1 Jɔ̀ɔ̌n 4:1 - Nyesoaa Kuo Win Jajle

¹ Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

1 Jɔ̀ɔ̌n 4:1 ပူးပေါင်းရင်းမြစ်များ

Mǎkè 13:21

È klě tǐǒ wlòmo bɛ̌ nu bo nyu bɔ̌ tmɔɔ̌ǎ amo ɛ̈ moo, ‘A jè Nyesoaa Tentǎn Jǔ Nɔ̀à,’ ɔ̀ɔ̌ ‘A jè Nɔ̀ǒ neě tàě,’ aǎ peǎ ɔɔ win kàan tè.

Lǔkù 12:57

È mɛ kɔɔ̌n tè aǎ chlàǎ kɛ dɛǒ moo mǒ slɛɛ̌ dɛ klě aa chɛ̀ wlò jleě a mǐi ɛ nu?

Lǔkù 21:8

Ɔ̀ tùa u kɛ̀ɛn Ɔ je, “Ba tù aa chɛ̀ jǐ mɔ̀ nyu tɔ̀ɔ ně di a mǒ boo lo. Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Mǒà mǒ moo Nyesoaa Tentǎn Jǔ, demǒ bɔɔ̌ tǐ nìà,’ kɛɛ aǎ nɛ u de.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:11

Jùwɛ nyoǒ u jɛɛa lěe uu wlè knana je chɔɔ ɛ̌ sìnʼaǒ nyopòǒ nea lěe Tɛslonikà mǒ. U jlɛ̌a lɛ chɔɔ keǒ bu wɔ̌na tuposàǒ ɛ̈ kwɛɛaǒ Jùsu jleě mǒ bo, ii tè chnɛ̀ jlǒ waě wùɛ mɔ̀ u nea bo ǔ chěnʼa Nyesoaa win u mǐa ɛ ji tèǒ Pɔ̀ɔ̌ klee Salě boɛaa bǐ mooa kàan tè.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:29

Ě ji ɛle bo sɔnʼà mǒ nyopòà kɔn kpni nymii jǐ le ü wǒo je chìa u miɔ a slè diba, u se aa nyu wɔle je jboba mu.

1 Kwnɛtiɛ̌ 12:10

Ɛ nye tìe tùu kbě ǔ ni wlòlekaen noǎ Ɛ̌ nye tìe tùu kbě ǔ sɛ̀ wan keǒ Nyesoa mɔ̀ Ɛ̌ ni tìe tùu ǔ wɛ̀ě ɛ bu jbo kǔ sìsi klee dɛǒ moo Nyesoaa Sùsu Ɛ̌ nu tìe tùu ǔ wɛ̀ě ɛ keǒ bu po dɔ̌ɔdɔ̌ win plě Ɛ̌ ni tìe ǔ wɛ̀ě ɛ keǒ bu sèsae dɔ̌ɔdɔ̌ win kɛn le.

1 Kwnɛtiɛ̌ 14:29

Nyesoaa wnɔsàɔpoo sɔ̌n ɔ̀ɔ̌ uu tan sosǒ nù bü boɔ Nyesoa win, è nyopò tùuǒ neǒo bu chechlǎ i bɛ̌ nu tèǒ u boɔɔ bǐ neǒ snǔ mɔ̀.

1 Tɛseloniǎ 5:20

Baǎ sɛ̀ɛǒ Nyesoaa wnɔsà winʼi tè le.

1 Tɛseloniǎ 5:21

A chechlǎ win wùɛǒ a mǐ ɛ jě bǐ moo kàan, ii dɛǒ monoo kàan nɛ̀ ba nee kmɔ̌,

2 Tɛseloniǎ 2:2

wnɔsà win klee u je win klee chněedɛ̌ǒ u je ɛ̈ sɔn nɔ ämoo mɔ̀ mǒ ɛ̈ boɔ lii ɛ̈ moo chnɛ̀ jlǒ waěǒ Koɔn mii de jaba ɛ sìn ni ɛ̌ wɛ̀ mɔ̀le, iǐ ni aa wlè iǐ sɛkɛ jǐ měne plě iǐ pe a fano mǒ.

1 Timɛtě 4:1

Ngmà Je Ne Sùsu boɔ ɛle ɛ̌ pàe chnɛ̀ le ɛ̈ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo nyopòo tìe miǎ uu tè wlò popoɛ u kɔnʼɔ kɛn tbɛba u miǎ sen le tmɔ̌ sìsi kàan tè po klee teeaà jǐlenymi sìsi miǎ uu teeba.

2 Timɛtě 3:13

È dɛ kukǔ nu nyo klee nyopò kɛn jlǐ nyo mi uu kmɔ̌ǒ dlǒ mɔ̀ kpaba chɔɔ, u mǐ nyopò mǒ boo lo klee u mǐ uu chɛ̀ mǒ boo lo ke.

2 Pitɛ̌ 2:1

Klě tǐǒ sìnʼaa wlòmo ɛ kɔna sen le tmɔ̌ wnɔsàɔpo ü nea lěe nyopò slè wòje ke ɛ mii numa ke sen le tmɔ̌ tee nyo miě amoo slè ne. U mi je wɛ̌ba u miě gbè sùe win ja klě a slè. U mi Koɔn mɔ̀ chnɛ̀maa chɛ̀ Ɔ̈ gblà luu klě uu kpni kukwǐ slè, dɛǒ nɛ̀ mi ɛ numa Nyesoa mǐ u gbè sùe kekǎ kekǎ.

1 Jɔ̀ɔ̌n 2:18

Ně jlǔ ale, demǒ bɔɔ̌ tǐ nìà ä neě wlòmo. A wɛ̌na i ni ɛ̈ moo Tentǎn Jǔu jlae nyu diě le, uu fòfoa ne kɛn tùɔn ɛ̌ wɛ̀ mɔ̀le. Dɛǒ nɛ̀ kɔn mǒ ä jiiě ɛ ɛ̈ moo demǒ bɔɔ̌ tǐ nìà ä neě wlòmo.

1 Jɔ̀ɔ̌n 2:7

Ně mǒ noɛɛ nyopò ane, ɛ se tetě jajlo bo chlě ɛ keǒ a mɔ̀, kɛɛ tetě dakǎa do a kɔnaa sɔɔnʼě ɛɛ wlò tùla mǒ nɛ̀à. Ɛmo tetě dakǎǒ nɛ̀ moo tuposàǒ a wɔ̌naa.

2 Jɔ̀ɔ̌n 1:7

Nyopò fòfoa neɔ kmɔ̌ɔ mɔ̀ u gbee lee nyopò tùu mǒ. U tmɛɛ̌ u ɛ̈ moo Jùsu slě tùonyugbe tǔn wlòmo dii li. Nyu taeǒ kɔn ka ne bòo je ɔ moo nyopò mǒ boo nyu plě ɔ̌ moo Tentǎn Jǔu jlae nyu.

3 Jɔ̀ɔ̌n 1:11

Ně mǒ noɛɛ nyu, nyuà nii kàan dɛ ɔ sɔnʼě mǒ Nyesoa mɔ̀, kɛɛ nyuà nii dɛ kukǔ ɔ sěɛ Nyesoa jě, ii tè nè sɛ̀ě dɛ kukǔu fì le, kɛɛ sàě kàan dɛɛ fì le.

Wlɛ̀velesɔ̌n 2:2

Ě ji dɛǒ a nuu nu, keǒ a nuě kbě le popoɛ a nuu konkwa nunuɛ klee ke a nuu wlò dbadbǎ konkɔn. Ě ji ɛle ɛ̈ moo a se dɛ kukǔ nu nyo sòa plě a tɛ̀n nyopòà měne ü see Nyesoaa tuposà kpa nyo ü je u moo ɛɛ plě a jě ɛ ɛ̈ moo u moo sen le tmɔ̌ nyo.