1 Jɔ̀ɔ̌n 4:7 - Nyesoaa Kuo Win Jajle

⁷ Ně mǒ noɛɛ nyopò ane, mǒ noɛnoɛ sɔnʼě mǒ Nyesoa mɔ̀, è nyu wùɛ ɔ̈ mii nyopò tùu mǒ noɛɛma, ɔ moo Nyesoaa jǔ plě ɔ̌ ji Nyesoa. Ii tè bä nonoɛɛ měne.

1 Jɔ̀ɔ̌n 4:7 ပူးပေါင်းရင်းမြစ်များ

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

1 Kwnɛtiɛ̌ 8:3

Kɛɛ bɛ̌ nu nyu bɔ̌ noɛɛ Nyesoa mǒ, Nyesoa ji ɔlo.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

Kalesiɛ̌n 4:9

Klě tǐà wlòmo a ji Nyesoa le plě Ě kɔn bo boɔ lɛ ɛ̈ moo Nyesoa ji ale. È mɛ kɔɔ̌n tè a bitǐǐ kɛ bo a tbɛɛ leě je a miěe kbě ja le wɛ̀ noǎ klee noǎà see dɛ mǒ ne mɔ̀? A jlɛ̌ ba moo kɛ kèiapo de keǒ i mɔ̀le?

Kalesiɛ̌n 5:22

Kɛɛ noǎ kɔn tè Ngmà Je Ne Sùsu kɔn lěe mɔ̀ nì moo mǒ noɛnoɛ klee chǒn le nunuɛ klee ně bo wnawna klee wlò dbadbǎ klee wlòo jǐlenmɔnmɔ klee kàan dɛ nunuɛ klee nyopò bu kɔn lěè wlò je kunkuɛn mǒ

2 Timɛtě 1:7

Mɛ̌oǒ joo nɛ̀ moo Nyesoa se ä Ɔɔ Sùsu nye Ɛ mǐ ä nu ä mǐ fano pe, kɛɛ Ɔ nye ä Sùsu Ɛ̈ ni ämoo ä nee kpě kɛn klee ä noɛɛ nee nyopò mǒ plě ä ji äa chɛ̀ɛ wlò kwa bleblɛ̌.

1 Pitɛ̌ 1:22

Klě tǐà wlòmo ɛ̈ kɔn amo tùiǒ imoo Nyesoaa kàan tèǒ bo, aa kpni kukwǐi tè poo le wlò. Dɛǒ nɛ̀ nu ɛ ǎ wɔ̀le ɛ ba sɛ̀n ɛ nynɛ̌ ba nonoɛɛ měne. Tǐ wùɛ mɔ̀ a nonoɛɛ měne keǒ aa wlè wùɛ mɔ̀ wòje Tentǎn Jǔu wǎn.

1 Jɔ̀ɔ̌n 2:10

Nyu wùɛà mii nyu tɔ̀ɔ mǒ noɛɛma ɔ neě pepě mǒ, dɛ tɛ̀ɛ slě ɔ mǒ ne ɛ̈ mii nyu tɔ̀ɔ wɔ̀ɔn poba.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 2:3

Bɛ̌ nu dɛà Nyesoa tmɛɛ̌ ämoo bä tùǒ ɛ bo, è ä ji ɛle tɛɛ ɛ̈ moo ä ji Ɔ lo.

1 Jɔ̀ɔ̌n 2:4

Nyu wùɛ bɔ̈ nu wiěn ɔ ji Nyesoa le, kɛɛ ɔ̈ɔ̌ tùǒo dɛǒ Ɔ boɛɛ bo, ɔɔ moo sen le tmɔ̌ nyu plě ɔ slě wɔ̀ bɔ boɔ kàan tè.

1 Jɔ̀ɔ̌n 2:7

Ně mǒ noɛɛ nyopò ane, ɛ se tetě jajlo bo chlě ɛ keǒ a mɔ̀, kɛɛ tetě dakǎa do a kɔnaa sɔɔnʼě ɛɛ wlò tùla mǒ nɛ̀à. Ɛmo tetě dakǎǒ nɛ̀ moo tuposàǒ a wɔ̌naa.

1 Jɔ̀ɔ̌n 3:9

Nyu wùɛà Nyesoa nu Ɔɔ jǔ mǒ ɔɔ̌ nu kpni kukwǐ. Mɛ̌oǒ joo nɛ̀ moo Nyesoaa Sùsu Nɛ̀ neě nyuǒ ja. È ke ɛ toon jleě mǒ bo Nyesoa moo ɔɔ Gbeǐ, ɔ slě wɔ̀ ɔ mǐ kpni kukwǐ nu.

1 Jɔ̀ɔ̌n 4:11

Ně mǒ noɛɛ nyopò ane, bɛ̌ nu bo Nyesoa Bɔ̌ nu bo ä mǒ noɛnoɛ, è bä nonoɛɛ měne ke.

1 Jɔ̀ɔ̌n 4:12

Nyu wùɛ nɔ̀ sěɛlǎ Nyesoa jě, kɛɛ bɛ̌ nu bä nonoɛɛ měne, è Nyesoa neě ä mǒ no, è Ɔɔ mǒ noɛnoɛ wɛ̀ě le je klě ä mǒ.

1 Jɔ̀ɔ̌n 4:16

Äa chɛ̀ ä ji ɛle plě ä po i kàan tè ɛ̈ moo Nyesoa noɛɛ ä mǒ no. Nyesoa Nɔ̀ moo mǒ noɛnoɛɛ Mǎ, è nyu wùɛà mii mǒ noɛnoɛ kmɔ̌ neema ɔ neeě Nyesoa mǒ plě Nyesoa neeě ɔ mǒ.

1 Jɔ̀ɔ̌n 4:20

Bɛ̌ nu bo nyu bɔ̌ nu ɔ noɛɛ Nyesoa mǒ no plě bɔ̌ faen nyu tɔ̀ɔ, ɔ̀ moo sen le tmɔ̌ nyu. Mɛ kɔɔ̌n tèǒ joo nɛ̀ moo bɛ̌ nu bɔ̌ se nyuǒ mǒ noɛɛ ne ɔ̈ ɔ jěe, ɔ slě wɔ̀ bɔ noɛɛ Nyesoa mǒ Ɔ̈ ɔ sěɛlǎa jě.

1 Jɔ̀ɔ̌n 4:8

Nyesoa Nɔ̀ moo mǒ noɛnoɛɛ Mǎ, ii tè nyu wùɛ ɔ̈ see nyopò tùu mǒ noɛɛ ne, ɔ se Nyesoa ji.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

2 Jɔ̀ɔ̌n 1:5

Ii tè ně mǒ noɛɛ wǎn ane, ɛ se bɛ moo tetě jajlo bo chleě ɛ a mɔ̀, ɛɛ doà ä kɔnaa sɔɔnʼě ɛɛ wlò tùla mǒ ɛ̈ tmɛɛ̌ ämoo bä nonoɛɛ měne nɛ̀à.