Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:2 - Nyesoaa Kuo Win Jajle

² ɛ̌ kpala ɛ kpa ɛ̌ jɛɛa chnɛ̀ jlǒ waěǒ Nyesoa kpaea Lɔɔ jɔkɛn. È plě Ɔ mǐa jɔkɛn mu, klě Ngmà Je Ne Sùsuu kpě wlòmo jbɛjluà ü Ɔ tbalaa keǒ bu mooa Ɔɔ tuposà kpa nyo nù Ɔ tmɔɔ̌a noǎ bu nuaa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:2 ပူးပေါင်းရင်းမြစ်များ

Matiɔ̌n 12:28

Kɛɛ bɛ̌ nu bɛ̌ moo Nyesoaa Sùsu Bɛ̌ keě kpěà nye, è ba ji ɛ ɛ̈ moo Nyesoaa win kwa konkɔn kě ɛ neɔ a slè.

Matiɔ̌n 3:16

Tà Ɔɔ ně dlǒ popoɛ wɛ̀ɛ̌la bòo mɔ̀, Jùsu sonwɛaěe ně wlòmo, è keà nyu kɛpǒo jǐ jɔkɛn knana je, Jɔ̀ɔ̌n jěa Nyesoaa Sùsu Ɛ̌ tèea lě Jùsu ja, Ɛ wǒa plabae.

Mǎkè 6:30

Tà Jùsuu tuposà kpa nyoà Ɔ dboaa Nyesoaa win boɔba u tbaeaa je, u jɛɛa Lɔ kɛn ǔ tmɔɔ̌a Nɔ noǎ wùɛ u nuaa klee ke u nuaa nyopò teea.

Lǔkù 24:51

Tà Ɔ kea uu ngmnaǒ mɔ̀ pe, è Nɔ̀ǒ Nyesoa dǔa jemǒ Ɔ kpala jɔkɛn

Lǔkù 9:51

Tà tǐ konwaěaa le keǒ Nyesoa Bɔ kpalaa Jùsu jɔkɛn, è Jùsu poa ɛ ble Bɔ mua Jlǔsnɛ Ɔ̌ tùngmaea mumuɛ.

Jɔ̀ɔ̌n 1:16

Nyesoaa Jǔ noɛɛ äa wùɛ mǒ chɔɔ Ɔ̌ po ä ngmna mɔ̀, è Bɔ̌ po ä ngmna mɔ̀ bɛ̌ sìn, Ɔ̀ poě ɛɛ bě tɛ̀ɛ.

Jɔ̀ɔ̌n 13:1

Plě Dlǒ Mǒ Sìin Didi Dɛɛ de ngmně tǐ mǐaǒ nyni, Jùsu jia ɛle ɛ̈ moo tǐ nyniaǒ no keǒ Bɔ sɔna nɔ kmɔ̌ɔ mɔ̀ mǒ Bɔ mua de klě Ɔɔ Gbeǐ mɔ̀. Ɔ noɛɛa nyopòà neɔɔ kmɔ̌ɔ mɔ̀ mǒ no ü Ɔ kɔnʼɔ Ɔ̌ noɛɛ u mǒ kaǒ ɛ miǎ kmɔ̌ɔ dlǒ chlɛ̀chlɛ kɛn jɛɛ le.

Jɔ̀ɔ̌n 13:18

È kě Jùsu dɛ̌a Ɔ je, “Ě slě aa wùɛ mɔ̀ boɔ, Ě ji nyopòà Ně chɛ̀ Ě sàǒo lo, Mǒ kɔn nu. Kɛɛ Nyesoaa winʼà nì miǒ jaě le ï dɛ̌ bòo, ‘Nyuà ɔ̈ klee Mǒ ä diiǒo tàa do dɛ nɔ̀ mi bo bitǐba ɔ miǐ ja jǎba.’ (Ps 41.9)

Jɔ̀ɔ̌n 13:3

Jùsu jia ɛle ɛ̈ moo Ɔɔ Gbeǐ poaě Ɔ noǎ wùɛ kwete mǒ Ɔ̌ jia lɛ de ɛ̈ moo Ɔ sɔnaě mǒ Gbeǐ mɔ̀ plě Ɔ̌ mia de klě Ɔ mɔ̀.

Jɔ̀ɔ̌n 16:28

Ě siaě Ně Gbeǐ jɔ mǒ Ě dia lɔ kmɔ̌ɔ mɔ̀. È klě tǐà wlòmo Ě sonwɛɔ kmɔ̌ɔ mɔ̀ mǒ no Ě mi de klě Ɔ mɔ̀.”

Jɔ̀ɔ̌n 17:13

Klě tǐà wlòmo Ě diě le klěè mɔ̀. Tà Ě neě jèɔ uu mɔ̀ kělɔ kmɔ̌ɔ wlòmo, nɛ̀ kɔn tèà Ě boɛ noǎà ɛ̈ di ɛɛ numa bǔ wɔ̌n ni chǒn mǐ u nu wòje keà Ě nuu.

Jɔ̀ɔ̌n 20:17

È Jùsu je, “Nè gbèě mɔ̀. Mɛ̌oǒ joo nɛ̀ moo Ě sěɛɛ̌ jè de mi klě Ně Gbeǐ mɔ̀, kɛɛ mu mì Ně mɔ̀ cheěn nyo wlòmo sèsae le, Ě mi ni klě a klee Ně Gbeǐ mɔ̀ Ɔ̈à moo a klee Mǒ äa Nyesoa ke.”

Jɔ̀ɔ̌n 20:21

È kě Jùsu dɛ̌a de Ɔ je, “Ně bo wnawna keǒ a mɔ̀. Klě tǐà wlòmo Ě dbe ale wòje keǒ Ně Gbeǐ nuu Ɔ̌ dbo Mǒo.”

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jɔ̀ɔ̌n 6:62

È bɛ̌ nu bǎ jě Jbɛjuu Jǔà Bɔ̌ mu kɛ jɔkɛn de klě tà Ɔ ne pnɔ lěe lèe? Deě plě a mǐ Ně tè kàan tè po?

Jɔ̀ɔ̌n 6:70

È kě Jùsu dɛ̌a u je Ɔ je, “Dɛ̌ɛ̀ Mǒà Mǒ sàǒ aa tàii pù tùo sɔ̌nʼàò? Aa nyuu do moo kǔ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:11

è u gbàla u wan u je, “Jàlalǐi jbɛjlu ale, mɛ kɔɔ̌n tè a nynaǎ kɛà tàà bo a tɛn lěě jɔ měne? Jùsuu doǒ a jěe Ɔ̈ kpae lee jɔkɛn, keǒ a ni Ɔɔ jejeɛ̌ Ɔ nii mumuɛ kě Ɔ miǎ de didiɛ numa Ɔ miǎě jɔkɛn mǒ sɔn.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:13

Tà u palaa dǐa, u muaě koǔ ja klě blòǒ kɔn wlòmo u nea lěe. Uu wùɛǒ nea lěe blòǒ wlòmo nyopò neaě uu slè ke nùà, Pitɛ̌ klee Jɔ̀ɔ̌n klee Jìmǐse klee Andlǔ klee Felɔ̌ klee Tɔmɔ̌se klee Batalòmi klee Matiɔ̌n klee Jìmǐse tɔ̀ɔ ɔ̈ monoo Afiasèe jbɛjuju, è Saemɔ̌ ɔ̈ klee nyopò tùu neaa kpě kɛn keǒ bü sàlaa Wlǔmɔ kòngmna Jùwɛ nyo dlǒ plě Jùdǎse ɔ̈ mooa Jìmǐse tɔ̀ɔ jbɛjuju.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:22

sɔɔnʼě tǐǒ kɔn jleě Jɔ̀ɔ̌n poaa Jùsu ně dlǒ bò jɛ chnɛ̀ jlǒ waěǒ Nyesoa sàla Ɔ ämoo slè Ɔ kpala Ɔɔ jɔkɛn. Nyuǒ ä mii sàba ɔ klee ämoo sɔ̌n mi sàse dɛ numa keǒ Jùsuu jeměne duduɛ̌ tè mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:9

Tà Jùsu wɔ̀laa tèǒ boɔboɔ mɔ̀, u kea Ɔ kɛne tɛn Nyesoa dǔa Ɔ jemǒ Ɔ̌ kpala Ɔ jɔkɛn, Ɔ mua mu nukpǎ wɛɛ̌a Lɔ ù jǐ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Kalesiɛ̌n 1:1

Mǒ Pɔ̀ɔ̌à chlě chněedɛ̌à ɔ̈ Jùsu Tentǎn Jǔ klee Ɔɔ Gbeǐ Nyesoa Ɔ̈ dǔa Lɔɔ jemǒ Ɔ̈ sàlaě Ɔɔ kǒla mǒ U daa bɔ̈ moo Uu tuposà kpa nyu. Ɛ se tùonyu bɔ da mǒ bo moo Uu tuposà kpa nyu ɔ̀ɔ̌ bo tuposàǒ bɛ diiě nyu tɔ̀ɔ mǒ keǒǒ mɔ̀.

Ifisiɛ̌n 2:20

È a nynaǒ kɛn bo kǎngmà ɛ̈ Nyesoaa tuposà kpa nyo klee Nyesoaa wnɔsàɔpo poo ble, Tentǎn Jǔ Jùsu Nɔ̀ moo ɛɛ tiblě.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Hiblǔ 9:24

Tentǎn Jǔ seaě bleà tùonyopo poo bobo pa ɛ̈ mooa blee chɛ̀ǒ ɛɛ sùsu. Ɔ muě jɔkɛn klě Ɔ neě kekɛɛà keǒ Nyesoa jemǒ Ɔ̌ bɛ̀te keǒ äa tèe tà.

1 Pitɛ̌ 3:22

Tà dɛǒ ɛ sìnʼaa, Ɔ muaě jɔkɛn, è klě tǐà wlòmo Ɔ neeě Nyesoaa dilǎ son mɔ̀ bo Ɔ̌ kɔn najiǒpò win kwa klee sìsi tìià blěe kpě klee win kwa kɔn kpě neěe kwete mǒ.

2 Pitɛ̌ 3:2

Ě jlɛ̌ bi beě a wlòmo dɛ Nyesoaa ngmà je ne wnɔsàɔpo boɔlaa seela tǐ jleě klee dɛǒ äa Koɔn Ɔ̈ moo äa Wowa Nyu tmɔɔ̌a amoo klě Ɔɔ tuposà kpa nyo mǒ.

Wlɛ̀velesɔ̌n 1:1

Chněedɛ̌à ɛ boɛɛ kɛn noǎ Nyesoa nyeaa Jùsu Tentǎn Jǔ Bɔ teeaa Nyesoaa na wien po nyebajle klee nynejlu ï kɔn bi kpalaa tùɔn ï kɔn tǐ seaǒo mɔ̀ tmɔ. Tentǎn Jǔ dboa Ɔɔ najiǒpòi kělɔ mǒ Jɔ̀ɔ̌n mɔ̀ ɔ̈ moo Ɔɔ na wien po nyebajlo Ɔ̌ teeaǎ noǎǒ.

Wlɛ̀velesɔ̌n 2:11

Nyu wùɛ bɔ̈ kɔn nɔkǔ, è bɔ po dɛǒ Ngmà Je Ne Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopòǒ mii duduɛ kɔnma klě uu tǐ jakě slè, sɔ̌n nenɛ kokoɛ̌ slě u dɛ jleě mǒ numa mu.”

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 2:29

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”

Wlɛ̀velesɔ̌n 21:14

Dě fòɛǒ ɛɛ ngmì nynanaǒ kɛn bo kǎngmà ɛ̈ nuuaa seɛ̌ fòee pù tùo sɔ̌n, è kǎngmàǒ ɛɛ seɔ̌ɔ do wùɛ kɛn keǒ u chlěaǒ Blajǔu tuposà kpa nyoo pù tùo sɔ̌nʼǒ uu nyneǎ.

Wlɛ̀velesɔ̌n 3:13

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”

Wlɛ̀velesɔ̌n 3:16

kɛɛ ke ɛ toon jleě mǒ bo ǎ monoo ně bɔ̀to ɛ̈ see smuu nu plě ɛ̈ see wlɔɔ lo, Ě wɛ̀ le mɔ̀ keǒ Boǒ wna a bo.

Wlɛ̀velesɔ̌n 3:22

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀.”