1 Jɔ̀ɔ̌n 5:1 - Nyesoaa Kuo Win Jajle

¹ Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

1 Jɔ̀ɔ̌n 5:1 ပူးပေါင်းရင်းမြစ်များ

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Lǔkù 7:5

Mɛ̌oǒ joo nɛ̀ moo ɔ noɛɛ äa nyopò mǒ no plě ɔ̌ po Jùwɛ nyoo Nyesoa koǔ keǒ ä mɔ̀.”

Jɔ̀ɔ̌n 1:3

Noǎ wùɛ Nɔ̀ nua ni, è ɛ se dɛ kɔn Ɔ seaa nu.

Jɔ̀ɔ̌n 15:23

Nyu wùɛ ɔ̈ mi Mǒo faenma, ɔ faen Ně Gbeǐ le ke.

Jɔ̀ɔ̌n 3:3

Jùsu tmɔɔ̌a nɔ Ɔ je, “Kàan tèà Ě tmɛɛ̌ mò, nyu wùɛ slě wɔ̀ bɔ beě Nyesoaa win kwa konkɔn bobo ɛ̀ sìnʼǒ bɔ kɔɔn dee sɔ̌n.”

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:36

Tà u keaa je tèe le u keaa mi kaǒ, è nùǒ wǒaǒ ně wien. È kě nyefòɛǒ ɔ dɛ̌a Felɔ̌ je ɔ je, “Tanà le, deě dɛ tɛ̀ɛ siǐ jè kɛǒ ɛ̈ kɔn tè Ě se je blɛɛ le boǒ poo ně dlǒ le?”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:37

È Felɔ̌ tùa ɔ kɛ̀ɛn ɔ je, “Bɛ̌ nu bò po Jùsu Tentǎn Jǔu tè kàan tè keǒ nè wlò wùɛ mɔ̀, è wɔ̀le je bò poo ně dlǒ lo.” È ɔ tùa Felɔ̌ kɛ̀ɛn ɔ je, “Ě po i kàan tè ɛ̈ moo Jùsu Tentǎn Jǔ moo Nyesoaa Jǔ.”

Jìmǐse 1:18

È Ɔ nu ä Ɔɔ jlǔ mǒ klě Ɔɔ win wlòmo wòje ke Ɔ nu ɛɛ jlajlǎ ɛ̈ di ɛɛ numa ä mǒ noǎ wùɛ Ɔ nuaa ii klekle nyo klee kàan tù klě i slè.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

1 Jɔ̀ɔ̌n 2:10

Nyu wùɛà mii nyu tɔ̀ɔ mǒ noɛɛma ɔ neě pepě mǒ, dɛ tɛ̀ɛ slě ɔ mǒ ne ɛ̈ mii nyu tɔ̀ɔ wɔ̀ɔn poba.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 3:14

Ä noɛɛ nyopò tùu mǒ no, ii tè ä ji ɛle ɛ̈ moo ä sɔnʼě kmɔ̌ sie kokoɛ̌ bobo mǒ no ä neě kmɔ̌ sie fònfno slè. Nyu wùɛà see nyopò tùu mǒ noɛɛ ne, ɔ neě jè lě kmɔ̌ sie kokoɛ̌ bobo.

1 Jɔ̀ɔ̌n 3:17

Bɛ̌ nu bo nyu bɔ̌ pàn plě bɔ̌ jě nyu tɔ̀ɔ ɔ̈ see dɛ kɔn, kɛɛ pònpan nyuǒ bɔ̌ se nyuǒ see dɛ kɔn wɔle je jbo keǒ bɔ sɛ̀ɛ ɔ mǒ, è ke ɔ wɔ̀le je bɔ nuǔ kɛ Nyesoa mǒ noɛnoɛ?

1 Jɔ̀ɔ̌n 3:9

Nyu wùɛà Nyesoa nu Ɔɔ jǔ mǒ ɔɔ̌ nu kpni kukwǐ. Mɛ̌oǒ joo nɛ̀ moo Nyesoaa Sùsu Nɛ̀ neě nyuǒ ja. È ke ɛ toon jleě mǒ bo Nyesoa moo ɔɔ Gbeǐ, ɔ slě wɔ̀ ɔ mǐ kpni kukwǐ nu.

1 Jɔ̀ɔ̌n 4:2

Dɛ a wɔ̀le je ba jboo loo Nyesoaa Sùsu nɛ̀ moo nyu wùɛà mi ɛ boɔba ɛ̈ moo Jùsu Tentǎn Jǔ diiaě tùonyugbe tǔn wlòmo, ɔ kɔn Sùsuǒ lo Ɛ̈ sɔn lěe Nyesoa mɔ̀ mǒ.

1 Jɔ̀ɔ̌n 4:20

Bɛ̌ nu bo nyu bɔ̌ nu ɔ noɛɛ Nyesoa mǒ no plě bɔ̌ faen nyu tɔ̀ɔ, ɔ̀ moo sen le tmɔ̌ nyu. Mɛ kɔɔ̌n tèǒ joo nɛ̀ moo bɛ̌ nu bɔ̌ se nyuǒ mǒ noɛɛ ne ɔ̈ ɔ jěe, ɔ slě wɔ̀ bɔ noɛɛ Nyesoa mǒ Ɔ̈ ɔ sěɛlǎa jě.

1 Jɔ̀ɔ̌n 4:7

Ně mǒ noɛɛ nyopò ane, mǒ noɛnoɛ sɔnʼě mǒ Nyesoa mɔ̀, è nyu wùɛ ɔ̈ mii nyopò tùu mǒ noɛɛma, ɔ moo Nyesoaa jǔ plě ɔ̌ ji Nyesoa. Ii tè bä nonoɛɛ měne.

1 Jɔ̀ɔ̌n 5:18

Ä ji ɛle ɛ̈ moo nyu wùɛ ɔ̈ moo Nyesoaa jǔ ɔɔ̌ nee dɛ kukǔ nunuɛ kmɔ̌. Mɛ̌oǒ joo nɛ̀ moo Nyesoaa Jǔ Nɔ̀ tùi ɔ jǐ mɔ̀ ɛ̈ di ɛɛ numa kǔ ɔɔ̌ di ɔ mɔ̀ gbè.

1 Jɔ̀ɔ̌n 5:4

Dɛ ɛ nuu nɛ̀ moo nyu wùɛ ɔ̈ moo Nyesoaa jǔ ɔ du kmɔ̌ɔ měne tèntɛn wùɛ wan. Äa tè wlò popoɛ nɛ̀ du i wan.

1 Jɔ̀ɔ̌n 5:5

Mɔ wɔ̀le je bɔ̈ duǔ kɛ kmɔ̌à wan, ɛ̀ sìnʼǒ nyuà po lii kàan tè ɛ̈ moo Jùsu moo Nyesoaa Jǔ?