1 Jɔ̀ɔ̌n 4:2 - Nyesoaa Kuo Win Jajle

² Dɛ a wɔ̀le je ba jboo loo Nyesoaa Sùsu nɛ̀ moo nyu wùɛà mi ɛ boɔba ɛ̈ moo Jùsu Tentǎn Jǔ diiaě tùonyugbe tǔn wlòmo, ɔ kɔn Sùsuǒ lo Ɛ̈ sɔn lěe Nyesoa mɔ̀ mǒ.

1 Jɔ̀ɔ̌n 4:2 ပူးပေါင်းရင်းမြစ်များ

Jɔ̀ɔ̌n 1:14

Win beaě tùonyu tǔn wlòmo Ɔ̌ nea nɔ ä slè klě tǐ gbei wlòmo. Tà Ɔ neěa jèɔ ämoo slè, ä jěa Ɔɔ tè jǐ boaboǎ ɛ̈ Ɔ kɔnaa wòje Ɔɔ Gbeǐ Nyesoaa Jǔu do. Ɔ kɔn Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ plě Ɔ̌ tmɛɛ̌ ä kàan dɛ.

1 Kwnɛtiɛ̌ 12:3

Tèǒ nì kɔn tè boǒ sèsae a wlòmo, nyuà Nyesoaa Sùsu neěe ja ɔɔ̌ boɔ dɛà ɛ̈ moo, “Chlǒ keǒ Jùsu kɛn,” plě nyu wùɛ nɔ̀ slě wɔ̀ bɔ dǎ bò ɛ̈ moo, “Jùsu moo ně Koɔn,” ɛ̀ sìnʼǒ Nyesoaa Ngmà Je Ne Sùsu Bɛ̌ neě ɔ ja plě.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

1 Jɔ̀ɔ̌n 1:2

Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

1 Jɔ̀ɔ̌n 2:23

Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

1 Jɔ̀ɔ̌n 4:15

Nyu wùɛà mi nii kàan tè poba ɔ̈ boɛ lii ɛ̈ moo Jùsu moo Nyesoaa Jǔ, Nyesoa neeě ɔ mǒ no plě ɔ̌ neeě Nyesoa mǒ.

1 Jɔ̀ɔ̌n 4:3

Kɛɛ nyu wùɛà chnɛ̀ nii mǒ keǒ Jùsu Bɔ diiě tǔnʼǒ wlòmo, ɔ se Sùsuǒ kɔn Ɛ̈ sonwɛ lěe Nyesoa mɔ̀ mǒ. Ɛmo sùsu taeǒ ɛ sɔnʼě mǒ Tentǎn Jǔu jlae nyu mɔ̀ ɔ̈ moo kǔ. A wɔ̌na ini ɛ̈ moo Tentǎn Jǔu jlae nyu miǎě diba, klě tǐà wlòmo u neɔ kmɔ̌ɔ mɔ̀ no.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

2 Jɔ̀ɔ̌n 1:7

Nyopò fòfoa neɔ kmɔ̌ɔ mɔ̀ u gbee lee nyopò tùu mǒ. U tmɛɛ̌ u ɛ̈ moo Jùsu slě tùonyugbe tǔn wlòmo dii li. Nyu taeǒ kɔn ka ne bòo je ɔ moo nyopò mǒ boo nyu plě ɔ̌ moo Tentǎn Jǔu jlae nyu.