Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:3 - Nyesoaa Kuo Win Jajle

³ Tà Ɔɔ sònwɛ jejeɛ̌ sìnʼaa, klě chnɛ̀ jlǒ wěe wlèe sɔ̌n wlòmo Ɔ sàla Ɔɔ chɛ̀ tàmo klě Ɔɔ tuposà kpa nyo mɔ̀ Ɔ̌ teea u noǎ fòfoa ï teea lɛɛ kàan tè ɛ̈ moo Ɔ nea kmɔ̌ plě Ɔ̌ tmɔɔ̌a nu ke Nyesoa nii win kwa konkɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:3 ပူးပေါင်းရင်းမြစ်များ

Matiɔ̌n 21:43

È Jùsu je, “Tèǒ nì kɔn tè Ě tmɛɛ̌ amo, Nyesoa mi amo Jùwɛ nyo win kwa konkɔn bɔ̌ba, kɛɛ Ɔ mi kuodakwɛ̌ win kwa kɔnma ü mi Ɔɔ konkwa numa.

Matiɔ̌n 28:9

Tà u keaa mi, klě jǐ kapǒ ka wlòmo kàtika ù klee Jùsuu sɔ̌n mɔɔa ne Ɔ je, “Ě bìse ale, a sàě aa wlè jɔ mǒ.” È nynoǒ u kèklaeaǒ Ɔ gbàa ǔ blěaǒ Ɔ be mɔ̀ kwa ǔ sàla Ɔɔ wɛ̀.

Matiɔ̌n 3:2

È kě ɔ dɛ̌a ɔ je, “Nyesoa diě le Ɔ mǐ a win kwa kɔn. Ii tè a bitǐ aa wlè bo!”

Matiɔ̌n 4:2

Tà Jùsu chìnʼaa keǒ Nyesoa mɔ̀ boɔboɔ mɔ̀ klě chnɛ̀ jlǒ wěe wlèe sɔ̌n klee tǒn jlǒ wěe wlèe sɔ̌n wlòmo, è sàno niaa kɛ̀ Ɔlo.

Mǎkè 16:19

È tà Jùsu wɔ̀laě uu mɔ̀ boɔboɔ mɔ̀, è Nɔ̀ǒ Nyesoa dǔa jemǒ Ɔ kpala jɔkɛn Ɔ̌ nea bo klě Nyesoaa dilǎ son mɔ̀ ɛ̈ monoo bo tùtu tùɔn fòɛ.

Jɔ̀ɔ̌n 20:26

Tà wǐki waěe do sìnʼaa, è Ɔɔ mɔ̀ cheěn nyo bòa le de klě koǔǒ bo, Tɔmɔ̌se neaě u slè le. U poaǒ chnia le ǔ gbàla i. È Jùsu wǒaě u slè Ɔ̌ nynana bo, kě Ɔ dɛ̌a Ɔ je, “Ně bo wnawna keǒ a mɔ̀.”

Jɔ̀ɔ̌n 21:1

Tà ɛ kpalaǒo tǐ gbei nya, è Jùsu woǒa Ɔɔ mɔ̀ cheěn nyo je de klě jbǒǒ u dɛɛ Tabawlìa wien ɛ̈ u dɛɛ Jàlalǐi jbǒ ke. È ke ɛ nuaa tùɔn kpokpala,

Jɔ̀ɔ̌n 21:14

Tà Nyesoa dǔaa Jùsu jemǒ Ɔ sɔna lěe kǒla mǒ, dɛǒ nɛ̀ mooa ɛɛ wěe tan nenɛ keǒ Bɔ woǒa Ɔɔ mɔ̀ cheěn nyo je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:31

È klě chnɛ̀ jlǒ wě fòfoa wlòmo Ɔɔ nyopòà klee Ɔ̀ nɛ pnɔɔ blě kɛn le sɔɔnʼě Jàlalǐi wakǎ kɛn mǒ bò mu Jlǔsnɛ nù jěa Lɔ. Klě tǐà wlòmo nù moo sàse keǒ Ɔ jleě mǒ keǒ tùonyopo mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:8

È Pɔ̀ɔ̌ mia lě Jùwɛ nyoo Nyesoa koǔ bo tǐi pɛpɛ mɔ̀ klě sòbaii tan wlòmo ɔ̌ kunʼa wlò u klee ɔ chɛtlǐia ɔ̌ neaǒ u demǒ doo keǒ bɔ jbooa u Nyesoaa win kwa konkɔn le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:23

Ii tè u poaě ɛ le ǔ tbala chnɛ̀ jlǒ waě u klee Pɔ̀ɔ̌ u mǐa le bò. Tà chnɛ̀ jlǒ waěǒ ɛ nyniaǒo, nyopò fòfoa nù diaě tàě Pɔ̀ɔ̌ nea lěe. Sɔɔnʼaě kènta jleě mǒ bò jɛa tǒn, Pɔ̀ɔ̌ tmɛɛ̌a nu ɔ̌ sèsɛɛa u wlòmo Nyesoaa win kwa konkɔn tè. Ɔ slèa teteǎ Nyesoa nyeaa Mɔ̀sě klee chněenoǎǒ Nyesoaa wnɔsàɔpo chlěaa seela tǐ jleě ɔ̌ tɛ̀na ɛ mǒ keǒ bɔ nua uu dlě bi jěa lɛ ɛ̈ moo Jùsu Nɔ̀ moo Tentǎn Jǔ Ɔ̈ u pɛ̀naa snǔ mɔ̀le Bɔ̈ dia lěe Ɔ̈ mǐa nuu gblà.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:31

Ɔ kunʼa jele ɔ̌ boɛa Nyesoa win kwa konkɔn tè plě ɔ̌ teea nyopò Koɔn Jùsu Tentǎn Jǔu tè, ɛ sea nyu kɔn bɔ̈ kana ɔɔ je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:12

Kɛɛ tà Felɔ̌ boɛa uu Nyesoa Bɔ kɔn nyu win kwa ɛɛ tè je klee Jùsu Tentǎn Jǔu nynɛ̌, è jbɛjlu klee nyno poa winʼǒ ii tè kàan tè ɔ̌ poa u ně dlǒ.

Wlǔmɔ 14:17

Nyesoaa win kwa konkɔn slě noǎǒ mɔ̀ kɔn, nè di dɛàò, nè nɛ̌ dɛàò, kɛɛ noǎ ɛ kɔn lěe mɔ̀ nì moo jebo siǐan klee ně bo wnawna klee chǒnʼǒ ɛ̈ Nyesoa Ngmà Je Ne Sùsu jɛ lěe.

Klasɔ̌n 1:13

Nyesoa Nɔ̀ gblà ämo klě kpni kukwǐi kpě bobo Ɔ̌ jaě ämo klě Ɔɔ mǒ noɛɛ Jǔu win kwa konkɔn bobo.

1 Tɛseloniǎ 2:12

Ä tùiaě a wlò wlòmo ble plě ä pea a kbě ja le chɔɔ a mǐa kmɔ̌ ne wòje Nyesoaa jlǔ. Ɔɔ doǒ Nɔ̀ da amo keǒ ba kɔnʼǒ Ɔɔ win kwa konkɔn klee tè jǐ boaboǎ wakǎ jleě mǒ.

1 Jɔ̀ɔ̌n 1:1

Ä chleě a mɔ̀ ɛ̈ kwɛɛǒo Nyuà u dɛɛ Win Ɔɔ tè jleě mǒ bo Ɔ̈ nye ämoo kmɔ̌ sie fònfno. Sɔɔnʼě kmɔ̌ɔ wlò tùla mǒ Ɔ nea kmɔ̌. Äa chɛ̀ ä wɔ̌na Ɔɔ win ä kpalaǒ Ɔ jleě mɔ̀ plě ä jěa Ɔ, ä nua äa sonwe ä tǒa Ɔ le.