Klě jǐ kapǒa wlòmo, win kɛ̀naě Pitɛ̌ wan bo, è nukpǎ ɛ̈ plɛ̌aa nɛ̀ chlìa u dlǒ. È Nyesoaa Win sonwɛa lě nukpǎǒ wlòmo kě I dɛ̌a I je, “Ně Jǔ Ě noɛɛ nee mǒ Nɔ̀à, Ně wlò bloo Ɔ kɛn chɔɔ. A po Ɔɔ win nɔkǔ jebo!”
Kɛɛ bɔ̌ se nè win nɔkǔ jebo po, è bò kpa nyuu do ɔ̀ɔ̌ tàii sɔ̌n ɛ̈ di ɛɛ numa aa sɔ̌nʼǒ ɔ̀ɔ̌ tanʼǒ a mǐ sàse tù a mǐ tèǒ ikòo kɛn poo lo wòje ke Nyesoaa win dɛ̌ɛ. (Deut 19.15)
Tèǒ nì kɔn tè a mu dakwɛ̌ wùɛ mɔ̀le a mǐ u Ně mɔ̀ cheěn nyo mǒ nu. È uu mɔ̀ cheěn nyo mǒ nunuɛ nɛ̀ moo a po u ně dlǒ klě Gbeǐ klee Jǔ klee Ngmà Je Ne Sùsuu nynɛ̌ wlòmo
È Nyuǒ Ɔ mii dboba Nɔ̀ moo kàan tè le boɔ Sùsu. Kpni kukwǐ nyoǒ neěe kmɔ̌ wlòmo u slě wɔ̀ bu po Ɔ nɔkǔ jebo. Mɛ̌oǒ joo nɛ̀ moo uǔ jě Ɔ plě u se Ɔɔ tè ji, kɛɛ Sùsuǒ Ɛ neě a mǒ no plě Ɛ miě bo nema, nì kɔn tè a ji Ɛle.
È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.
È Jùsu tùia u kɛ̀ɛn Ɔ je, “Bɛ̌ nu Bo ke Ně chɛ̀ tè jǐ boaboǎ nye, ɛmo tè jǐ boaboǎǒ ɛ se dɛ kɛn bo nyna. Kɛɛ Ně Gbeǐ Ɔ̈à a je Ɔ moo aa Nyesoa Nɔ̀ nyeě tè jǐ boaboǎǒ.
Nɛ bo Koɔn Jùsu Tentǎn Jǔu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ klee Nyesoaa mǒ noɛnoɛ plě klee Ngmà Je Ne Sùsuu mǒ nyenymaea bi muu nya keǒ aa wùɛ mɔ̀.
