Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:2 - Nyesoaa Kuo Win Jajle

² Konilìɔ klee ɔɔ koǔ bo kwɛɛn wùɛ nia Nyesoa dɛ ɔ̌ tùiaǒ Nyesoa bo ɔ̌ nmɔa kwa chɔɔ ɔ̌ sɛ̀ɛa sònwɛ nyo měne plě ɔ̌ boɛaě Nyesoa mɔ̀ tǐi pɛpɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:2 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:4

Ɔ siiaě ɔɔ jǐ klě ɔɔ mɔ̀le tentan mɔ̀, kètekee bea ɔ wan bo, è Konilìɔ gbàla ɔ wan ɔ je, “Ně Koɔn, mɛ jlɛ̀ɛɛ̌ kɛ?” È ɔ tùa ɔ kɛ̀ɛn ɔ je, “Nè bàtea klee kàan dɛà nìi keǒ sònwɛ nyo mɔ̀ Nyesoa kme ɛ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:22

Ù tùa lɔ kɛ̀ɛn u je, “Wlǔmɔ nyoo tabɔ̀ɔ jǐgbàdiɔ ɔ̈ moo Konilìɔ nɔ̀ dbo ämo, ɔ moo jebo siǐn nyu plě ɔ̌ tùiǒ Nyesoa bo, Jùwɛ nyo wùɛ nyeǒ ɔ tùtuɛ. È ngmà je ne najiǒpòi nɔ̀ tmɔɔ̌ ɔ bɔ diì mɔ̀ bò muě ɔ mɔ̀ koǔ bo ɛ̈ di ɛɛ numa tèǒ mì ɔɔ je boɔba ɔ mǐ i wɔ̌n.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:16

Ii tè Pɔ̀ɔ̌ nynana bo ɔ̌ poa u son je bu poa kpee, è kě ɔ dɛ̌a ɔ je, “Ǐsòwɛ̌ kwɛɛn ane plě klee kuodakwɛ̌ ale ü sɛ̀ɛ Nyesoaa wɛ̀, a poǒ nɔkǔ jebo!

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:35

kɛɛ Ɔ kme nyu wùɛ bo, dakɔ̌ tae bɔ jě bɔ sɔnʼě slè mǒ, nyuà ɔ̈ kɔnʼǒ Ɔɔ bo tùtuɛ plě ɔ̈ nii mǒ slɛɛ̌ dɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:7

Tà najiǒpòi wɔ̀laě ɔɔ mɔ̀ boɔboɔ mɔ̀ ɔ muaa, è Konilìɔ dala ɔɔ na wien po nyebajlee sɔ̌n ɔ̌ mǎna u tɛɛ tabɔ̀poi debo ɔ̈ tùi ɔɔ jǐ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:2

Mòngmɛ jbɛjlu ü mooa Nyesoa nyo nù tùa Stimǐ bo ǔ chìnʼa ɔɔ sònwɛ chɔɔ.

Wlɛ̀velesɔ̌n 15:4

Koɔnʼò, Nè do Mò ne ngmà je, ii tè nyu wùɛ miì dɛ mǒ jěba ɔ mǐ Nè nynɛ̌ le bìse. Nè jebo siǐan be mǒ pepě, ii tè dakɔ̌ wùɛ miě diba u mǐ Nè wɛ̀ sà!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 18:8

Kwlesèpɔ ɔ̈ mooa Jùwɛ nyoo Nyesoa koǔǒ ɛɛ nyefòɛ ɔ klee ɔɔ koǔ bo kwɛɛn wùɛ u poa Koɔnʼɔ tè kàan tè klee nyopò fòfoa tùu ü neaěe Kownɛ̀ diě wlòmo ü wɔ̌naa winʼǒ Pɔ̀ɔ̌ boɔlaa ü poa ii tè kàan tè ɔ̌ poa u ně dlǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:26

Ně mɔ̀niapo ale, Eblɛ̌hɛ̀moo jlǔu jlǔ klee kuodakwɛ̌ ü nyeǒo Nyesoa bo tùtuɛ, amoà Nyesoa dbo tuposàà mɔ̀ ɛ̈ kwɛɛǒo wowa dɛɛ tè jleě mǒ bo.

Lǔkù 2:25

È klě tǐǒ wlòmo ɛ kɔna jbɛju tɔ̀ɔ ɔ̈ mooaa Semìɔ ɔ̈ nea lěe Jlǔsnɛ. Ɔ mooa jebo siǐn nyu ɔ̌ tùiaǒ Nyesoaa win, nɔ̀ fea Nyesoa kɛn mǒ keǒ Bɔ gblàla Ǐsòwɛ̌ kwɛɛn. Ngmà Je Ne Sùsu Nɛ̀ neaě ɔ ja,

Jìmǐse 1:5

È bɛ̌ nu aa nyu wùɛ bɔ̌ se ɛɛ tɔ̀n blě, è bɔ gbà Nyesoa wan, Ɔ mi ɛ ɔ̀ nyema, Ɔ̈à Bɔ jlee son je Bɔ nyee nyu dɛ ɛ̌ sisii ble plě Ɔɔ̌ pnaě nee nyu jǐ měne ɛɛ tè.

1 Tɛseloniǎ 5:17

Tǐ wùɛ mɔ̀ ba boɔě Nyesoa mɔ̀.

Klasɔ̌n 4:2

Tǐ wùɛ mɔ̀ aa wùɛ a boɔě Nyesoa mɔ̀, a tù aa chɛ̀ jǐ mɔ̀ plě a pe Nyesoa tàto.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:12

Klě jbɛju tɔ̀ɔ nea lě ɔ̈ kɔn nynɛ̌ mooaa Ɛnenaeǎ, nɔ̀ dia lěě mɔ̀. Ɔ mooa Nyesoa nyu ɔ̈ tùiaǒo Nyesoaa teteǎ bo plě Jùwɛ nyo wùɛǒ neaěe tàě u nyeaǒ ɔ tùtuɛ fòɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:50

kɛɛ Jùwɛ nyo nyenynǎea Jùwɛ nynoo tìe ü mooa dɛ kɔn nyo klee diěe je si nyo, ii tè ǔ tùngmaea Pɔ̀ɔ̌ klee Banàbɔɔ tè mɔ̀ tèteɛ ǔ sàlaě u wakǎǒ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:31

è kě ɔ dɛ̌aǎ je ɔ je, ‘Konilìɔ, nè bàtea klee kàan dɛà nii keǒ sònwɛ nyo mɔ̀ Nyesoa kme ɛ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:36

Klě diěǒ moo Japà kɛn ɛ kɔna nynɔ tɔ̀ɔ, ɔɔ nynɛ̌ mooa Tabità. Ɔ mooa Jùsuu mɔ̀ na nyoo nyuu do. È ɔɔ Kwlǐki nynɛ̌ mooa Dakɔsè ɛ̈ sɛ̀nʼɛ nynɛ̌ Nyaǎ. Tǐi pɛpɛ mɔ̀ ɔ nia kàan dɛ ɔ̌ sɛ̀ɛa sònwɛ nyo měne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:31

Tà dɛǒ ɛ sìnʼaa, è Tentǎn Jǔu wǎn wùɛ ü nea lěe Jùdǐa klee Jàlalǐi klee Sìmɛ̌lia wakě kɛn u kwɛna ně bo wnawna. Klě tǐǒ wlòmo u nia Koɔnʼɔ konkwa plě Ngmà Je Ne Sùsu pea u kbě ja le Ɛ̌ tùia u wlò wlòmo ble ǔ bebeea kɛn le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:11

È kě Koɔn dǎla ɔ je Ɔ je, “Sɔn mǒ, mu klě Jùdǎsee koǔ bo ɛ̈ neěe snǔ fòɛǒ u dɛɛ Mǒ Slɛɛ̌ Snǔ mɔ̀, bò nyniě, è bò gbà jbɛju tɔ̀ɔ nynɛ̌ wan u dɛɛ Sɔ̀ɔ̌, ɔ kɔnʼě dě fòɛǒ moo Tasà kɛn. Klě tǐà wlòmo ɔ bɛ̀te le

Lǔkù 18:1

È Jùsu poa u dǎtèkpa je ɛ mǐa u tee le ɛ̈ moo tǐ wùɛ mɔ̀ bu boɔ lě Nyesoa mɔ̀ uǔ kwɛn seasea.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:5

Klě tǐǒ wlòmo ɛ kɔna sèn bo mǎ Jùwɛ Nyesoa nyo ü nea lěe Jlǔsnɛ ü sɔnaa dakwɛ̌ wùɛ mɔ̀ měne kělɔ kmɔ̌ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:14

Ɔ miì tuposà je poba ɛ̈ mii mò klee nè koǔ bo kwɛɛn wùɛ waba klě kpni kukwǐi plɔ tu kɛn bo maěa bobo.’

Matiɔ̌n 25:17

È nyebajloǒ ɔ nyeaa wlě blɛ̌ɛ sɔ̌n dɛɛ doǒ nɛ̀ ɔ nua ɔɔ wlě ǐ bebea kɛne ǐ poaǒ wlě blɛ̌ɛ sɔ̌n tìi.