3 Jɔ̀ɔ̌n 1:3 - Nyesoaa Kuo Win Jajle

³ Tà ně nenawa tùu dia lěe u tmɔɔ̌a mǒo ke nùu Nyesoaa kàan dɛ wlò kpaea plě è nee ɛɛ kmɔ̌, ně plɔ bloa chɔɔ.

3 Jɔ̀ɔ̌n 1:3 ပူးပေါင်းရင်းမြစ်များ

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:15

Chnɛ̀ jlǒ waě tɛ̀ɛ mɔ̀ uu tàkpɔ̌ ɛ̈ blɛɛa tà wlèe m̀mɔdo mɔ̀ nù bòa le, è Pitɛ̌ nynana bo klě u slè, kě ɔ dɛ̌a ɔ je,

1 Kwnɛtiɛ̌ 13:6

Ɛɛ̌ kɔn lě dɛ kukǔ plɔɔ bloblɛ mǒ, kɛɛ ɛɛ plɔ ble keǒ kàan dɛ mɔ̀.

Kalesiɛ̌n 6:10

Tèǒ nì kɔn tè tǐ wùɛ mɔ̀ bɛ̌ nu bä kɔn fɔ̌, è bä nu kàan dɛ keǒ nyu wùɛ mɔ̀, sɛjesɛ keǒ äa bǐì Tentǎn Jǔu wǎn mɔ̀.

Flepiɛ̌n 1:4

È tǐ wùɛ mɔ̀ bo keǒ aa tà bɛ̀tee le, ɛ jɛ lěě chǒn wlò jleě.

2 Jɔ̀ɔ̌n 1:2

Nyesoaa kàan dɛà neɔ ämoo mǒ plě ɛ̈ miɔ ämoo mǒ bo nema ke ɛ mii jleě mǒ bo tonma, nɛ̀ mi ä numa ä mǐ a mǒ noɛɛ ne.

2 Jɔ̀ɔ̌n 1:4

Ɛ ni niǐ chǒn chɔɔ bo di ɛ wɔ̌n ɛ̈ moo aa tìe nee äa Gbeǐ Nyesoaa kàan dɛ kmɔ̌ wòje ke Ɔ nu ɛ ämoo tmɔɔ̌a bä nuu.

3 Jɔ̀ɔ̌n 1:10

Tèǒ nì kɔn tè bɛ̌ nu bo diě, Ě mi Tentǎn Jǔu wǎnʼǒ tmɔɔ̌ma ɛ̈ kwɛɛǒo noǎ kukwǐǒ Daetlòfɔ nii jleě mǒ bo klee senʼǒ ɔ gbɛ̀tɛɛ lee le keǒ ä jleě mǒ. Dɛǒ ɔ nii ɛ se fò, ii tè bɛ̌ nu Nyesoa nyoà bǔ diě ɛmo tàě ɔɔ̌ kme u jebo plě ɔ̌ tmɛɛ̌ nyopòà jlɛ̌ bu kme uu jebo buǔ ni ɛ, ɔ̌ sɛ̀ě nyopòǒ ni ɛɛ Tentǎn Jǔu wǎn slè.

3 Jɔ̀ɔ̌n 1:2

Ně mǒ noɛɛ nyu, Ě kuun ɛ je wlò ɛ̈ moo noǎ wùɛ nu tɛɛ keǒò mɔ̀ klee nè fǒ nu seɔɔn keǒ ɛ nuu klě nè sùsu mǒ.

3 Jɔ̀ɔ̌n 1:4

Dɛ nii mǒo chǒn nɛ̀ moo keǒ bo di ɛ wɔ̌n ɛ̈ moo nyopòà Ě jaeɔɔ Koɔn mɔ̀ u nee Nyesoaa kàan dɛ kmɔ̌.

3 Jɔ̀ɔ̌n 1:5

Ně mǒ noɛɛ nyu, u tmɔɔ̌ noǒ no ke nùu tè wlò popoɛ konkɔn chɔɔ klee ke nii Tentǎn Jǔu wǎn kàan dɛ mǒ nunuɛ ü sèe jii chɛ̀ɛ.