2 Jɔ̀ɔ̌n 1:2 - Nyesoaa Kuo Win Jajle

² Nyesoaa kàan dɛà neɔ ämoo mǒ plě ɛ̈ miɔ ämoo mǒ bo nema ke ɛ mii jleě mǒ bo tonma, nɛ̀ mi ä numa ä mǐ a mǒ noɛɛ ne.

2 Jɔ̀ɔ̌n 1:2 ပူးပေါင်းရင်းမြစ်များ

Jɔ̀ɔ̌n 14:16

È Ě mi Ně Gbeǐ wan gbàba Ɔ mǐ Wlò Wlòmo Ble Tùɔ̌ dbo kělɔ a mɔ̀ Ɔ̈ miě amoo mɔ̀ nema tǐ wùɛ mɔ̀.

Jɔ̀ɔ̌n 15:7

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

1 Kwnɛtiɛ̌ 9:23

Ě ni noǎ wùɛ keǒ kàan tuposàà ɛɛ popoɛɛ tè mɔ̀ ɛ̈ di ɛɛ numa ngmnaǒ neě ɛɛ wlòmo Ě miǒ ɛ wakǎ jleě mǒ kɔn.

2 Kwnɛtiɛ̌ 4:5

Winʼà ä boɛɛ i seǒ äa chɛ̀ jleě mǒ bo kwɛɛ le, kɛɛ dɛà ä boɛɛ nɛ̀ moo Jùsu Tentǎn Jǔ Nɔ̀ moo Koɔn plě äa chɛ̀à ä moo aa nyebajle keǒ Ɔɔ tè mɔ̀.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

2 Timɛtě 1:5

Bɛ̌ nu bo ke ɛ dlǒ mɔ̀le sìɛn ke nù ɛɛ nynɛ̌ sènsɛn keǒ Tentǎn Jǔu kàan tè popoɛ mɔ̀, Ě pe Nyesoa tàto de. Klekle nè dǎfɔ̀ Loěse klee nàǎ Unɛ̌se nù poa Ɔɔ tà kàan tè, è Ě ji ɛle ɛ̈ moo nè chɛ̀ pò Ɔɔ tè kàan tè ke.

2 Pitɛ̌ 1:12

Tèǒ nì kɔn tè baǎje a ji ili plě ǎ blěǒ Nyesoaa kàan dɛà mɔ̀ kwa kpankpa, tǐ wùɛ mɔ̀ Ě miě i a wlòmo pooba keǒ imo noǎǒ ii tè mɔ̀.

1 Jɔ̀ɔ̌n 1:8

Bɛ̌ nu bä nu wiěn ä se kpni kukwǐ nu, è ä gbee äa chɛ̀ mǒ no plě tèǒ ä boɛɛ i se kàan tè,

1 Jɔ̀ɔ̌n 2:14

Ně jlǔ ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Nyengmè ale, dɛ kɔn tè Ě chleě amoo mɔ̀ nɛ̀ moo aa tè wlò popoɛ ne kɛn kbě plě Nyesoaa win neě a mǒ plě ǎ du kǔ wan.

1 Jɔ̀ɔ̌n 2:17

Kmɔ̌à ɛ klee noǎǒ neě ɛɛ mɔ̀ ï nyopò jlɛ̌ɛ i mi sìnma, kɛɛ nyuà mii Nyesoaa kɛn wɔɔn dɛ numa ɔ mi kmɔ̌ nema ke ɛ mii jleě mǒ bo tonma.