a u je ɔ je, “Amo chì nyee ngmɛ̀ smeaa jlǔà, mɔ tmɔɔ̌ nǒoǒ kɛ amo ba plùu lǔuǔ Nyesoaa jloǒ diěe je keǒ nyopò mɔ̀?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:1

Ɛ kɔna tǐ tìi tà nyopò tùu nù sɔnaě Jùdǐa wakǎ kɛn mǒ ü tèea je ü mua Ɛntìa, nù teea Tentǎn Jǔu wǎnʼǒ nea lěe, kě u dɛ̌a u je, “Bɛ̌ nu bǎ se foeě bɛ̌ wòje keà Mɔ̀sěe tetě nu ɛɛ ble popoɛ, è a se wowa dɛ kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:24

Ä wɔ̌n dɛ ɛ̈ moo nyopò tùu nù sɔn nɔ ä mɔ̀ mǒ u muě a mɔ̀ ü ä see kbě nye, nù jaě jale jejǎea klě a slè ɛ̈ po aa wlè wɔ̀ɔn, kě u dɛ̌ ɛ̈ moo, ‘A blɛɛ je ba bɛ̌ foeě ba tùǒ Nyesoaa tetě bo plě a mǐ wa.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:20

Tà u wɔ̌naa tèǒ, è nùǒ pea Nyesoaa nynɛ̌ le, kě u dɛ̌a Pɔ̀ɔ̌ je u je, “Äa nenawai po nɔkǔ bo, Jùwɛ nyoo taslěwɛ nù po Jùsuu tè kàan tè plě nù poě uu kmɔ̌ neneɛ Nyesoa kwete mǒ keǒ bu tùǒ Ɔɔ teteǎ bo ï Ɔ nyeaa Mɔ̀sě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:14

Ě wɛɛn i je kěàà jemǒ ɛ̈ moo Ě niiě äa gbeǐpòo Nyesoa bobo konkwa, Ě moo wǎnʼǒ u dɛɛ Koɔn Jùsuu Snǔ Ɛɛ nyuu do Ɛ̈ u je Ɛ̈ monoo jǐlenymi dɛ, kɛɛ Ě po noǎ wùɛ ï neěe Nyesoaa teteǎ wlòmo klee noǎ wùɛ Nyesoaa wnɔsàɔpo chlěaa seela tǐ jleě ii tè kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:5

Ä jě ɔmo jbɛjuà ɔ̌ pe noǎ kukwǐ blǒ měne. Ɔ tù jale jejǎea wlò klě Jùwɛ nyo slè kělɔ kmɔ̌ wùɛ mɔ̀ plě nɔ̀ moo je siɔ keǒ Nǎsòwɛ̌ɛ wǎn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:22

Kɛɛ ä mi ɛ mǒ noɛɛma bä wɔ̌n blèe dɛà kɔn tè pòo kàan tè. Mɛ̌oǒ joo nɛ̀ moo ä ji ɛle ɛ̈ moo nyopòà nee blě wùɛ kɛne u boɛ Tentǎn Jǔu wǎnʼǒ kɔ̀n lěe slè win kukwǐ fǒ měne.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:17

Nyesoaa bodiɔ klee ɔɔ nenawa ü mooa Sadesǐi wǎn nù nia chea keǒ Nyesoaa tuposà kpa nyoǒ mɔ̀, ii tè u mua

1 Kwnɛtiɛ̌ 7:18

Bɛ̌ nu bò bɛ̌ pnɔ foeě plě bo Nyesoa Bɔ̌ da mò, è nè sɛ̀ǒ foeěǒ dìe jleě mǒ. Bɛ̌ nu bò se pnɔ foeě bɛ̌ bo Nyesoa Bɔ̌ da mò, è nè bɛ̌ foeě.

Kalesiɛ̌n 2:11

Tà Pitɛ̌ dia lěe dě fòɛǒ u dɛɛ Ɛntìa wlòmo, Ě poaě dɛǒ ɔ niaa ɛɛ tè ɔ mǒ jǐ klě klɔ̀ slè. Mɛ̌oǒ joo nɛ̀ moo dɛǒ ɔ niaa ɔ wlǎlaǒ lo ɛ̌ pàea chnɛ̀ le.

Kalesiɛ̌n 2:14

Kɛɛ tà Ě jěa lɛɛ ɛ̈ moo uǔ nua dɛǒ Nyesoaa kàan tuposàà ɛ je ɛ̈ monoo mǒ slɛɛ̌ dɛ nyu bɔ nuu, Ě tmɔɔ̌a Pitɛ̌ keǒ nyopò wùɛ jemǒ ɛ̈ moo, “Bɛ̌ nu bò moo kɛ Jùwɛ nyu plě nè nene kmɔ̌ bɛ̌ wǒ je kuadakɔ̌ nyu, è ke tae wɔ̀le je bò nuǔ kɛ ɛ wlò tɔɔnʼa keǒ bò nu kuodakwɛ̌ uu nene kmɔ̌ bɛ wǒ je Jùwɛ nyo?”