Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:1 - Nyesoaa Kuo Win Jajle

¹ Ɛ kɔna tǐ tìi tà nyopò tùu nù sɔnaě Jùdǐa wakǎ kɛn mǒ ü tèea je ü mua Ɛntìa, nù teea Tentǎn Jǔu wǎnʼǒ nea lěe, kě u dɛ̌a u je, “Bɛ̌ nu bǎ se foeě bɛ̌ wòje keà Mɔ̀sěe tetě nu ɛɛ ble popoɛ, è a se wowa dɛ kɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:1 ပူးပေါင်းရင်းမြစ်များ

Jɔ̀ɔ̌n 7:22

Kɛɛ Mɔ̀sě nyea a Nyesoaa tetě keǒ ba bɛ̌a aa jbɛjujlu foeǐ, sɛjesɛ ɛ sea Mɔ̀sě ɔ sea ɛ wlò tù, ɛmoǒ ɛ sɔɔnʼě ɔɔ gbeǐpòo tǐ jleě mǒ. Ii tè bɛ̌ nu bɛ̌ nua de fɛ waěe chɛ̀ǒ ɛ̈ monoo wěe nnyɛɛ̀ nenɛ mɔ̀, aa nyuu jbɛjuju bɔ̌ kɔɔn no, a bɛ̌a ɔɔ foeě ǎ nia konkwa keǒ waěǒ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:15

Chnɛ̀ jlǒ waě tɛ̀ɛ mɔ̀ uu tàkpɔ̌ ɛ̈ blɛɛa tà wlèe m̀mɔdo mɔ̀ nù bòa le, è Pitɛ̌ nynana bo klě u slè, kě ɔ dɛ̌a ɔ je,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:22

È tuposà kpa nyo klee Tentǎn Jǔu wǎnʼa bòlibo plě Tentǎn Jǔu wǎn wùɛ u sàla tàii sɔ̌n ü mooa nyefòapo keǒ bu nana Pɔ̀ɔ̌ klee Banàbɔ de bu muaě Ɛntìa diě kɛn. Doo nynɛ̌ mooa Jùdǎse ɔ̈ u dɛɛa Basèba, è do tɔ̀ɔ nynɛ̌ mooa Salě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:23

U chlěa chněedɛ̌ nɛ̀ u nyea nu, kě ɛɛ win dɛ̌a i je, “Ämoà moo tuposà kpa nyo klee Tentǎn Jǔu wǎnʼa bòlibo plě Tentǎn Jǔu wǎn wùɛ ä dbo wan le gbògba klě amo kuodakwɛ̌ mɔ̀ ü neěe Ɛntìa diě wlòmo klee Siwlìa klee Selesìa wakě kɛn ü monoo Tentǎn Jǔu wǎn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:24

Ä wɔ̌n dɛ ɛ̈ moo nyopò tùu nù sɔn nɔ ä mɔ̀ mǒ u muě a mɔ̀ ü ä see kbě nye, nù jaě jale jejǎea klě a slè ɛ̈ po aa wlè wɔ̀ɔn, kě u dɛ̌ ɛ̈ moo, ‘A blɛɛ je ba bɛ̌ foeě ba tùǒ Nyesoaa tetě bo plě a mǐ wa.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:3

Tà u dboa luu, u nana blǒ wakěǒ kɛn le ï moo Fonisìa klee Sìmɛ̌lia ǔ tmɛɛ̌a Tentǎn Jǔu wǎn wùɛ ke kuodakwɛ̌ nua nɔɔ Nyesoa mɔ̀ diia. Tà Tentǎn Jǔu wǎnʼǒ neaa blěǒ kɛn le u wɔ̌na imoo tèǒ, uu plɛ bloa chɔɔ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:32

È Jùdǎse klee Salě ü mooa Nyesoaa wnɔsàɔpo u tùiaě u wlò wlòmo ble ǔ pea u kbě ja le klě tǐ pɛ̀ti wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:5

Kɛɛ Jùsuu kàan tè po nyoo tìe ü mooa Fɛlesǐi wǎn nù nynana bo, kě u dɛ̌a u je, “Kuodakwɛ̌ kɔn bu bɛ̌ foeě, è u kɔn bu tùǒ teteǎà Nyesoa nyeaa Mɔ̀sě bo!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 21:20

Tà u wɔ̌naa tèǒ, è nùǒ pea Nyesoaa nynɛ̌ le, kě u dɛ̌a Pɔ̀ɔ̌ je u je, “Äa nenawai po nɔkǔ bo, Jùwɛ nyoo taslěwɛ nù po Jùsuu tè kàan tè plě nù poě uu kmɔ̌ neneɛ Nyesoa kwete mǒ keǒ bu tùǒ Ɔɔ teteǎ bo ï Ɔ nyeaa Mɔ̀sě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:14

Ä wɔ̌n ɔɔ win ɔ̌ dɛ̌ bò ɛ̈ moo, Jùsuà kɔn lěe Nǎsòwɛ̌, Ɔ mi Nyesoaa kǎ fòɛà blǒ mǒ wlǎba, Ɔ miǒ äa blětà noǎ pɛpɛ wùɛ snǔ mɔ̀ sà ïà Mɔ̀sě si ämoo kwete mǒ.”

Kalesiɛ̌n 2:1

Tà jlěe pù tùo hɛ̀n sìnʼaa, Ě mua de klě Jlǔsnɛ mǒ klee Banàbɔ, ä kpaea Taetɔ̌ snǔ mǒ ke.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

Kalesiɛ̌n 6:12

Nyopòǒ ü tɛ̀n nɛɛ mǒ keǒ bü kpae amoo kbě ba bɛ̌ɛ foeě, nù moo nyopò ü tee ɛɛ keǒ imo noǎǒ neǒo fǒ kɛn ii tè mɔ̀. È dɛ kɔn tè u ni ɛɛ nɛ̀ moo keǒ buǔ di uu tè mɔ̀ tè keǒ bu po Tentǎn Jǔu kokǒ tè kàan tè keǒ pète bɛ̌ tu jleě.

Klasɔ̌n 2:16

Tèǒ nì kɔn tè sɔɔnʼà tǐà jleě mǒ nyu wùɛ ɔɔ̌ tùiǒ ngmè ble keǒ a jleě mǒ keǒ dɛ ba dii mɔ̀ klee dɛ ba nǎa plě keǒ chnɛ̀ jlǒ wě ba tùǒo bo mɔ̀ klee sòbae jajloo de ngmnengmnɛ̌ ɔ̀ɔ̌ Nyesoaa de fɛ chnɛ̀ jlǒ waě.

Klasɔ̌n 2:8

A gbɛ̀ɛ le nyu wùɛ ɔɔ̌ di tùonyugbee tɔ̀n nu ɔɔ̌ di a mǒ boo lo klee kplakplǒà see dɛ wlòmo ne ɛ̈ sonwɛ lěe tùonyopoo blětà noǎ wlòmo klee sìsi ï neɔɔ kmɔ̌ɔ mɔ̀, kɛɛ ï slěe Tèntǎn Jǔ mɔ̀ mǒ sɔn.