1 Jɔ̀ɔ̌n 3:8 - Nyesoaa Kuo Win Jajle

⁸ Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

1 Jɔ̀ɔ̌n 3:8 ပူးပေါင်းရင်းမြစ်များ

Matiɔ̌n 12:28

Kɛɛ bɛ̌ nu bɛ̌ moo Nyesoaa Sùsu Bɛ̌ keě kpěà nye, è ba ji ɛ ɛ̈ moo Nyesoaa win kwa konkɔn kě ɛ neɔ a slè.

Matiɔ̌n 13:38

È chè fòɛǒ nɛ̀ nynaǒ kmɔ̌à pènmo bo, è kouǒ nɛ̀ nynaǒ nyopòà pènmo bo ü neěe Nyesoaa win kwa konkɔn bobo, è nenanyɔǒ nɛ̀ nynaǒ kǔu jlǔ pènmo bo.

Matiɔ̌n 4:3

È kǔà mia lě Ɔɔ měne tɛ̀nma ɔ̀ diaě Ɔ mɔ̀, kě ɔ dɛ̌a Ɔ je ɔ je, “Bɛ̌ nu sɛjesɛ Bò moo Nyesoaa Jǔ, è Bò tmɔɔ̌ seɛ̌à i mǐ flɔ̌ɔ ponpnɔ no Mì di.”

Mǎkè 1:24

kě ɔ dɛ̌a ɔ je, “Mɛ jlɛ̀ Bò nuǔ kɛ ä mǒ, Jùsu Ɔ̈ kɔn lěe Nǎsòwɛ̌ dǐa? Dì kɛɛ̌ le Bò mi ä gbè sùe le? Ä ji Nyu tae mòo no, Mòo Nyesoaa Ngmà Je Ne Nyu!”

Lǔkù 10:18

È kě Ɔ dɛ̌a u je Ɔ je, “Ě jěa Setɛ̀n ɔ̈ moo kǔ ɔ̌ duua wan ɔ̌ sɔnaě jɔkɛn mǒ wòje keà tɛ̀nʼɛ pepě bee bo.

Jɔ̀ɔ̌n 12:31

Ɛ nu tǐ keǒ Nyesoa Bɔ tù kmɔ̌à ɛɛ blilǐ, Ɔ mǐ ɛɛ win kwa kɔn nyu ɔ̈ moo kǔ wan du.

Jɔ̀ɔ̌n 16:11

Tè kɔn tè u wlǎa tè keǒ Nyesoaa tè tùtuɛ jleě mǒ nɛ̀ moo kǔà ɔ̈ kɔnʼɔ kmɔ̌à win kwa Nyesoa jɛɛ ɔ tè le ɛ̌ wɛ̀ mɔ̀le.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Wlǔmɔ 16:20

Nyesoaà nye ämoo ně bo wnawna Ɔ mi Setɛ̀n ɔ̈ monoo kǔ sìsii klɔ̀ba le waeba pase klě a bobo. Nɛ äa Koɔn Jùsuu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ bɛ muu nya.

Ifisiɛ̌n 2:2

Klě tǐǒ wlòmo kpni kukwǐà neɔɔ kmɔ̌ɔ mɔ̀ nì a neea kmɔ̌ ǎ tùiaǒ sùsuu win ɔ̈ moo sìsi kukwǐà nea lěe jɔ mǒ ii win kwa kɔn sùsu, ɔɔ doǒ nɔ̀ kɔn nyopòà seǒo Nyesoa bo tùtuɛ kɔn win kwa.

Klasɔ̌n 2:15

Tà Tentǎn Jǔ koǒǒ pète bɛ̌ tu jleě, ɛ nu Nyesoa Ɔ̌ du sìsi kukwǐ wan klě klɔ̀ slè ï kɔnʼɔ nyopò win kwa klee ï blěe kpě.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

Hiblǔ 9:26

Bɛ̌ nu bǐ see kàan tè, sɔɔnʼě kmɔ̌à ɛɛ nunu tǐ jleě mǒ Tentǎn Jǔ kɔn Bɔ jěe sònwɛ klě wě fòfoa wlòmo, kɛɛ tà tǐ kee dlǒ chlɛ̀ba di, Ɔ wǒ tàmo waěe do sosǒ Ɔ̌ nye Ɔɔ chɛ̀ Bɔ moo Chɔ̀no keǒ kpni kukwǐ mɔ̀ i miǒ le wɛ̀.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

1 Jɔ̀ɔ̌n 1:2

Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 3:5

A ji ɛle ɛ̈ moo Tentǎn Jǔ diě keǒ Bɔ poo äa kpni kukwǐi tè wlò le plě a ji ɛle ɛ̈ moo Ɔɔ̌ nu kpni kukwǐ.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:6

Bi beě a wlòmo ke dɛǒ kpalaa tùɔn keǒ najiǒpòǒ mɔ̀ ü seaǒo tà uu kpě sieaǒo sie le ü sɔnaǒ uu tùɔn kɛn mǒ. Nyesoa tù u kmɔ̌ sie chěen klě kwijlě slè ɛ̈ neɔɔ bobo ɛ mǐ ɛ kpa kpa ɛ mǐ chnɛ̀ jlǒ waě fòɛǒ kɛn jɛɛ le ɛ̈ kɔn mǒ Ɔ miǎě uu na slè pooba.

Wlɛ̀velesɔ̌n 20:10

È kǔǒ boo uu mǒ ɔ miě na wulǒ mǒ pooba ɛ̈ jǐi wnewne seɛ̌ jele, klě tàa doǒ nmiǒ ɔ klee sen le tmɔ̌ wnɔsàɔǒ u pooa lěe. Klě u miě nema u mǐ tu kɛn tùu lu tǒn klee chnɛ̀ ke ɛ mii jleě mǒ bo tonma.

Wlɛ̀velesɔ̌n 20:15

Bɛ̌ nu nyuu nynɛ̌ bɛ̌ sea chleě le klě fònfno chněedɛ̌ǒ wlòmo, na wulǒǒ nɛ̀ kɔn mǒ u tunwiǐaě ɔ.