1 Jɔ̀ɔ̌n 4:9 - Nyesoaa Kuo Win Jajle

⁹ Ke Nyesoa ni Ɔɔ mǒ noɛnoɛ teea keǒ ä mɔ̀ nɛ̀ moo Ɔ dbo Ɔɔ Jǔu do kělɔ kmɔ̌ɔ mɔ̀ ɛ̈ di ɛɛ numa ä mǐ kmɔ̌ sie fònfno kɔn klě Ɔ mǒ.

1 Jɔ̀ɔ̌n 4:9 ပူးပေါင်းရင်းမြစ်များ

Mǎkè 12:6

È nyuu do ɔ̈ sia kɛ̀ǒo nɔ̀ mooa ɔɔ chɛ̀ɛ jbɛjuju ɔ̈ ɔ noɛɛaa mǒ chɔɔ, nɔ̀ klě demǒ bɔɔ̌ tǐ wlòmo ɔ dboa klě u mɔ̀. È kě ɔ dɛ̌a ɔ je, ‘Bɛ̌ nu bǔ jě ně jǔà u miǒ ɔ tùba.’

Lǔkù 4:18

“Koɔnʼɔ Sùsu Nɛ̀ neěě ja. Mɛ̌oǒ joo nɛ̀ moo Nɔ̀ tba Mǒ keǒ Bo po Ɔɔ kàan tuposàà sònwɛ nyo je. Ɔ dboǒ lo Bo boɔɔ nyopòà nee kpe be le uu gblàgbla tè kɛn, Ɔ̌ dbo Mǒ Bo boɔɔ nyopòà kɔn jǐ dɔɔ uu le jě tè kɛn. È Ɔ̌ dbo Mǒ Boǒ gblà nyopòà u mɛɛ̌ǒo bo,

Jɔ̀ɔ̌n 10:10

Jliɔ̌ diě le keǒ bɔ jlǐ sosǒ klee bɔ dbǎ lu plě bɔ sùe u gbè. Kɛɛ Mǒà Ě diě le ɛ̈ di ɛɛ numa u mǐ kmɔ̌ sie fònfno kɔn ɛ miǒ le sìn.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jɔ̀ɔ̌n 3:18

Nyu wùɛ ɔ̈ mi Ɔɔ tè kàan tè poba ɔ se tè jɛɛa kɔn, kɛɛ nyu wùɛ ɔ̈ se Ɔɔ tè kàan tè po tè jɛɛa nɛ̀ neǒ ɔ kɛn ɛ̌ wɛ̀ mɔ̀le. Mɛ̌oǒ joo nɛ̀ moo ɔɔ̌ po Nyesoaa Jǔu doo tè kàan tè.

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 6:29

È Jùsu tùa u kɛ̀ɛn Ɔ je, “Nyesoaa konkwa Ɔ jlɛ̌ ba nuu nɛ̀ moo ba po Nyuà Ɔ dboo kělɔ a mɔ̀ Ɔɔ tè kàan tè.”

Jɔ̀ɔ̌n 6:51

Mǒ moo Kou Ɛ̈ sɔn lěe jɔkɛn mǒ Ɛ̈ nyee nyopò fònfno. Nyu wùɛ ɔ̈ mi Ɛɛ diba ɔ mi kmɔ̌ nema tǐ wùɛ mɔ̀. Ně fǒà nɛ̀ moo kou Ě mi nyema ɛ̈ di ɛɛ numa nyopòà neɔ kmɔ̌ɔ mɔ̀ u mǐ kmɔ̌ sie fònfno kɔn.”

Jɔ̀ɔ̌n 6:57

Keà ɛ nuu Ně Kmɔ̌ Ne Gbeǐ dbo Mǒo plě Ě nee kmɔ̌ keǒ Ɔɔ tè mɔ̀, dɛɛ doǒ nɛ̀ ɛ mono, nyu wùɛ ɔ̈ mi Mǒo diba ɔ mi kmɔ̌ nema keǒ Ně tè mɔ̀.

Jɔ̀ɔ̌n 8:29

Noǎ wùɛà Ě nii i blee Nyuà dbo Mǒo Ɔɔ plɔ lo, ii tè kě Ɔ neàǎ gbàa Ɔɔ̌ siǒǒ bo.”

Jɔ̀ɔ̌n 8:42

È kě Jùsu dɛ̌a u je Ɔ je, “Bɛ̌ nu sɛjesɛ Nyesoa Bɔ̌ moo aa Gbeǐ, è a mii Mǒ mǒ noɛɛma. Mɛ̌oǒ joo nɛ̀ moo Nɔ̀ kɔn mɔ̀ Ě sɔnʼě mǒ Ě neà tàa. Ě slě di keǒ Ně chɛ̀ mɔ̀, kɛɛ Nɔ̀ dbo Mǒ.

Jɔ̀ɔ̌n 9:3

Jùsu tùa u kɛ̀ɛn Ɔ je, “Ɔɔ dodɔà ɛ se ɔɔ dɛ knǎa tè plě ɛ se ɔɔ naǎ klee gbeǐi dɛ knǎa tè ɔ se dodɔà kmɔ̌ ja. Kɛɛ Nyesoaa kpě nì mǒ konkwa nu klě ɔ mǒ nyopò mi ɛ jě u mǐ Nyesoaa kpě ji.

Wlǔmɔ 8:32

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

Hiblǔ 1:5

Nyesoa sěɛlǎ najiǒpòi tmɛɛ̌ ne ɛ̈ moo, “Mòà Mò moo Ně Jǔ, Mǒ moo Gbèǐ kekɛɛà,” (Ps 2.7) deě najiǒpòi tae Ɔ tmɔɔ̌ noǒa kɛ ɛ̈ moo, “Mǒ mi Gbèǐ tùba, è mò mǐ Ně Jǔ tùba?” (2 Sam 7.14) Ɔɔ win je dɛǒ nɛ̀ Ɔ boɔla Ɔɔ Jǔǒ je. Ii tè ä ji ɛle ɛ̈ moo Ɔɔ Jǔǒ Nɔ̀ neǒ najiǒpò dlǒ mǒ.

1 Jɔ̀ɔ̌n 3:16

Dɛ ä jii lii mǒ noɛnoɛ nɛ̀ moo Tentǎn Jǔ koǒǒ äa tà. Tèǒ nì kɔn tè bä wɛ̀ mɔ̀le keǒ bä koǒǒ Tentǎn Jǔu wǎn tùu pènmo ke.

1 Jɔ̀ɔ̌n 4:10

Mǒ noɛnoɛǒ neě ɛɛ mǒ ɛ se bä noɛɛ Nyesoa mǒ, kɛɛ ɛ moo Nyesoa Ɔ̌ noɛɛ ä mǒ, ii tè Ɔ dbo Ɔɔ Jǔ keǒ Bɔ moo äa kpni kukwǐi Chɔ̀no.

1 Jɔ̀ɔ̌n 4:16

Äa chɛ̀ ä ji ɛle plě ä po i kàan tè ɛ̈ moo Nyesoa noɛɛ ä mǒ no. Nyesoa Nɔ̀ moo mǒ noɛnoɛɛ Mǎ, è nyu wùɛà mii mǒ noɛnoɛ kmɔ̌ neema ɔ neeě Nyesoa mǒ plě Nyesoa neeě ɔ mǒ.

1 Jɔ̀ɔ̌n 5:11

È äa sàse dɛ ä nii nɛ̀ moo Nyesoa nye ä kmɔ̌ sie fònfno. Fònfnoǒ nɛ̀ moo dɛǒ Ɔɔ Jǔ Jùsu nu ämoo mǒ ɛɛ dɛ sɔnʼě ɛɛ mǒ.

1 Jɔ̀ɔ̌n 5:13

Ě chleě a mɔ̀ imo noǎà ii tè ɛ̈ di ɛɛ numa amoà poo Nyesoaa Jǔu nynɛ̌ɛ tè kàan tè a mǐ ɛ ji ɛ̈ moo a kɔn kmɔ̌ sie fònfno.