1 Jɔ̀ɔ̌n 4:6 - Nyesoaa Kuo Win Jajle

⁶ Kɛɛ ämoà ä sɔnʼě mǒ Nyesoa mɔ̀, nyu wùɛà jii Nyesoa ɔ pe ä jebo nɔkǔ. Nyu wùɛà seǒo Nyesoa mɔ̀ mǒ sɔn ɔɔ̌ po äa win nɔkǔ jebo. Dɛǒ nɛ̀ ä jbee Nyesoaa kàan Sùsu klee sùsuà gbee lee nyopò mǒ.

1 Jɔ̀ɔ̌n 4:6 ပူးပေါင်းရင်းမြစ်များ

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 10:16

Ě kɔn blableǎ tìi ï seɔɔ blǎgbòɔ slè neě jè, Ě kɔn Bo ja lě i ke i mǐ Ně win wɔ̌n i mǐ blǎgbòo do nu i mǐ Jǐ Mɔ̀ Tùɔ̌ɔ do kɔn.

Jɔ̀ɔ̌n 10:27

Ně nyopò wɛ̌n Ně win ni, Ě ji lu, plě ǔ nɛɛ̌ de.

Jɔ̀ɔ̌n 10:3

Wànwu jǐ mɔ̀ tùɔ̌ sɛ̀ ɔ chnu je, è ɔɔ blableǎ pe ɔɔ win nɔkǔ jebo. Bɔ̌ poě i plomǒ bɔ̌ ke i wan le diba kpɛ, ɔ dɛ ii nyneǎ do do.

Jɔ̀ɔ̌n 13:20

Bo tmɔɔ̌ a kàan tè, nyu wùɛ ɔ̈ mii nyuà Ě mii dboba jebo kmema, ɛ̀ wòje Ně chɛ̀à Mǒǒ ɔ kme jebo ke. Nyu wùɛ ɔ̈ mi Mǒo jebo kmema, è Nyuà dbo Mǒo Nɔ̀ǒ ɔ kme jebo ke.”

Jɔ̀ɔ̌n 14:17

È Nyuǒ Ɔ mii dboba Nɔ̀ moo kàan tè le boɔ Sùsu. Kpni kukwǐ nyoǒ neěe kmɔ̌ wlòmo u slě wɔ̀ bu po Ɔ nɔkǔ jebo. Mɛ̌oǒ joo nɛ̀ moo uǔ jě Ɔ plě u se Ɔɔ tè ji, kɛɛ Sùsuǒ Ɛ neě a mǒ no plě Ɛ miě bo nema, nì kɔn tè a ji Ɛle.

Jɔ̀ɔ̌n 15:26

È Jùsu je, “Wlò Wlòmo Ble Tùɔ̌ Ɔ̈ sonwɛě Něe Gbeǐ mɔ̀ mǒ Nɔ̀ moo Ngmà Je Ne Sùsu Ɛ̈ boɛɛ kàan tè. Ɛ miě Ně Gbeǐ mɔ̀ mǒ sɔnma Ě mǐ Ɛ dbo kělɔ a mɔ̀, è Nɛ̀ mi Ně tè kɛn le sèsaeba.

Jɔ̀ɔ̌n 16:13

Bɛ̌ nu bo kàan tè le boɔ Sùsu Bɛ̌ diě, Nɛ̀ miě a kàan noǎ wùɛǒ slè naema, Ɛ se Ɛɛ chɛ̀ɛ tè kɛn boɔba mu, kɛɛ tè Ɛ wɔ̌nʼɔ nì Ɛ mi boɔba. Ɛ mi a noǎa tè je tùba ï miǎ lěe diba.

Jɔ̀ɔ̌n 18:37

È Pàlɛ̌te gbàla Ɔ wan ɔ je, “Ii tè deě Mòo Klɔ̀ba?” È Ɔ tùa lɔ kɛ̀ɛn Ɔ je, “Nìǒ neěè wan ɛ̈ moo Ě moo Klɔ̀ba. Tèà nì kɔn tè Ě kɔɔn no Ě diɔ kmɔ̌ɔ mɔ̀ ɛ̈ di ɛɛ numa Ě mǐ kmɔ̌ɔ nyopò wlòmo sèsae le keǒ Nyesoaa kàan tè mɔ̀. Nyopò wùɛà kɔnʼǒo kàan dɛǒ wakǎ jleě mǒ, u pe Ně win nɔkǔ jebo.”

Jɔ̀ɔ̌n 20:21

È kě Jùsu dɛ̌a de Ɔ je, “Ně bo wnawna keǒ a mɔ̀. Klě tǐà wlòmo Ě dbe ale wòje keǒ Ně Gbeǐ nuu Ɔ̌ dbo Mǒo.”

Jɔ̀ɔ̌n 8:19

È u gbɛ̀a Ɔ wan u je, “È tà Gbèǐ neě kɛ?” È Jùsu tùa u kɛ̀ɛn Ɔ je, “A se Mǒ klee Ně Gbeǐ ji. Bɛ̌ nu bǎ jii Mǒ, è a mii Ně Gbeǐ jiba ke.”

Jɔ̀ɔ̌n 8:23

È kě Ɔ dɛ̌a u je Ɔ je, “Amoà kě a sɔnʼɔ kmɔ̌ɔ mɔ̀ mǒ, kɛɛ Mǒà Ě sɔnʼě mǒ jɔkɛn. Amoà kě a sɔnʼɔ kmɔ̌ɔ mɔ̀ mǒ, kɛɛ Mǒà Ě seɔ mǒ sɔn.

Wlǔmɔ 1:1

Mǒ Pɔ̀ɔ̌à chlě chněedɛ̌à ɔ̈ moo Tentǎn Jǔ Jùsuu nyebajlo. Nyesoaa chɛ̀ Nɔ̀ da mǒ bo moo Ɔɔ tuposà kpa nyu Ɔ̌ sà mǒ keǒ bo po Ɔɔ kàan tuposà

Wlǔmɔ 11:8

kě Nyesoaa win dɛ̌ i je, “Nyesoa nu ɛ uu tè le jbojbɛɛ sùsu dɔ. Klě tǐà ä neěe wlòmoo chɛ̀ u kɔn jǐ, kɛɛ uǔ jě le kaǒ, u kɔn nɔkwǐ, kɛɛ uǔ wɔ̌n le.” (Deut 29.4, Is 29.10)

1 Kwnɛtiɛ̌ 14:37

Bɛ̌ nu nyu wùɛ bɔ̌ ji ɛ ɛ̈ moo ɔ moo Nyesoaa wnɔsàɔ ɔ̀ɔ̌ ɔ blě Sùsuu nyee dɛ tɛ̀ɛ, è bɔ poo ɛ kòo kɛn ɛ̈ moo noǎà kɔn tè Ě chleě ɔɔ mɔ̀ i moo teteǎ ï sɔn lěe Koɔn mɔ̀ mǒ.

2 Kwnɛtiɛ̌ 10:7

Sɛje a jě noǎa kɛn dɛ sosǒ ke ɛ nee. Nyu wùɛ bɔ̌ jě ɛ ɛ̈ moo ɔ ni Tentǎn Jǔu konkwa ɔ̌ sìnʼǒ ä mǒ, bɔ sìɛn ɔɔ chɛ̀ɛ tè dlǒ mɔ̀le de ɔ mǐ ɛ ji ɛ̈ moo ä ni Tentǎn Jǔu konkwa wòje keǒ ɔ nii.

2 Tɛseloniǎ 1:8

È nyopòǒ se Ɔ ji Ɔ miǎ na numa Ɔ miǎǒ uu plɔ tu kɛn bo maě ne klee nyopòà se Ɔɔ kàan tuposàa tè kàan tè po ɛ̈ kwɛɛǒo äa Koɔn Jùsu jleě mǒ bo.

1 Timɛtě 4:1

Ngmà Je Ne Sùsu boɔ ɛle ɛ̌ pàe chnɛ̀ le ɛ̈ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo nyopòo tìe miǎ uu tè wlò popoɛ u kɔnʼɔ kɛn tbɛba u miǎ sen le tmɔ̌ sìsi kàan tè po klee teeaà jǐlenymi sìsi miǎ uu teeba.

2 Pitɛ̌ 3:2

Ě jlɛ̌ bi beě a wlòmo dɛ Nyesoaa ngmà je ne wnɔsàɔpo boɔlaa seela tǐ jleě klee dɛǒ äa Koɔn Ɔ̈ moo äa Wowa Nyu tmɔɔ̌a amoo klě Ɔɔ tuposà kpa nyo mǒ.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

1 Jɔ̀ɔ̌n 4:4

Ně jlǔ ale, a sɔnʼě mǒ Nyesoa mɔ̀ plě a du Tentǎn Jǔu jlae nyo wan. Mɛ̌oǒ joo nɛ̀ moo Sùsuǒ neě amoo ja Ɛ kun nu Ɛ̌ sìnʼǒ sùsuǒ neěe kmɔ̌ɔ nyopò ja mǒ.

1 Jɔ̀ɔ̌n 4:8

Nyesoa Nɔ̀ moo mǒ noɛnoɛɛ Mǎ, ii tè nyu wùɛ ɔ̈ see nyopò tùu mǒ noɛɛ ne, ɔ se Nyesoa ji.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:17

Kɛɛ ně mǒ noɛɛ nyopò ane, bi beě a wlòmo tèǒ äa Koɔn Jùsu Tentǎn Jǔu tuposà kpa nyo boɔlaǒ uu jleě mǒ seela tǐ jleě.