2 Jɔ̀ɔ̌n 1:9 - Nyesoaa Kuo Win Jajle

⁹ Nyu wùɛà mii sen noǎa teeba plě ɔ̈ see kàan dɛɛ teea dlǒ mɔ̀ kpaba mu ɛ̈ kwɛɛǒo Tentǎn Jǔ jleě mǒ bo, ɔ se Nyesoa kɔn klě ɔɔ wlò jleě. Kɛɛ nyu wùɛà mii kàan dɛɛ teea dlǒ mɔ̀le kpaba ɛ̈ kwɛɛǒo Tentǎn Jǔ jleě mǒ bo, ɔ kɔn äa Gbeǐ Nyesoa klee Ɔɔ Jǔ klě ɔɔ wlò jleě.

2 Jɔ̀ɔ̌n 1:9 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 15:6

Nyu wùɛ ɔ̈ seǒ Mǒo jleě mǒ nema mu, Nyesoa mi ɔ kwa poba wòje tu baě ɛɛ̌ too, ɛ mǐ chechɛ̌, è imo beě taeǒ Ɔ mi i le bòba Ɔ̌ mǐ na tiɛ̌n Ɔ̌ mǐ i tǎn po.

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 8:31

È kě Jùsu dɛ̌a Jùwɛ nyoǒ poa Ɔɔ tè kàan tè je Ɔ je, “Bɛ̌ nu bǎ keǒ winʼà Ě tee amoo bo tùi, è sɛjesɛ amo moo Ně mɔ̀ na nyo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:42

Klě tǐ fòfoa wlòmo u gbèa le ǔ pea Nyesoaa tuposà kpa nyoǒ uu teea nɔkǔ jebo. Tǐ wùɛ mɔ̀ u klee uu sɔ̌n ǔ beaǒ tàa do ǔ sɛ̀a Nyesoaa wɛ̀ ǔ dia Koɔnʼɔ wìti didi dɛ plě ǔ boɛaě Nyesoa mɔ̀ keǒ tàa do.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

Taetɔ̌ 2:10

klee uǔ jlǐ u le, kɛɛ bu tee ɛ ɛ̈ moo u mǎ lě bo sèn tɛɛ ɛ̈ di ɛɛ numa dɛ wùɛ u mii numa ɛ mǐ teeaà ä tee lee kàan nynɛ̌ nye ɛ̈ kwɛɛǒo Nyesoa jleě mǒ bo Ɔ̈ moo äa Gblàgbla Nyu.

Hiblǔ 3:14

Bɛ̌ nu bä kme wlò je kunkuɛn ä kɔnaa bo kpankpa sosǒ klě ɛɛ wlò tùla mǒ bɛ̌ kpa ɛ kpa bɛ̌ jɛɛ ɛɛ dlǒ chlɛ̀ɛa mǒ, è ä klee Tentǎn Jǔ ä niǒ tàa do konkwa.

Hiblǔ 6:1

Tèǒ nì kɔn tè noǎà nyu bɔ̌ wɛ̀ lěe jele klě Tentǎn Jǔ mǒ u tee ɔɔ nì kɔn tè bä kpaa nya bä boɔ, bä si ii noǎǒ bo ï kɔnʼǒo nyopòà mɔ̀ ü kèke ü tùi ɛɛ wlò. A nɛ bäǎ blɛ bo bäǎ tee noǎǒ kwɛɛǒo ke nyu bɔ nuu noǎǒ kpɛě ɔɔ kmɔ̌ sie kǒla mǒ kɛn tbɛtbɛ klee ke bɔ nuu tè wlò popoɛ konkɔn klě Nyesoa mǒ

1 Jɔ̀ɔ̌n 1:3

Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

3 Jɔ̀ɔ̌n 1:9

Ě chleěa Tentǎn Jǔu wǎnʼǒ neěe mɔ̀, kɛɛ Daetlòfɔ ɔ̈ noɛɛ mǒ bɔ moo uu je si nyu ɔ seǎǎ nɔkǔ jebo poba mu.