1 Jɔ̀ɔ̌n 4:4 - Nyesoaa Kuo Win Jajle

⁴ Ně jlǔ ale, a sɔnʼě mǒ Nyesoa mɔ̀ plě a du Tentǎn Jǔu jlae nyo wan. Mɛ̌oǒ joo nɛ̀ moo Sùsuǒ neě amoo ja Ɛ kun nu Ɛ̌ sìnʼǒ sùsuǒ neěe kmɔ̌ɔ nyopò ja mǒ.

1 Jɔ̀ɔ̌n 4:4 ပူးပေါင်းရင်းမြစ်များ

Jɔ̀ɔ̌n 12:31

Ɛ nu tǐ keǒ Nyesoa Bɔ tù kmɔ̌à ɛɛ blilǐ, Ɔ mǐ ɛɛ win kwa kɔn nyu ɔ̈ moo kǔ wan du.

Jɔ̀ɔ̌n 14:30

Kmɔ̌à ɛɛ win kwa kɔn nyu diě le ɔ̌ tɛ̀n ɛ mǒ keǒ bɔ duǔ wan. Ii tè Ě se dɛ pɛ̀tu kɔn Bo tmɔɔ̌ amo. Ɔ se kpě kɔn kěàǎ mɔ̀,

Jɔ̀ɔ̌n 16:11

Tè kɔn tè u wlǎa tè keǒ Nyesoaa tè tùtuɛ jleě mǒ nɛ̀ moo kǔà ɔ̈ kɔnʼɔ kmɔ̌à win kwa Nyesoa jɛɛ ɔ tè le ɛ̌ wɛ̀ mɔ̀le.

Jɔ̀ɔ̌n 17:23

Ě neeǒ u mɔ̀, È neeǒǒ mɔ̀. Nɛ bu nu dɛɛ do klě Ä mǒ kpǎkpǎ ɛ̈ di ɛɛ numa kmɔ̌ɔ nyopò mi ɛ ji ɛ̈ moo Mò dbo Mǒ plě Ě noɛɛ u mǒ keà nù Mǒo mǒ noɛɛa.

Wlǔmɔ 8:31

Bäǎ wɔ̀ kɛ noǎ wùɛà boɔboɔ mɔ̀, mɛ siǒo de bä boɔɔ̌? Bɛ̌ nu Nyesoa Bɔ̌ neeě äa wakǎ kɛn, bä jě nyu tae mi ämoo jebo nynama?

Wlǔmɔ 8:37

Kɛɛ Nyuà noɛɛ ämoo mǒ Ɔ miǒ ä mɔ̀ mǎma ä mǐ duduɛ kɔn kpǎkpǎ keǒ sònwɛ jejeɛ̌ wùɛà mɔ̀.

1 Kwnɛtiɛ̌ 2:12

Nyesoa se ä sùsu nye ɛ̈ kɔn nɔɔ kmɔ̌ɔ wlòmo, kɛɛ Ɔ nye ä Sùsuà Ɛ̈ sɔnʼě Ɔɔ chɛ̀ mɔ̀ mǒ. Dɛǒ nɛ̀ nu ɛ ä ji Sùsuu kàan nyee noǎ ï neɔ ämoo slè ï Nyesoa nye ämoo.

1 Kwnɛtiɛ̌ 6:13

Kě a dɛ̌ de ɛ̈ moo, “Digbaǐ kɔnʼǒ kwlě mɔ̀ plě kwlě kɔnʼǒ digbaǐ mɔ̀,” kɛɛ Nyesoa Nɔ̀ miǎ ii sɔ̌nʼǒ gbè sùeba. Aa blǒ fǒ seǒ gblà kmɔ̌ mɔ̀ kɔn, kɛɛ ɛ neǒ keǒ bɛ nu Koɔnʼɔ konkwa plě Koɔn Nɔ̀ kɔn nɛ.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

2 Kwnɛtiɛ̌ 6:16

Bo jě dɛ tae nǔkpuǐ klee Nyesoaa kǎ fòɛ paěn nee mǒ? Nyesoa neɔ ä mǒ, tèǒ nì kɔn tè ä wǒ je kmɔ̌ ne Nyesoaa kǎ fòɛ wòje keǒ Ɔɔ win dɛ̌ɛ ɛ̈ moo, “Ě miě Ně nyopò slè nema, Ě mǐ uu Nyesoa tù u mi Ně nyopò tù.” (Lev 26.12)

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Ifisiɛ̌n 3:17

ɛ mǐ ɛ nu Tentǎn Jǔ miě aa wlè jleě ne. Ě bɛ̀te Nyesoa keǒ ba mǐ Ɔ mǒ noɛɛ ne klee tùonyopo tùu

Ifisiɛ̌n 6:10

Dɛà nɛ̀ moo ně win wɔ̀ɔn popoɛ, aa tè wlò popoɛ bɛ ne kbě kɛn klě Koɔn mǒ, a nu Ɔɔ kbě kɛne kpě.

1 Jɔ̀ɔ̌n 2:1

Ně jlǔ ale, noǎǒ nì kɔn tè Ě chleě a mɔ̀ ɛ̈ di ɛɛ numa aǎ di kpni kukwǐ nu plě a mǐ ɛ ji ɛ̈ moo bɛ̌ nu nyu bɔ̌ nu kpni kukwǐ, ä kɔn Jùsu Tentǎn Jǔ Ɔ̈ moo Jebo Siǐn Nyu Ɔ̈ bɛ̀tee keǒ ä pènmo keǒ Ɔɔ Gbeǐ Nyesoa jemǒ.

1 Jɔ̀ɔ̌n 2:13

Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Tentǎn Jǔ lu Ɔ̈ neaa kmɔ̌ sɔɔnʼě ɛɛ wlò tùla mǒ. Nyengmè ale, dɛ kɔn tè Ě chleě amoo mɔ̀ ke nɛ̀ moo a du kǔ wan.

1 Jɔ̀ɔ̌n 3:20

Bɛ̌ nu äa wlò bɛ̌ jɛɛ ä tè, ɛ̀ sɛ̀n nynɛ̌ Nyesoa Nɔ̀ kun Ɔ̈ sìnʼǒ ä mǒ plě Ɔ̈ ji noǎ wùɛ.

1 Jɔ̀ɔ̌n 3:24

Nyu wùɛà tùiǒo Nyesoaa teteǎ ɔ neeě Nyesoa mǒ plě Nyesoa neeě ɔ mǒ. Ke ä nu ɛɛ jijiɛ ɛ̈ moo Nyesoa neɔ ä mǒ no nɛ̀ moo Ngmà Je Ne Sùsuǒ Ɔ nye ämoo Nɛ̀ nu ɛ ä ji ɛ.

1 Jɔ̀ɔ̌n 4:13

Ke ä nu ɛɛ jijiɛ ɛ̈ moo ä neě Nyesoa mǒ Ɔ̌ neeě ä mǒ nɛ̀ moo Ɔɔ Ngmà Je Ne Sùsuǒ Ɔ nye ämoo Nɛ̀ ni ɛ.

1 Jɔ̀ɔ̌n 4:16

Äa chɛ̀ ä ji ɛle plě ä po i kàan tè ɛ̈ moo Nyesoa noɛɛ ä mǒ no. Nyesoa Nɔ̀ moo mǒ noɛnoɛɛ Mǎ, è nyu wùɛà mii mǒ noɛnoɛ kmɔ̌ neema ɔ neeě Nyesoa mǒ plě Nyesoa neeě ɔ mǒ.

1 Jɔ̀ɔ̌n 4:6

Kɛɛ ämoà ä sɔnʼě mǒ Nyesoa mɔ̀, nyu wùɛà jii Nyesoa ɔ pe ä jebo nɔkǔ. Nyu wùɛà seǒo Nyesoa mɔ̀ mǒ sɔn ɔɔ̌ po äa win nɔkǔ jebo. Dɛǒ nɛ̀ ä jbee Nyesoaa kàan Sùsu klee sùsuà gbee lee nyopò mǒ.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

1 Jɔ̀ɔ̌n 5:4

Dɛ ɛ nuu nɛ̀ moo nyu wùɛ ɔ̈ moo Nyesoaa jǔ ɔ du kmɔ̌ɔ měne tèntɛn wùɛ wan. Äa tè wlò popoɛ nɛ̀ du i wan.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.