1 Jɔ̀ɔ̌n 5:6 - Nyesoaa Kuo Win Jajle

⁶ Jùsu Tentǎn Jǔ Nɔ̀ moo Nyu Ɔ̈ diɔ ämoo mɔ̀ klě ně dlǒ popoɛ klee Ɔɔ kokoɛ̌ mǒ. Ɔ slě ně dlǒ popoɛɛ do mǒ dii li, kɛɛ Ɔ diiě ně dlǒ popoɛ klee kokoɛ̌ mǒ. Ngmà Je Ne Sùsu Nɛ̀ moo Sàse keǒ ɛ jleě mǒ plě Nɛ̀ tmɛɛ̌ ä kàan tè.

1 Jɔ̀ɔ̌n 5:6 ပူးပေါင်းရင်းမြစ်များ

Matiɔ̌n 26:28

Mɛ kɔɔ̌n tèǒ joo nɛ̀ moo ɛmoà nɛ̀ moo Ně nymɔ ɛ̈ gblɛ̀ le keǒ nyopò fòfoaa dɛ kukǔu tè wlò le pooa mɔ̀, dɛǒ nɛ̀ poo kuo win jajle kòo kɛn ï neǒo a klee Nyesoa pǎnpe.

Matiɔ̌n 3:16

Tà Ɔɔ ně dlǒ popoɛ wɛ̀ɛ̌la bòo mɔ̀, Jùsu sonwɛaěe ně wlòmo, è keà nyu kɛpǒo jǐ jɔkɛn knana je, Jɔ̀ɔ̌n jěa Nyesoaa Sùsu Ɛ̌ tèea lě Jùsu ja, Ɛ wǒa plabae.

Mǎkè 14:24

È kě Ɔ dɛ̌a u je Ɔ je, “Dɛà nɛ̀ moo Ně nymɔ ɛ̈ gblɛ̀ le keǒ nyopò fòfoa mɔ̀ plě nɛ̀ po kuo win jajleǒ neǒo tùonyopo klee Nyesoa pǎnpe kòo kɛn.

Lǔkù 22:20

Tà u wɔ̀aa wìti didi dɛǒ le, klě ɛmo tǔnʼu doǒ wlòmo Ɔ dǔa kàe waě mǒ, è kě Ɔ dɛ̌a Ɔ je, “Dɛà nɛ̀ moo Ně nymɔ ɛ̈ wlɛ̀ bo keǒ a mɔ̀, dɛǒ nɛ̀ poo kuo win jajle kòo kɛn ï neǒo a klee Nyesoa pǎnpe.

Jɔ̀ɔ̌n 14:17

È Nyuǒ Ɔ mii dboba Nɔ̀ moo kàan tè le boɔ Sùsu. Kpni kukwǐ nyoǒ neěe kmɔ̌ wlòmo u slě wɔ̀ bu po Ɔ nɔkǔ jebo. Mɛ̌oǒ joo nɛ̀ moo uǔ jě Ɔ plě u se Ɔɔ tè ji, kɛɛ Sùsuǒ Ɛ neě a mǒ no plě Ɛ miě bo nema, nì kɔn tè a ji Ɛle.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 15:26

È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.

Jɔ̀ɔ̌n 16:13

Bɛ̌ nu bo kàan tè le boɔ Sùsu Bɛ̌ diě, Nɛ̀ miě a kàan noǎ wùɛǒ slè naema, Ɛ se Ɛɛ chɛ̀ɛ tè kɛn boɔba mu, kɛɛ tè Ɛ wɔ̌nʼɔ nì Ɛ mi boɔba. Ɛ mi a noǎa tè je tùba ï miǎ lěe diba.

Jɔ̀ɔ̌n 3:5

È Jùsu tùa ɔ kɛ̀ɛn Ɔ je, “Kàan tè Ě boɛ mòo je nìà, nyu wùɛ slě wɔ̀ bɔ beě Nyesoaa win kwa konkɔn bobo, ɛ̀ sìnʼǒ bɔ̌ poo ně dlǒ klee Ngmà Je Ne Sùsu Bɛ̌ neě ɔ ja plě.

Jɔ̀ɔ̌n 4:10

È Jùsu tùa ɔ kɛ̀ɛn Ɔ je, “Bò jii dɛ Nyesoa nyee nyopò plě Nyuà Ɔ̈ sòɛ mòo ně, è Nɔ̀ sòaa ně, è Ɔ mii mò něà nyee nyu kmɔ̌ siee fònfno nyema.”

Jɔ̀ɔ̌n 4:14

kɛɛ nyu wùɛ Ě mii něà nyema ɔ̈ mi ɛɛ nǎma, nenǎ to seǎ ɔ nu kpe. Nyu wùɛ Ě mii něǒ nyema, ɛ mi ně chlolǎe wǒba klě ɔ mǒ, ɛ mǐ ɔ kmɔ̌ sie fònfno nye.”

Jɔ̀ɔ̌n 6:55

Ke ɛ mii jleě mǒ bo tonma Ně fǒà nɛ̀ moo kàan didi dɛ plě Ně nymɔà nɛ̀ moo kàan nenǎ dɛ,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Wlǔmɔ 3:25

Jùsu Nɔ̀ Nyesoa tba Bɔ̈ nu ɛ, ɛ miě ɛ wɔ̀ uu kpni kukwǐi tè mi wlò le poo lo klě uu tè wlò popoɛ mǒ ɛ̈ u kɔnʼɔ klě Ɔɔ kokoɛ̌ mǒ. Dɛǒ nɛ̀ tee ɛ ɛ̈ moo Nyesoa moo kàan. Klě ɛɛ nunuɛ wlòmo nɛ̀ nu ɛ Ɔ̌ seǒ äa plɔ tu kɛn bo maě ne keǒ äa kpni kukwǐ ä nuaa mɔ̀.

Ifisiɛ̌n 1:7

Bɛ̌ nu bä kɔn tè wlò popoɛ klě Tentǎn Jǔ mǒ, è ä wan mǒ dbǐ klě plɔɔ tu kɛn bo maěa bobo plě Nyesoa poo äa kpni kukwǐi tè wlò le keǒ Tentǎn Jǔ Bɔ koǒǒ äa tà. Dɛǒ nɛ̀ moo Nyesoaa wlòlekaen wlòo jlajlǎ dɛ ɛ̈ɛ̌ sà Lɔɔ wlò kǔ mǒ

Klasɔ̌n 1:4

Mɛ̌oǒ joo nɛ̀ moo ä wɔ̌n aa tè wlò popoɛɛ tè le ɛ̈ a kɔnʼɔ klě Tentǎn Jǔ Jùsu mǒ plě klee ke a nu Ɔɔ wǎn wùɛ mǒ noɛnoɛ.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Taetɔ̌ 3:5

Ɔ̌ gblà ämo, ɛ̈ see bä nu jebo siǐn dɛ tɛ̀ɛ, kɛɛ ɛ moo Ɔɔ wɔle je jbojbɛ Ɔ kɔnʼɔ keǒ ä mɔ̀, nɛ̀ nu ɛ Ɔ̌ gblà ämo ɛ̈ diiě ně dlǒ popoɛ mǒ ɛ̈ nye ämoo kmɔ̌ jajlo klee klě Ngmà Je Ne Sùsu mǒ Ɛ̈ pe ämoo kbě ja le chnɛ̀ jlǒ waě wùɛ mɔ̀.

Hiblǔ 10:29

È nyuà ɔɔ plɔɔ tu kɛn bo maěaǒ blɛɛ ɔɔ je ɛ miǒ le sìnma, ɔ̈à sɛ̀ɛǒo Nyesoaa Jǔà Ɔɔ tè le klee ɔ̈ ni Ɔɔ nymɔǒ kwɛɛǒo kuo win jleě mǒ bo ɛ̌ wǒo dɛ see ngmà je ne, ɛmo nymɔɔ doǒ nu ɔmoo nyuǒ ɔ̌ nee ngmà je plě ɔ̈ cheɛɛ̌ lee Ngmà Je Ne Sùsu le Ɛ̈ kɔnʼɔ wlòo jlajlǎ dɛ ɛ̈ɛ̌ sà Ɛɛ wlò kǔ mǒ keǒ ɔ mɔ̀.

Hiblǔ 12:24

A diɔ Jùsu mɔ̀ Ɔ̈ neǒo Nyesoaa kuo win jajle klee tùonyopo pǎnpe. A diɔ Jùsuu nymɔà gblɛ̀ɛ le mɔ̀ ɛ̈ boɛɛ tɛɛ win ɛ̈ sìnʼǒo Ebòo nymɔ mǒ.

Hiblǔ 13:20

Ě bɛ̀te Nyesoa keǒ aa tè mɔ̀ Ɔ̈ ja lěe ně bo wnawna keǒ ä mɔ̀ tǐǒ jleě Ɔ dǔaa äa Koɔn Jùsu jemǒ Ɔ sàlaě Ɔɔ kǒla mǒ keǒ Bɔ moo Jǐ Mɔ̀ Tùɔ̌ fòɛ keǒ Ɔɔ wǎn mɔ̀. Tà Tentǎn Jǔ kǒo, kuo winʼǒ neǒo Nyesoa klee tùonyopo pǎnpe Ɔ nye i kpě ï nee kmɔ̌ ke ɛ toon jleě mǒ bo.

Hiblǔ 9:14

Kɛɛ Tentǎn Jǔu kokoɛ̌ nu dɛ fòɛ keǒ ä mɔ̀ ɛ̌ sìnʼǒ i mǒ. Kmɔ̌ sie Sùsu Nɛ̀ nu Tentǎn Jǔ Ɔ̌ wɔ̀le ɛ keǒ Bɔ nyee Ɔɔ chɛ̀ Nyesoa keǒ Bɔ moo Chɔ̀no Ɛ̈ snǎ lěe mɔ̀le kpǎkpǎ. Ɛmo Chɔ̀noǒ Nɛ̀ snǎě ä mɔ̀le ɛ̈ di ɛɛ numa ä bɔ̌ noǎà nunuɛ ï miě ämoo kmɔ̌ sie kǒla mǒ kpaba, ä mǐ kmɔ̌ ne Nyesoaa konkwa nu.

Hiblǔ 9:7

Ɛɛ sɔ̌n nenɛ blòǒ wan bodiɔɔ do nɔ̀ pɛaě waěe do klě jlǒ wlòmo. Bɔ̌ klě pɛ, ɔ kpɛa nymɔ ɔ mǐa Nyesoa nyee ne keǒ ɔɔ chɛ̀ɛ kpni kukwǐ klee nyopòo kpni kukwǐi tè mɔ̀ ï u sea lii ji u nuaa.

1 Pitɛ̌ 1:2

Nyesoa Nɔ̀ sàlaǒ amo Ɔ̈ moo äa Gbeǐ wòje ke Ɔ nua ɛɛ ble popoɛ, Ɔɔ Ngmà Je Ne Sùsu nua amo ǎ nea ngmà je keǒ ba mǐaǒ Jùsu Tentǎn Jǔ bo tùtuɛ kɔn klee Ɔɔ nymɔ mǐaě a mɔ̀le snǎ. Nɛ bo Nyesoaa wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya plě Bɔ nye a ně bo wnawna fòɛ.

1 Pitɛ̌ 3:21

Něǒ nɛ̀ nynanaǒ ně dlǒ popoɛ pènmo bo ɛ̈ gblà amoo klě tǐà wlòmo. Ně dlǒ popoɛ se nyu bɔ jla ɔɔ fǒ le bɔ sà mnǒ fǒ měne, kɛɛ ɛ moo pee win klě Nyesoa mɔ̀ ï sonwɛ lěe nyuu chɛ̀ɛ tè le jbojbɛ mǒ ɛ̈ snǎ lěe mɔ̀le. Jùsu Tentǎn Jǔ dǔ jemǒ Ɔ̌ sɔnʼě kǒla mǒ, ii tè Ně dlǒ popoɛ nɛ̀ gblà amo klě kpni kukwǐi plɔɔ tu kɛn bo maěa bobo.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 4:10

Mǒ noɛnoɛǒ neě ɛɛ mǒ ɛ se bä noɛɛ Nyesoa mǒ, kɛɛ ɛ moo Nyesoa Ɔ̌ noɛɛ ä mǒ, ii tè Ɔ dbo Ɔɔ Jǔ keǒ Bɔ moo äa kpni kukwǐi Chɔ̀no.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.