1 Jɔ̀ɔ̌n 5:10 - Nyesoaa Kuo Win Jajle

¹⁰ nyu wùɛ ɔ̈ mi Ɔɔ Jǔu tè kàan tè poba, ɔ tmɛɛ̌ ɛ nyopò tùu, kɛɛ nyu wùɛà se lii kàan tè poba mu, ɔ jě Nyesoa mǒ sen. Mɛ̌oǒ joo nɛ̀ moo ɔ se dɛǒ kɔn sàse dɛ Ɔ nuu ɛɛ tè kàan tè po.

1 Jɔ̀ɔ̌n 5:10 ပူးပေါင်းရင်းမြစ်များ

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 3:33

Nyu wùɛ ɔ̈ mii tuposàǒ Ɔ pee ɛɛ tè kàan tè poba, ɔmo nyuǒ ɔ tee ɛle ɛ̈ moo ɔ po ɛ kɛn kòo ɛ̈ moo Nyesoa boɛ kàan tè.

Jɔ̀ɔ̌n 5:38

Ɔɔ winʼà a seǒ i bo tù. Mɛ̌oǒ joo nɛ̀ moo a se Nyuà Ɔ dboo Ɔɔ tè kàan tè po.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:37

È Felɔ̌ tùa ɔ kɛ̀ɛn ɔ je, “Bɛ̌ nu bò po Jùsu Tentǎn Jǔu tè kàan tè keǒ nè wlò wùɛ mɔ̀, è wɔ̀le je bò poo ně dlǒ lo.” È ɔ tùa Felɔ̌ kɛ̀ɛn ɔ je, “Ě po i kàan tè ɛ̈ moo Jùsu Tentǎn Jǔ moo Nyesoaa Jǔ.”

Wlǔmɔ 8:16

Nyesoaa Sùsuu chɛ̀ Nɛ̀ tmɛɛ̌ äa sùsu ɛ̈ moo ä moo Nyesoaa jlǔ.

Kalesiɛ̌n 4:1

A nɛ bo po ɛ dɛ je keǒ a mɔ̀, kàan tè jbɛjujuà ɔɔ gbeǐi konkɔn noǎ wùɛ miǎǒo mɔ̀ kɔnma, nɔ̀ kɔn noǎ wùɛǒ, kɛɛ tǐǒ jleě ɔ monoǒ jèe jǔ, ɔɔ gbeǐ ni ɔ wòje keà kèi.

Kalesiɛ̌n 4:6

Ke ɛ toon jleě mǒ bo ǎ moo Nyesoaa jlǔ, Nyesoa dbo Ɔɔ Jǔu Sùsu klě aa wlè jleě. Ɛ pnɛ̌ dɛ jleě le klě Nyesoa mɔ̀ kě Ɛ dɛ̌, “Abà!” ɛ̈ sɛ̀nʼɛ nynɛ̌ Ně Gbeǐ.

Klasɔ̌n 3:3

Mɛ kɔɔ̌n tèǒ joo nɛ̀ moo a bɔ̌ dɛ kukǔ kmɔ̌ neea ne, è Tentǎn Jǔǒ Ɔ̈ neěe Nyesoa gbàa bo Nɔ̀ blě kmɔ̌ sie fònfno keǒ a mɔ̀ ɛ̈ nyu wùɛ slě wɔ̀ bɔ jlǐi.

Hiblǔ 3:12

Ně Tentǎn Jǔu wǎn ane, a tùǒ jǐ bo aa nyuu kpni kukwǐi se kàan tè popoɛ kɔn wlò ɛɛ̌ se ɔɔ wlògbae je jǐ ɔɔ̌ se kmɔ̌ ne Nyesoa kɛn tbɛ.

2 Pitɛ̌ 1:19

Ä jěa noǎà kɔn tè Nyesoaa wnɔsàɔpo sàlaa wan ǐ kpala tùɔn. Ɛ miǎ tɛɛ numa bɛ̌ nu bǎ po imo noǎǒ nɔkǔ jebo wòje keà pepě fɛnʼɛ klě kwijlě slè ɛ̌ kpɛ lɛɛ kpɛ chnɛ̀ gbɛ̀ɛ ɛɛ kɛn le tà Tentǎn Jǔ miǎ lěe diba. Nɔ̀ miǎě pepě jaba ɛ̈ wǒo kènta jɔtnàee pepě ɛ̈ miǎa fɔnma keǒ a kɛn.

1 Jɔ̀ɔ̌n 1:10

Bɛ̌ nu bä dǎ bò ɛ̈ moo ä sěɛlǎ kpni kukwǐ ni, è ä nu Ɔ mǒ sen le tmɔ̌ nyu, è Ɔɔ winʼà iǐ sàǒ ä dɛ jleě mǒ.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 2:17

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Ě mi nyopòà kɔnʼɔ duduɛ digbaǐà wɛ̌ɛ je ii tìe nyema u mǐ di. Ě mi u seɔ̌ plǔ gbògbae nyema ɛ̈ kɔn kɛn nynɛ̌ jajlo chleěǒo ɛ̈ nyu wùɛ see ji, ɛ̀ sìnʼǒ nyuu doǒ kmee seɔ̌ǒ jebo.”

Wlɛ̀velesɔ̌n 2:28

Ě mi u Nyuà u dɛɛ Kènta Jɔtnàe nyema ke.’ (Num 24.17)